انجیل لوقا 8:12 - کتاب مقدس به زبان تالشی شمالی

¹² دونه اِنی که راه کا ویبینَه، کَسونی اِستینَه که خِدا کلامی دَرَسِن، امّا اِبلیس بومَی و کلامی چَوون دیلی کا دِزدِه، تا مَشان ایمان بواَرِن و نجات پیدا بِکَرِن.

کتاب مقدس به زبان تالشي - گویش مرکزی

¹² اَ دونَه اِن کن را دِلَکا بَرگنِستین، کَسِنی هِستینه کن خِداکَلامی دَنَّرَست ولی اِبلیس بومَی و کَلامی چَوون دِلیکا آبَرِ، تا مَشان ایمان بوعَرِن و نیجات بیگِن.

انجیل لوقا 8:12 Iomraidhean Croise

مَتّی 13:19

وختی که کسی خِدا پاُتشایی کلامی دَرَسِه امّا اَیی درک نِکَرِه، اَ شَریر بومَی و دونَه ای که چَیی دیلی دیله کا کاشته بییَه، دِزدِه. اِم هَ دونَه ای یَه که راه کا ویبَه.

مَتّی 13:4

وختی دونَه پِشونی، بعضی گِله دونَه اِن راه کا ویبینَه و پرنده اِن اومینَه اَوون هَردِشونَه.

مَرقُس 4:15

بعضی مردم، اَ دونه اونی شیواری نَه که راه کا ویبینَه، اوآ که خِدا کلام کاشته بَبی؛ وختی که اَوِن خِدا کلامی دَرَسِن، اَلبَحل شیطان بومَی و کلامی که چَوون دیلَه کا کاشته بییَه، دِزدِه.

انجیل لوقا 8:11

«اِم مَثَّلی مَعنی اِمَه: دونه، خِدا کلامَه.

انجیل لوقا 8:13

دونه اِنی که سِنگی یَه زمینی کا ویبون کَسونی اِستینَه که وختی خِدا کلامی دَرَسِن، اَیی شادی نَه قبول بَکَردین، امّا اَوِن بِنَه نِژَنِن. اِمِن تِلی ایمان دارِن، امّا آزمایشون موقع، اِشتَن ایمانی اَز دَس بَداین.

انجیل لوقا 8:5

«ایی روز ایلَه کَشاوَرز دونه پِشَنده را شَه مزرعه. وختی دونه پِشونی، بعضی گِله دونه اِن راه کا ویبینَه و پا جیرون کا مَندینَه و پرنده اِن اَوون هَردِشونَه.

یوحنا موکاشیفَه 12:9

و یالَ اِژدها فِرآدوعَه بَه جیری را، یعنی هَ قدیمی یَه نَلتی که اِبلیس یا شیطان دَخوندَه بَبی و گِردِ دِنیا گمراه بَکَردی. اَ فِرآدوعَه بَه زمینی سَر و چَیی ملائیکه اِن نی اَیی نَه فِرآدوعَه بینَه جیر.