انجیل لوقا 3:16 - کتاب مقدس به زبان تالشی شمالی

¹⁶ یحیی گِردی جواوی کا واتِشه: «اَز شِمَه آوی نَه تعمید بَدایم، ولی کَسی که بَه مِن کا قُدرتمندتَره کارا بومَی. هَ کسی که اَز لایق نیمَه چَیی کَفشون بَندون آکَرِم. اَ شِمَه روح القدس و آتشی نَه غسل تعمید بَدای.

کتاب مقدس به زبان تالشي - گویش مرکزی

¹⁶ یحیی گِردی جَوابیکا واتِشَه: «اَز شِمَه آوینَه تَعمید دَرِم، ولی کَسی بَمنکا قودور تَر بومَیَ کن اَز حتی لَیاقَتِم نیَه چَی پاغَبون بَندی آکَرِم. اَ بَشِمَه خدا موقَدَسه روح و آرا نَه تعمید آرَدا.

انجیل لوقا 3:16 Iomraidhean Croise

مَتّی 3:11

«اَز توبَه را، شِمَه آوی نَه غسل تعمید بَدایم؛ ولی کَسی که چِمِن پَش بومَی مِن کا قُدرتمندتَره و اَز لایق نیمَه كه حتّی چَیی کَفشون پِگِرِم. اَ شِمَه روح القدس و آتشی نَه تعمید بَدای.

مَتّی 3:12

اَ اِشتَن چَنگکی دَسی کا دارِه و اِشتَن خَرمَنی تَمیز آکَرِه و اِشتَن گندِمی اَنباری کا جَمع آکَرِه، امّا کِلَشی، اَ آتشی دیلَه کا سونِه که دَکِشتَه نییَب.»

یوحنا 1:26

یحیی جَواو دوشَه: «اَز آوی نَه تعمید بَدایم، امّا شِمَه دیلَه کا کسی مَنده که شِمَه اَیی آنِزونَه،

یوحنا 1:27

هَ کسی که چِمِن پَش بومَی و اَز لایق نیمَه چَیی کفشون بَندی آکَرِم.»

یوحنا 1:33

اَز اِشتَن نی اَیی آنِزونیم، امّا اَ کسی که مِن ویسا آکَردَشَه تا آوی نَه تعمید بِدَم، مِنَه واتِشه: ”هَر موقع ویندِرَه خِدا روح ایی نفری سَری کا نِشتَه و مَندَه، بِزون هَ اَ کسی یَه که روح القدسی نَه تعمید بَدای.“

یوحنا 7:38

هَر کسی مِن ایمان بواَره، هَتَه که مقدّس نیوشته بَواتی، چَیی دیلی دیلَه کا زندگی بَخشَه آوی دَغَنِن راه دَلَکِن.»

رَسولون اَعمال 1:5

یحیایِ تعمید دَهنده آوی نَه غسل تعمید بَدای، امّا چَن روز دییَر، شِمَه روح القدسی نَه تعمید بَگتیرون.»

رَسولون اَعمال 10:44

پطرس حَلا کارا گَف ژَنی که روح القدس گِردِ کسونی سَر قرار گِتِشه که اَ پَیغومی دَرَسین.

رَسولون اَعمال 2:33

عیسی بَردَه بَه کَفا خِدا راستَ دَسی را و آسِمونی یَه دَده کا، روح‌ القدسِ موعودی ویگِتِشه و ویکَردِشه چَمَه سَری کا، اِمی که حِسَه بَویندیرون و دَرَسَه.

اوّلین نامَه قورَنتیانیرا 12:13

چوم گِردِ اَمَه، چِه یهود و چِه یونانی، چِه نوکَر و چِه آزاد، ایلَه روح کا غُسل تعمید گِتَمونه تا ایلَه بَدَن بِبییَم؛ و گِردِ اَمَه ایلَه روح کا هِنتِه بَیمونه.