مَرقُس 12:1 - کتاب مقدس به زبان تالشی شمالی

¹ دومله عیسی دَمَنده مَثَّلون نَه اَوون نَه گَف ژندِشه و واتِشه: «ایلَه مِردی بَه که ایلَه اَنگِرَه باغی وَج آکَردِشه و چَیی دوری حَصار دَچیندِشه. اَ، باغی دیلَه کا ایلَه چاچَه وَج آکَردِشه اَنگِری لِه آکَردِه را و ایلَه برجی وَج آکَردِشه نگهبانی دوعِه را. دومله باغی اِجاره دوشَه چَن گِلَه باغَوونون و اِشتَن شَه ایلَه دییَر مملکتی را.

کتاب مقدس به زبان تالشي - گویش مرکزی

¹ چَی بَه دوملَه عیسی دَمندَ اَوونَّه مَثَلونَّه گَف ژِ و واتِش: «ایلَه مِردی اَنگِرَ باغی گَتِشه و چَی دووریکا حیصار پِناشَه. اَنگِری لرت آکَردِرا ایلَه حووض اَ باغیکا سی آکَردِشَه و باغیکا نیگَبانی دوعِه خونه ایلَه قَلَه ساستِش. چَی بَه دوملَه اَنگِرَ باغی چَن گِلَه باغَه وونی ایجارَش دوعَه و اِشتَن دییَرَ وِلَتیرا شَه.

مَرقُس 12:1 Iomraidhean Croise

مَتّی 13:3

دومله عیسی مَثَّلون نَه وِرَه چییونی اَوون را واتِشه. اَ واتِشه: «ایی روز ایلَه کَشاوَرز دونَه پِشَنده را شَه بِرون.

مَتّی 21:28

«شِمَه چِه فیکر بَکَردیرون؟ ایلَه مِردی دِ گِلَه زوعَه ش اِستبَه. اَ شَه اِشتَن یالَ زوعَه وَر و اَیینه واتِشه: ”چِمِن زوعَه، اوری بِش چِمِن اَنگِرَه باغی کا كار بِکَه.“

مَتّی 21:33

«و حِسَه اِم مَثَّلی گوش آکَرَه. ایلَه اَربابی بَه که ایلَه اَنگِرَه باغی وَج آکَردِشه و چَیی دوری حَصار دَچیندِشه. اَ، باغی دیلَه کا ایلَه چاچَه ایی وَج آکَردِشه اَنگِری لِه آکَردِه را و ایلَه برجی وَج آکَردِشه نگهبانی دوعِه را. دومله باغی اِجاره دوشَه چَن گِلَه باغَوونون و اِشتَن شَه ایلَه دییَر مملکتی را.

مَتّی 21:34

اَنگِرَه چینی وَخت که آرَستَه، اِشتَن نوکَرون ویسا آکَردِشه باغَوونون وَر تا اِشتَن اَنگِری سَهمی تحویل بِگِرِن.

مَتّی 25:14

«هِنته نی آسِمونی پاُتشایی ایلَه مِردی شیوار بَبی که پیستِشَه بِشو سفر. اَ اِشتَن نوکَرون دَخوندِشه، اِشتَن مال و مَنالی دَسپَردِشه اَوون؛

مَرقُس 11:33

بَس عیسی جَواوی کا واتِشونَه: «اَمَه نیمَزنَم.» عیسی نی اَوون نَه واتِشه: «اَز نی شِمَه نَه نِواجِم چِه حق و اِختیاری نَه اِم کارون بَکَردیم.»

مَرقُس 13:34

اَ روزی اومِه، ایلَه مِردی شیوارَه که کارا بَشی سفر. اَ موقع که کَ نَه بَشی، اِشتَن کَ اِختیاری آدَه اِشتَن نوکَرون دَس و هَر کمیله ایلَه وظیفه‌ آدَه و بَره پا نی دستور بَدای که آگا بومونِه.

مَرقُس 3:23

عیسی اَوون دَخوندِشه اِشتَن وَر و اَوون را مَثَّلونی وَردِشه و واتِشه: «چِنتَه ممکنَه که شیطان، شیطانی بِرون بَرکَرِه؟

مَرقُس 4:2

عیسی مَثَّلون نَه، وِرَه چیون اَوون آموتِشه. اَ اِشتَن تعلیمی کا اَوون نَه واتِشه:

انجیل لوقا 15:13

چَن روزه پَش، روکَه زوعَه هَر چِه که داری جمع آکَردِشه و ایلَه دورَه مَملکتی را رایی بَه و اوآکا اِشتَن دارایی عَیاشی نَه بِه وا دوشَه.

انجیل لوقا 19:12

بَس عیسی واتِشه: «ایلَه نَجیب زاده ای شَه دورَه مملِکتی را که اِشتَرا پاُتشایی مَقامی ویگِره و دومله آگَردِه.

انجیل لوقا 22:9

اَوِن دَفَرسِشونَه: «پیستِرَه کیا کا تَدارک بِوینَم؟»

انجیل لوقا 8:10

عیسی واتِشه: «خِدا پاُتشایی سِرّون دَرک کَردِه شِمَه آدوعَه بییَه، امّا خَلکی نَه مَثَّلون نَه گَف ژَنِم، تا: «”دَیسِن امّا چیی مَوینِن؛ دَرَسِن امّا چیی مَفَهمِن.“

رَسولون اَعمال 7:38

اِم هَ موسی بَه که ویاوونی کا جَماعتی همراه بَه. و اَ ملائیکه ای همراه که سینا کوه کا اَیی نَه گَف ژَندِشَه، و هَم چَمَه اَجدادی همراه. موسی، زندگی بَخشَه کلامی ویگِتِشه تا بَمون آرِساوونِه.