انجیل لوقا 23:2 - کتاب مقدس به زبان تالشی شمالی

² اَوِن دَمَندینَه عیسی متهم کَردِه، واتِشونَه: «اَمَه اِم نتیجه آرَستیمونَه که اِم مِرد چَمَه میلّتی راه کا بَرکَرِه و اَمَه قَدَغَن بَکَردی که رومی اِمپِراطوری خَراج آمَدییَم و اِدعا بَکَردی که اِشتَن مسیح و پاُتشایَه.»

کتاب مقدس به زبان تالشي - گویش مرکزی

² اَیِن شِروو کَردِشونَه عیسی موتَهم کَردِ و واتِشون: «اَمه اِم نتیجه آرَستیمون کن اِم مِرد چَمَه میلَتی گمرا بکَیَه و چَمَه ناری بَگَتیَه تا رومی اِمپراطوری خَراجی آمَدَرم و ایدعا بَکَی کن اَ اِشتَن مسیح و پادِیشاهَه.»

انجیل لوقا 23:2 Iomraidhean Croise

مَتّی 17:27

امّا اِمی واسی که اَوون توهین مَکَرَم، بِش دریاچه وَر و ایلَه غِرماقی دَرَفَن آوی دیلَه. اوّلین مایی که گِتِرَه، چَیی گَ آکَه. ایلَه چهار دِرهَمی یَه سِکه ای چَیی دیلَه کا بَویندیش. اَیی پِگِه و اَیی نَه چِمِن و اِشتِه مالیاتی سهمی آدَه.»

مَتّی 22:21

اَوِن جَواو دوشونَه: «رومی اِمپِراطوری شِن.» عیسی اَوون نَه واتِشه: «بَس اَ چیی که اِمپراطوری شِنَه آدییَه اِمپراطوری و اَ چیی که خِدا شِنَه آدییَه خِدا.»

مَتّی 27:11

امّا عیسی، فرمانداری پیشی کا مَنده. فرماندار اَیی کا دَفَرسِشه: «تِه یهودیون پاُتشاایش؟» عیسی واتِشه: «تِه اِشتَن حِسَه واتِرَه!»

مَرقُس 12:17

عیسی اَوون نَه واتِشه: «بَس اَ چیی که اِمپراطوری شِنَه آدییَه اِمپراطوری و اَ چیی که خِدا شِنَه آدییَه خِدا.» اَوِن چَیی گفون کا حَیرون مَندینَه.

مَرقُس 15:2

پیلاتُس، عیسی کا دَفَرسِشه: «تِه یهودیون پاُتشا ایش؟» عیسی جَواو دوشَه: «تِه اِنتَه واتِرَه!»

انجیل لوقا 23:14

و اَوون نَه واتِشه: «شِمَه اِم مِردی اِم اِتهامی نَه وَردِرونَه چِمِن وَر که مردمی راه کا بَرکَرِه. اَز شِمَه پیشی کا اِم مِردی بازجویی کَردِمَه و اَیی کا هیچ تقصیری نِویندِمَه که شِمَه بُختوتون ثابت بِکَرِه .

انجیل لوقا 23:5

امّا اَوِن اِصرار بَکَردین، بَواتین: «اَ اِشتَن تعلیمون نَه گِردِ یهودیه کا مردمی جوکو ژَنِه که آشوب بِکَرِن. جلیلی ولایتی کا شروع کَردَشه و حتی تا اییا نی آرَستَه.»

یوحنا 18:29

بَس پیلاتُس اومَه بِرون چَوون وَر و دَفَرسِشه: «چِه اِتهامی اِم مِردی ضِد هِستِرونَه؟»

یوحنا 18:30

اَوِن جَواو دوشونَه: «اَگم اِم مِرد شرورانَه کاری کَردَش نِبَه که، اَمَه اَیی نِوَریمون بَه تِن تحویل بِدییَم.»

یوحنا 19:12

چَیی پَش پیلاتُس هِی چِمی دومله بَه که عیسی آزاد آکَری، امّا یهودییِن خِلِع بَکَردین، بَواتین: «اَگَم اِم مِردی آزاد آکَری، قیصری رَفِق نیشه. هَر کسی که اِدِعای پاُتشایی بِکَرِه، کارا قیصری نَه مخالفت بَکَردی.»

رَسولون اَعمال 24:13

اَوِن نیمَشان اِتهامونی که بَه مِن ژَنِن، ثابِت بِکَرِن.

رَسولون اَعمال 24:5

«اَمَه را ثابِت بییَه که اِم مِرد، فِتنه گرَه، کسی یَه که گِردِ دنیا یهودیون دیلَه کا شورش بَر پا بَکَردی. هِنتَه نی ناصری فِرقه سَردَسته اون کایَه.

رومی کلیسارا نامه 13:7

هَر کسی حقی آدییَه بَیی: اَگم خَراجَه، خَراج آدییَه، اَگم مالیاتَه، مالیات آدییَه، اَگم اِحترامَه، اِحترام بِنییَه؛ و اَگم حُرمَتَه، حُرمت بِنییَه.