انجیل لوقا 8:18 - کتاب مقدس به زبان تالشی شمالی

¹⁸ بَس ویرا بِبییَه که چِنتَه دَرَسَه؛ چوم کسی که هِستِشه بَیی وِرتَر آدوعَه بَبی، و اَ کسی که نیشَه حَتی اَ چیی نی که خَیال بَکَردی هِستِشه، اَیی کا ویگِتَه بَبی.»

کتاب مقدس به زبان تالشي - گویش مرکزی

¹⁸ پس دیقّت بکَر چِنتَه کان دَرَستِه، اِمی خونه کن به اَ کن دارِ ویشتَر آدوعِه بَبیَه و اَ کَسیکا کن نیشَه، حتی هَه چیی کن گَمون بکَیَ دارِ نی بَیکا وینَّگَت.»

انجیل لوقا 8:18 Iomraidhean Croise

مَتّی 13:12

چوم بِه کسی که هِستِشه، وِرتَر آدوعَه بَبی تا فَت و فَراوون بِدارِه، امّا کسی که نیشَه، حتی اَ چیی که هِستِشه نی اَییکا ویگِته بَبی.

انجیل لوقا 19:26

پاُتشا واتِشه: ”شِمَه نَه بَواتیم، هَر کسی هِستِشه، وِرتَر بَیی آدوعَه بَبی؛ امّا اَ کسی که نیشَه، حَتی اَ چیی که هِستِشه نی اَیی کا ویگِته بَبی.

مَتّی 25:29

چوم هَر کسی كه هِستِشه وِرتَر بَیی آدوعَه بَبی تا فَت و فَراوون بِدارِه؛ امّا اَ کسی كه نیشَه حتی اَ چیی كه هِستِشه نی اَیی کا ویگِتَه بَبی.

یوحنا 15:2

هَر لاخه ای که مِن کا میوه مَدَه، چِمِن دَده اَیی دَوِرِه، و هَر لاخه ای که میوه بواَرِه، اَیی هَرَس بَکَردی تا وِرتَر میوه بواَرِه.

نامَه، عِبرانیه نَتاجَه مسیحیونرا 2:1

بَس چَمَه هَواس بَسی وِرتَر بِه اَ چیی بِبو که دَرَسَمونَه، نَبادا اَیی کا منحرف آبِییَم.

اوّلین نامَه قورَنتیانیرا 14:37

اَگم ایی نفر خَیال بَکَردی که ایلَه پِیغمبرَه یا ایلَه آدَمی یَه که خِدا روح هِستِشه، اَ بَسی تصدیق بِکَرِه که اَ چی که شِمَه را بَنیویشتیم ایلَه حُکمی یَه خِداوندی طرفی نَه.

اوّلین نامَه قورَنتیانیرا 8:2

اَگم ایی نفر خَیال بَکَردی ایی چیی بَزنی، حَلا اَ چی که بَسی بِزونه، نیمَزنِه.

اوّلین نامَه قورَنتیانیرا 3:18

هیچکس اِشتَن گول مَژَنِه. اَگم شِمَه دیلَه کا اینفر خَیال بِکَرِه اِم دورَه زمانه کا حَکیمَ آدَمَه، بِدا که نادون بِبو تا شاید حکیم بِبو.

رومی کلیسارا نامه 12:3

چوم فیضی واسطه نَه که بَه مِن آدوعَه بییَه، شِمَه هَر کمیله نَه بَواتیم که اِشتَن اَ چیی کا که اِستیرونه، وِرتَر مَزونه، بَلکَم هَر کمیله اَ ایمانی اَندازه که خِدا، شِمَه بَخشِستَشه، دُرست قِضاوت بِکَرَه.

رَسولون اَعمال 17:11

اِم یهودییِن اَ یَهودیونی کا که تَسالونیکی شهری کا بینَه، نَجیبتَر بینَه، اَوِن شور و شوقی نَه پیغومی قَبول کَردِشونَه و هَر روز مقدّس نیویشته اون خونین تا بِوینِن که پولس و سیلاسی گف خِدا کلامی شیوارَه یا نِه.

رَسولون اَعمال 10:33

بَس اَلبَحَل اِشتِه دومله وَیسا آکَردِمَه و تِه نی لطف کَردِرِه و اومیشه. حِسَه گِردِ اَمَه خِدا پیشی کا حاضِریمونَه تا هَر چِه خِداوند بَه تِن دستور دوعَشَه، دَرَسَم.»

انجیل لوقا 9:44

«چِمِن اِم گَفون دقّتی نَه گوش آکَرَه: اِنسانی زوعَه، مردمی دَسی نَه تسلیم بَبی.»

نامَه فیلیپی کلیسا را 3:4

هَر چَن اَز اِشتَن جِسمی تَکیَه دوعِه را دلیل هِستِمَه. اَگم کسی خَیال بَکَردی که جِسمی تَکیَه دوعِه را دلیلی هِستِشَه، اَز وِرتَر هِستِمَه:

مَرقُس 13:14

«امّا وختی اَ ’خَراوهَ کَره زِشت و نِجِسی‘ بِوینَه اَ جِگایی کایَه که نَبی بِبو، اَ موقع کسونی که یهودیه ولایتی کا مَندینَه، دَوَزِن کوه اون را؛