انجیل لوقا 2:25 - کتاب مقدس به زبان تالشی شمالی

²⁵ اَ زمانی کا، اورشلیمی شهری کا ایلَه مِردی زندگی بَکَردی که چَیی نوم شمعون بَه. اَ صالِح و خِدا ترس بَه و اَ کسی مُنتظر بَه که قوم اِسرائیلی آزاد آکَرِه. شمعون روح القدسی کا پور بَه.

کتاب مقدس به زبان تالشي - گویش مرکزی

²⁵ اَ زَمونَه کا، صالِحو و دیندارَ مِردی، شَمعون نوم، اورشلیمیکا زندَگی اَکَریَه کن خدا قامی اَراخِمونی مونتَظیر بَه و خدا موقَدسَه روح چَی سَریکا بَه.

انجیل لوقا 2:25 Iomraidhean Croise

مَرقُس 15:43

ایلَه مِردی که چَیی نوم یوسف بَه و رامَه شهری اَهالی بَه، جرأت کَردِشه شَه پیلاتُسی وَر و عیسی جَنازه پیستِشَه. یوسف یهودی شورا ایلَه محترمَه اَعضا اون کا بَه و خِدا پاُتشایی را چِم بِه راه بَه.

انجیل لوقا 1:41

وختی اِلیزابِت، مریمی سلامی دَرَسِشَه، خِردَن چَیی اِشکَمی کا تَکان هَردِشه و اِلیزابِت روح القدسی کا پور آبَه،

انجیل لوقا 1:6

اَوِن هَر دِ نفر خِدا نَظری کا صالِح بینَه و خِداوندی گِرد اَحکام و دَستورون، بیدون کم و کَسری اَنجام بَداین.

انجیل لوقا 1:67

اَ موقع خِردَنی دَده، زکریا، روح القدسی نَه پور آبَه و اِنتَه نبوّت کَردِشه:

انجیل لوقا 2:38

حَنّا نی هَ موقع اومَه نار و خِدا شُکر کَردِشه، گِرد کَسونی را که اورشلیمی آزادی چِم بِه راه بینَه، عیسی درباره گف ژَندِشَه.

انجیل لوقا 23:51

امّا چَوون رأی و تصمیمی نَه موافِق نِبَه. یوسف خِدا پاُتشایی را چِم بِه را بَه.

رَسولون اَعمال 10:2

کُرنِلیوس ایلَه دیندارَه مِردی بَه، اَ، و چَیی خانواده گِرد خِداتَرس بینَه. کُرنِلیوس دَس و دیل بازی نَه فَقیر فُقرا کمک بَکَردی و هَمیشه خِدا درگا کا دعا بَکَردی.

رَسولون اَعمال 10:22

اَوِن واتِشونَه: «کُرنِلیوس، رومی یَه اَفسر، اَمَه ویسا آکَردَشَه. اَ مِردی دُرستکار و خِدا تَرسَه و یَهودییِن نی گِرد چَیی چاکی بَواتین. اَ ایلَه مقدّس ملائیکه ای کا دَستور گِتَشه که اِشتِه دومله ویسا آکَرِه و تِه دعوت بِکَرِه اِشتَن کَ، و اِشتِه گفون دَرَسِه.»

رَسولون اَعمال 2:5

اَ روزون کا، دیندارَه یهودییِن، آسِمونی جیری گِردِ مملیکَتون کا اومَه بینَه اورشلیمی شهری را.

رَسولون اَعمال 24:16

اِمی واسی، همیشه تَقَّلا بَکَردیم تا خِدا و مردمی پیشی کا راحَتَه وجدانی نَه زندگی بِکَرِم.

پطروسی دومین نامه 1:21

چوم که هیچ نبوّتی، اِنسانی اراده نَه وَردَه نِبَه، بَلکَم آدَمِن روح القدسی واسطه نَه خِدا طَرَفی کا گَف ژَندِشونَه.