انجیل لوقا 7:16 - کتاب مقدس به زبان تالشی شمالی

¹⁶ گِردی جانی کا تَرس دَلَکَه و هَتَه که خِدا ستایش بَکَردین، بَواتین: «یالَه پیغمبری چَمَه دیلَه کا ظهور کَردَشه.» و «خِدا اِشتَن قومی کمکی را اومَه.»

کتاب مقدس به زبان تالشي - گویش مرکزی

¹⁶ گِردِ اَیِنی کن اِم ایتفاقی ویندِشون تَرسِستین و هَتَه کن خدا شکر اَکَرینَه، اَواجینَه: «یالَه پَیغَمبَری چَمه دلَکا ظهور کَردَشَ.» «خدا اِشتَن قامی آرَستِه را آمهَ یَه.»

انجیل لوقا 7:16 Iomraidhean Croise

مَتّی 15:31

مردم وختی ویندِشونَه لالِن گَف ژَنِن، اِفلیجِن سالِم آبون، شِلِن راه بَشین و کورِن بَویندین، تعجب کَردِشونَه و اِسرائیلی خِدا ستایش کَردِشونَه.

مَتّی 21:11

و اَ جماعت جَواو دوشونَه: «اِم، عیسایِ پیغمبرَه. جلیلی ناصرَه، مردمی کایَه.»

مَتّی 28:8

بَس ژِنَکِن ترس و بَرکَ شادی نَه اَلبَحَل مَقبره کا بَرشینَه و ویریتینَه شینَه اِم خَوَری شاگِردون نَه بوآجِن.

مَتّی 9:8

وختی مردم اِم اِتِفاقی ویندِشونَه تَرسینَه و خِدا سِتایش کَردِشونَه که اِنتَه رَه اِختیاری آدوعَشه اِنسانون.

انجیل لوقا 1:65

گِردِ چَوون خَمسوعه اون جانی کا ترس دَلَکه. یهودیه کوعاتی سرتاسری کا، مردم، گِردِ اِم چییون درباره گف ژَنین.

انجیل لوقا 1:68

«مُتِوارک بِبو اِسرائیلی خِداوندخِدا. چوم اِشتَن قومی کمکی را اومَه و چَوون آزادی خِرییَشه.

انجیل لوقا 19:44

و تِه خاکی نَه یَکسان بَکَردین، تِه و اِشتِه خِردَنون اِشتِه دیلَه کا. اَوِن نییَرزِن سِنگی، سِنگی سَری کا بومونِه؛ چوم اَ موقعی که خِدا اِشتِه کمکی را اومَه نِفهمِسترَه.»

انجیل لوقا 2:20

شوونَه اِن آگَردِستینَه و گِردِ چییونی واسی که دَرَسَه و ویندَشون بَه خِدا شُکر و ستایش بَکَردین، چوم گِردِ چییونی که اَوون نَه واتَه بییَه بَه اِتِفاق دَلَکَه بَه.

انجیل لوقا 24:19

عیسی دَفَرسِشه: «چِه چییِن؟» جَواو دوشونَه: «اَ چیی که عیسایِ ناصری سَر اومَه! اَ، ایلَه پیغمبری بَه که خِدا پیشی کا و گِرد مردمی پیشی کا، هَم گف ژَنده کا و هَم اَنجام دوعِه کا قوی بَه.

انجیل لوقا 5:26

گِردِ اَوِن اِم ماجرا کا حَیرون بینَه، خِدا ستایش کَردِشونَه و تَرس چَوون جانی کا دَلَکَه بَه، و بَواتین: «اوری چِنتَه رَه عجیبَ چییونی ویندِمونَه.»

انجیل لوقا 5:8

وختی شمعونِ پطرس اِمی ویندِشه، عیسی پا دَلَکه و واتِشه: «اِی خِداوند، بَه مِن کا دور آبو، چوم اَز گناه کارَه مِردی ایمَه!»

انجیل لوقا 7:15

اَ مَردَه، راست نِشته و دَمَندَه گف ژَنده! عیسی، اَیی دَسپَردِشه چَیی نَنه.

انجیل لوقا 7:39

وختی اَ فریسی که عیسی دعوت کَردَش بَه اِمی ویندِشه، اِشتَن دیلی کا واتِشه: «اَگَم اِم مِرد واقعا پیغمبر بِبی، بَزنی اِم ژِنی که اَیی دَس آسا کییَه و چِنتَه رَه ژِنی یَه؛ چوم که اَ ایلَه گناه کارَه ژِنی یَه.»

انجیل لوقا 8:37

دومله جِراسیونی منطقه مردم گِرد، عیسی کا پیستِشونَه که چَوون وَری نَه بِشو، چوم بَرک تَرسَه بینَه. عیسی نی لوتکا دَنِشته و آگَردِستَه.

انجیل لوقا 9:19

شاگِردِن جَواو دوشونَه: «بعضی بَواتین تِه یحیی تعمید دَهَنده ایش، بعضی نی بَواتین تِه ایلیای پیغمبریش و بعضی نی بَواتین که ایلَه قَدیمی یَه پیغمبرون کا ایش که زِنده آبَه.»

یوحنا 1:21

اَوِن دَفَرسِشونَه: «بَس کییش؟ ایلیای پیغمبریش؟» یحیی جَواو دوشَه: «نیمَه.» اَوِن دَفَرسِشونَه: «تِه اَ پیغمبریش که موسی چَیی اومِه بَمون وعده دوعَش بَه؟» یحیی جَواو دوشَه: «نِه!»

یوحنا 1:25

اَوِن یحیی کا دَفَرسِشونَه: «اَگم تِه نِه مسیح ایش، نِه ایلیا، و نِه اَ پیغمبر، بَس چیرا تعمید بَدایش؟»

یوحنا 4:19

ژِن واتِشه: «آقا، بَویندیم که تِه پیغمبریش.

یوحنا 6:14

وختی مردم اِم علامت و معجزه که عیسی اَیی اَنجام دوعَش بَه ویندِشونَه، واتِشونَه: «واقعا که اَ هَ پیغمبری یَه که بَسی با اِم دنیا.»

یوحنا 9:17

بَس هَنی اَ کورَه مِردی کا دَفَرسِشونَه: «تِه چَیی درباره چِه بَواتیش؟ چوم اَ اِشتِه چِمون آکَردَشَه.» جَواو دوشَه: «اَ ایلَه پیغمبرَه.»

رَسولون اَعمال 5:5

وختی حَنانیا اِم گَفون دَرَسِشَه، بَلَکَه زمینی کا و اَلبَحَل جان دوشَه! گِردِ کَسونی که اِمی دَرَسِشونَه بَرک تَرسی نَه.

رَسولون اَعمال 7:37

«هِم موسی، یعقوبی نسلی نَه واتِشه: ”خِدا شِمَه بِرا اون دیلَه کا، ایلَه پیغمبر، چِمِن شیوار شِمَه را ویسا آکَرِه.“

نامه غلاطیَه کلیسارا 1:24

و اَوِن چِمِن واسی خِدا ستایش بَکَردین.