مَرقُس 1:21 - کتاب مقدس به زبان تالشی شمالی

²¹ اَوِن شینَه کَفَرناحومی شهری را. وختی مقدّس شنبه روز آرَستَه، عیسی اَلبَحَل شَه یهودیون عِبادتگاه و دَمَنده تعلیم دوعِه.

کتاب مقدس به زبان تالشي - گویش مرکزی

²¹ اَیِن شهر کَفَرناحومیرا شینَه. وَقتی موقَدَسَه شَنبَه روج آرَستَه، عیسی جَخت یَهودیون عیبادَتگارا شَه و آموج دوعه شروو کَردِش.

مَرقُس 1:21 Iomraidhean Croise

مَرقُس 6:2

وختی مقدّس شنبه روز بَه، عیسی عبادتگاه کا دَمَنده تعلیم دوعِه. وِر کَسِن چَیی گفون دَرَسِه کا مات و مبهوت بینَه و بَواتین: «اِم مِرد اِم چییون کیا کا یاد گِتَشه؟ اِم چِه حکمتی یَه که اَیی آدوعَه بییَه؟ و اِمِن چِه معجزه اونی اِستینه که چَیی دَسی نَه اَنجام بَبی؟

مَرقُس 1:39

بَس عیسی راه دَلَکه و شَه جَلیلی ولایَتی اِم سَر تا اَ سَری را. عیسی چَوون عبادتگاه اون کا تعلیم بَدای و دیوون آدَمون کا بِرون بَرکَری.

مَتّی 4:23

عیسی جلیلی ولایتی گِردی،گَردی و یهودییون عبادتگاه اون کا دَرس بَدای و خِدا پاُتشایی شادَه خَوَری اِعلام بَکَردی و مردمی هَر جورَه درد و مرضی شفا بَدای.

رَسولون اَعمال 17:2

پولس طبق اِشتَن عادَت شَه عِبادتگاه، اَ، سِه گِله مقدّس شنبه روزی کا درباره مقدّس نیویشته اون اَوون نَه بَحث بَکَردی

رَسولون اَعمال 18:4

پولس هَر هفته مقدّس شنبه روز، عِبادتگاه کا یَهودیون و یونانیون نَه بَحث بَکَردی و تَقَّلا بَکَردی اَوون قانِع بِکَرِه.

مَتّی 4:13

دومله عیسی، ناصره شهری ترک کَردِشَه، اوآنَه شَه کَفَرناحومی شهری را و اوآکا مَنده. کَفَرناحوم، جلیلی دریاچه کناری کا و زِبولون و نَفتالی نواحی کا بَه.

انجیل لوقا 13:10

یَهودییون ایلَه مقدّس شَنبه روزی کا، عیسی ایلَه عِبادتگایی کا تعلیم بَدای.

انجیل لوقا 10:15

و شِمَه اِی کَفَرناحومی شهری اَهالی، شِمَه پیستِرونَه سَر بِه آسِمون بِکَشَه؟ هرگز، بَلکَم تا جهندمی تون سرنگون بَبیرون.

انجیل لوقا 4:16

عیسی شَه ناصره را، هَ شهری که اوآ کا یال آبَه بَه. اَ همیشه شیوار، یهودیون مقدّس شنبه روزی کا شَه عبادتگاه و پِرِشتَه تا خِدا کلامی بوخونِه.

مَرقُس 10:1

عیسی کَفَرناحومی نَه شَه بِرون و شَه یهودیه نواحی و اُردن رِواری اَ طرفی را. جماعت هَنی چَیی دور جمع آبینَه، و عیسی اِشتَن همیشگی یَه عادتی شیوار، اَوون تعلیم بَدای.

مَرقُس 2:1

چَن روزه پَش، وختی عیسی هَنی اومَه کَفَرناحومی شهری را، مردم خَوَردار بینَه که عیسی کَ کا مَندَه.

مَرقُس 1:20

عیسی اَلبَحَل اَوون دَخوندِشه. اَوِن نی اِشتَن دَده زِبِدی، کارگرون نَه لوتکا کا وِل آکَردِشونَه و شینَه عیسی دومله.

مَرقُس 1:29

هِنتَه که عیسی عِبادتگاه نَه شَه بِرون، یعقوب و یوحنا نَه شَه شَمعون و آندریاسی کَ.

مَرقُس 1:33

شهری مردم گِرد اَ، کَ بَری وَری کا جمع آبَه بینَه!

مَرقُس 3:1

عیسی هَنی شَه یهودیون عبادتگاه دیلَه. اوآ کا ایلَه مِردی بَه که چَیی ایلَه دَس خِشک آبَه بَه.

انجیل لوقا 4:23

عیسی اَوون نَه واتِشه: «بیدون شَک چِمِن درباره اِم مَثَّلی بَواتیرون که ”اِی طَبیب اِشتَن شَفا بِده! اَ چییونی که دَرَسَمونَه تِه کَفَرناحومی شهری کا اَنجام دوعَرَه، اییا اِشتِه شهری کا نی اَنجام بِده.“‌»