انجیل لوقا 3:11 - کتاب مقدس به زبان تالشی شمالی

¹¹ یحیی جَواو دوشَه: «کَسی که دِ گِله خَلا هِستِشه، ایلَه آدَه اَ کسی که نیشَه، و کسی که خوراک هِستِشه نی، هِنتَه بِکَرِه.»

کتاب مقدس به زبان تالشي - گویش مرکزی

¹¹ یَحیا چَوون جَوابیکا واتِش: «اَ کن دِ گِله شَویی دارِ ایلَه شَوی، اَ کن نیشَه بدَرِ و اَ کن هَردَ چی دارِ نی اِنتَرَ بکَرِ.»

انجیل لوقا 3:11 Iomraidhean Croise

مَتّی 25:40

پاُتشا چَوون جَواوی کا بَواتی: ”حقیقتن شِمَه نَه بَواتیم، هر کاری که چِمِن ایلَه روکتَرین بِرا اون را کَردَرونَه، بَه مِرا کَردَرونَه.“

انجیل لوقا 11:41

امّا شِمَه صدقه اون اَ چیونی کا آدییَه که شِمَه وجودی دیلَه کایَه، اَ موقع لازم بَبی که شِمَه وجود پاک بِبو.

انجیل لوقا 18:22

عیسی وختی اِمی دَرَسِشَه، اَ مِردی نَه واتِشه: «حَلا ایی چی کَم داری؛ هَر چِه هِستِره بِخرَش و چَیی پولی فَقیرون دیلَه کا تقسیم بِکَه، کِه آسِمونی کا گنج داری. دومله بِری و بَه مِن کا پِیرَوی بِکَه.»

انجیل لوقا 19:8

زَکّا پِرِشتَه و عیسایِ خِداوندی نَه واتِشه: «آقا دَیِس، چِمِن دارایی نِصبی آدَم فَقیرون. و اَگم کسی کا چیی ناحَق ویگِتَمَه، چار برابر بَیی آگاردِنِم.»

یوحنا 13:29

بعضی خَیال کَردِشونَه که چوم، گروه خرجی پول کیسه یهودا دَسی کا بَه، عیسی اَیی نَه بَواتی چییونی که عیدی را لازم دارَم بِخِرِه، یا اِم که چیی آدَه فَقیرون.

رَسولون اَعمال 10:2

کُرنِلیوس ایلَه دیندارَه مِردی بَه، اَ، و چَیی خانواده گِرد خِداتَرس بینَه. کُرنِلیوس دَس و دیل بازی نَه فَقیر فُقرا کمک بَکَردی و هَمیشه خِدا درگا کا دعا بَکَردی.

رَسولون اَعمال 10:31

و واتِشه: ”کُرنِلیوس، اِشتِه دعا قبول بییَه و اِشتِه صدقه اِن خِدا حضوری کا ویر وَردَه بَه اینَه.

رَسولون اَعمال 10:4

کُرنِلیوس تَرسی نَه بَیی دَیشتَه و واتِشه: «چَه، آقا!» مَلائیکَه واتِشه: «اِشتِه دعا و صدقه‌ اِن ایلَه یادگاری یَه هدیه ای شیوار آرَستَه اینه خِدا حضور.

نامَه اَفسوسی کلیسارا 4:28

دِزد دِ دِزدی مَکَرِه، بَلکم زحمت بِکَشِه، و اِشتَن دَسون نَه صِداقتی نَه کار بِکَرِه، تا بِشا نیازمَندون نی ایی چیی آدَه.

اوّلین نامَه تیموتائوسیرا 6:17

اِم دنیا پولدارون نَه بوآج که مغرور مَبون و اِشتَن اُمیدی اِم دنیا مالی سَری کا مَنَن که نِمونِه، بَلکَم چَوون اُمید بِه خِدایی بِبو که گِردِ چییون فَت و فَراوون بَمون را آمادَه آکَردَشَه تا اَوون کا کِیف بِکَرَم.

اوّلین نامَه تیموتائوسیرا 6:18

اَوون دستور بِدَه که چاکی بِکَرِن و چاکَه کارون دیلَه کا دولتمند بِبون، دَس و دیل باز و بَخشندَه بِبون.

نامَه، عِبرانیه نَتاجَه مسیحیونرا 6:10

چوم که خِدا بی اِنصاف نییَه که شِمَه کار و محبتی که چَیی نومی واسی، مقدّسون خِدمتی کا نیشون دوعَه رونَه ویر بَرکَرِه، هَتَه که حَلا نی کارا بَکَردیرون.

یعقوبی نامَه 1:27

پاک و خالصَه دینداری خِدای دَده نَظری کا اِمَه که، یَتیمون و ویوَه ژِنَکون مصیبتی کا چَوون دَسی بِگِرَم و اِم فاسِدَه دنیا کا اِشتَن دور غَم بَرَم.

یعقوبی نامَه 2:14

چمِن بِرا اِن، اَگم ایی نفر اِدعا بِکَرِه ایمان هِستِشه، امّا اَعمال مَدارِه چِه فایده ای هِستِشه؟ اِنتَه رَه ایمانی بَشای اَیی نِجات بِدَه؟

یوحنا اوّلین نامَه 3:17

امّا اَگم ایی نفر دنیا مال و مَنالی بِداره و بِوینَه چَیی بِرا محتاجَه، با اِم حال اِشتَن دیلی بَری چَیی دیمی کا دَوَندِه، چِنتَه خِدا محبت اِنتَه رَه آدَمی دیلَه کا بَمَندی؟

یوحنا اوّلین نامَه 4:20

اَگم کسی بوآجِه که خِدا نَه خِشَه امّا اِشتَن بِرا کا بیزار بِبو، اَ آدَم دورعَه واجَه. چوم کسی که اِشتَن بِرایی نَه که بَویندی خِش نییَه، نیمَشای خِدایی نَه که ویندَه نیشَه، خِش بِبو.