انجیل لوقا 18:7 - کتاب مقدس به زبان تالشی شمالی

⁷ حِسَه مَگم خِدا اِشتَن اِنتخاب کَردَه اون دادی آنِرسِه که شَو اَندَه روز اَیی دَخونِن؟ مَگم چَوون کمک کَردِه را عَری آکَرِه؟

کتاب مقدس به زبان تالشي - گویش مرکزی

⁷ ایسَه خدا اَ آدَمِنی کن اِشتَن اینتخاب کَردَشَه، چَوون داد آنیَرَست، اَیِنی کن شَوانَه روج بَی خِلِه بَکَنَه؟ چَوونرا آرَستِه عَری دَرَفند؟

انجیل لوقا 18:7 Iomraidhean Croise

مَتّی 24:22

اَگم خِدا اَ روزون کِتا مَکَری، هیچ بَشری سالمَ جان بِه دَر نِبَری، امّا اَ کسونی واسی که اِنتخاب بَیینَه، خِدا اَ روزون کِتا آکَرِه.

مَتّی 24:24

چوم دروعَه مسیح اِن و دروعَه پیغمبرِن بومَین، و اِنتَه یالَ نیشونه اونی بواَردین و معجزه اونی بَکَردین که اَگم بِشان، حتی اَ کسونی که اِنتخاب بَیینَه نی گمراه بِکَرِن.

مَتّی 7:11

بَس اَگم شِمَه كه بَدَه آدَمونی اِستیرونَه، بَزنیرون چِنتَه چاکَ هِدیه اون شِمَه خِردَنون آدییَه، چِندی وِرتَر شِمَه آسِمونی یَه دَده، بِه کسونی که اَیی کا پیستِشونَه چاکَ چیوون آدَه.

انجیل لوقا 11:13

بَس اَگم شِمَه که بَدَه آدَمونی اِستیرونَه بَزنیرون چِنتَه چاکَ هِدیه اون شِمَه خِردَنون آدییَه، چِندی وِرتَر آسِمونی یَه دَده، روح القدسی آدَه اَ کسونی که اَیی کا پیستِشونَه.»

انجیل لوقا 2:37

و تا هَشتاد و چار سالگی ویوه مَند بَه. اَ هَرگز معبدی کا بِرون نِشی، بَلکَم شَو اَنده روز دعا و روزه نَه خِدا پرستش بَکَردی.

انجیل لوقا 21:28

وختی اِم چیون اِتِفاق دَلَکِه شروع بَه، راست بومونَه و شِمَه سَرون کَفا بِگِرَه، چوم شِمَه آزادی نِزدیکه!»

رومی کلیسارا نامه 8:33

کییَه که خِدا اِنتخاب بییَه اون بُختون بِژَنه؟ خِدایَه که اَوون صالِح بِه حساب بواَردی!

نامَه کُولُسی کلیسا را 3:12

بَس خِدا اِنتخاب بییَه آدَمون شیوار که مقدّس و عَزیزگِرامی اینه، دیلَسوجی، میهروونی، فروتنی، ملایِم بییِه و صَبری خَلا دَکَرَه.

اوّلین نامَه تَسالونیکی کلیسا را 3:10

هَتَه که اَمَه شَواَندَه روز جان و دیلی نَه دعا بَکَردیمون تا رو دَر رو شِمَه بِوینَم و شِمَه ایمانی کا هَر کَم و کسری بِبو، بَرطرف بِکَرَم.

دوّمین نامَه تَسالونیکی کلیسا را 1:6

چوم که راس راسی خِدا اِمی عادلانه بَزنی، که کسونی که شِمَه عذاب بَداین، عذابی نَه عوض بِدَه،

اوّلین نامَه تیموتائوسیرا 5:5

اَ کسی که واقعا ویوَه و بی‌کَسَه، خِدا اُمید دارِه و شَو اَنده روز دعا بَکَردی و خِدا کا کمک بَپیستی.

دِوُّمین نامَه تیموتائوسیرا 1:3

هَتَه که شَواَنده روز یکسرَه چِمِن دعااون کا تِه ویر بواَردیم، خِدا شُکر بَکَردیم، اَ خِدایی که از نی چِمِن دَده اون شیوار پاکَه وجدانی نَه اَیی خِدمت بَکَردیم.

دِوُّمین نامَه تیموتائوسیرا 2:10

اِمی واسی از گِردِ چییون، اِنتخاب بییَه اون واسی تاو بواَردیم، تا اَوِن نی اَ نجاتی که مسیحْ عیسی کایَه، اَبَدی یَه جلالی نَه بِه دَس بواَرِن.

نامَه تیتوسیرا 1:1

پولُسی طرفی کا، خِدا نوکر و عیسایِ مسیح رسول، که تعیین بیمَه تا خِدا اِنتخاب بییَه اون ایمانی تقویت بِکَرِم و اَ حقیقتی که دینداری نَه مطابقَه بوآجِم،

پطروسی اوّلین نامَه 1:1

پطرسی طرفی کا، عیسایِ مَسیح رسول، اِنتخاب بییَه اونی را که، پونتوس، غَلاطیه، کاپادوکیه، آسیا و بیطینیَه منطقه کا، غریبی کا، وِلا آبَیینه؛

پطروسی دومین نامه 3:9

بَرعکسِ بعضی اِن گمون، خِداوند اِشتَن وعده اَنجام دوعِه کا عَری آنِکَرِه، بَلکَم شِمَه نَه صَبورَه، چوم نِپیستِشه هیچکَس هَلاک بِبو بَلکَم پیستِشَه گِرد توبه بِکَرِن.

یوحنا موکاشیفَه 18:20

اِی آسمون اَیی را شادی بِکَه! شادی بِکَرَه اِی مقدسین و رسولون و پیغمبرون! چوم خِدا شِمَه قِصاصی اَوون کا ویگِتَشه!»

یوحنا موکاشیفَه 6:10

اَوِن بِلند سَسی نَه خِلِع بَکَردین و بَواتین: «اِی خِداوندی که قادر و قدّوس و حَقّیش، تا کَینی داوری نِکَری و چَمَه خونی تقاصی زمینی مردمی کا، نِویگِری؟»

یوحنا موکاشیفَه 7:15

اِمی واسی یَه که: «اِمِن خِدا تختی پیشی کا مَندینَه، و چَیی معبدی کا شَو اَندَه روز اَیی خدمت بَکَردین؛ و اَ تخت‌نشین، اِشتَن حضوری نَه اَوون سَرپَناه آدَه.