انجیل لوقا 16:2 - کتاب مقدس به زبان تالشی شمالی

² مِتِری دَخوندِشه و اَیی کا دَفرسِشه: ”اِم گفِن چیی نَه که اِشتِه درباره دَرَسِم؟ اِشتِه حسابون پَس آدَه که دِ نیمَشای چِمِن مِتِر بِبی.“

کتاب مقدس به زبان تالشي - گویش مرکزی

² اَ ثیروَتمَندَمِرد اِشتَن دَستَکی اِشتَن وَر خِلِه کَردِشَه و بَیکا دَپَرسِستَه: ”اِم چچیه کن اِشتِه خونه کام دَرَستِه؟ اِشتِه حیسابون پس آدَ اِمی خونه کن دِ نیشَشا چمن دَستَک بَبی.“

انجیل لوقا 16:2 Iomraidhean Croise

مَتّی 12:36

شِمَه نَه بَواتیم: داوَری یَه روزی کا مردم اِشتَن هَر مِفت گفی را كه ژَندَشونَه حساب پَس آدَن.

مَتّی 20:8

مَغریب دَم، باغَ صاحیب، سَر کاریگری نَه واتِشه: ”كاریگرون دَخون و کسونی کا که گِردی آخِرتَر اومَیینَه شروع بِکَه تا کسونی که اوّل اومَیینَه، چَوون مُزدی آدَه.“

انجیل لوقا 12:20

امّا خِدا اَیی نَه واتِشه: ”اِی نادون! هِم شَنار اِشتِه جانی ویگِرِم. بَس اَ چیونی که جَمع آکَردَرَه چی کی شِن بَبی؟“

انجیل لوقا 12:42

عیسایِ خِداوند واتِشه: «بس اَ وَفادار و عقلمندَه مِتِر کییَه که چَیی اَرباب اَیی اِشتَن کَ نوکَرون سَرپرست بِکَرِه تا چَوون غذا سهمی موقع نَه اَوون آدَه؟

انجیل لوقا 16:1

هِنته نی عیسی اِشتَن شاگِردون نَه واتِشه: «ایلَه پولدارَه مِردی ایلَه مِتِریشی اِستبَه. اَ مِردی را خَوَر آرَستَه که اَ مِتِر چَیی اَموالی بِه وا بَدای.

انجیل لوقا 16:3

اَ مِتِر اِشتَن نَه فیکر کَردِشه: ”حِسَه که چِمِن اَرباب پیستِشه مِن کاری کا بَرکنار بِکَرِه از چِه بِکَرِم؟ اَز که نِه تاو هِستِمَه خیلیک بِژنِم و گَدایی کا نی عار هِستِمَه.

رومی کلیسارا نامه 14:12

بَس هَر کَمیله اَمَه کا اِشتَن حِسابی پَس آدَه بِه خِدا.

اوّلین نامَه قورَنتیانیرا 1:11

چوم که، چِمِن بِرااِن، خْلوئه کَ آدَمِن، بَه مِن خَوَر دوعَشونه که شِمَه دیلَه کا دعوا مرافعه یَه.

اوّلین نامَه قورَنتیانیرا 4:2

چِمون غِیراز مباشِری کا اِنتظار دارِن که وفادار بِبو.

اوّلین نامَه قورَنتیانیرا 4:5

بَس هیچی درباره، پیش از موعود قِضاوت مَکَرَه، تا اِم که خِداوند با. هَ خِداوندی که اَ چیی که حِسَه تاریکی کا نِینَه، روشونایی کا نمایان بَکَردی و دیلون نیّتون بَرمَلا بَکَردی. دومله هَر کسی اِشتَن تعریف تَمجیدی، خِدا کا ویگِرِه.

دوومین نامه قرنتیانیرا 5:10

چوم که اَمَه گِرد بَسی مسیح داوری یَه تختی پیشی کا حاضر آبییَم، تا هَر کسی بینا بَر اَ چاک و بَدَه اَعمالی که اِشتَن بَدنی کا زِندگی بَکَردی اَنجام دوعَشَه، سِزا بوینِه.

اوّلین نامَه تیموتائوسیرا 4:14

اَ عَطایی که اِشتِه دیلَه کایَه، بی‌اِعتنایی مَکَه، عَطایی که نَبوّتی واسطه نَه بِه دَس وَردَرَه، اَ موقعی که شورا مشایخ اِشتِه سَر دَس پِنوشونَه.

اوّلین نامَه تیموتائوسیرا 5:24

بعضی آدَمون گناهِن معلومی نَه و نارنارِه اَوِن بَشین داوری را، امّا بقیه آدَمون گناهِن عَری تَر معلوم بَبین.

پطروسی اوّلین نامَه 4:10

شِمَه هَر کَمیله طبق اَ عَطیه ای که ویگِتَرونَه، اَیی یَندی خدمَت کَردِه را بِه کار بِگرَه، ایلَه خِدمتکاری شیوار که خِدا جور بَه جورَه فیضی را خِدمت بَکَردی.

پطروسی اوّلین نامَه 4:5

امّا اَیی که آمادَه یَه تا زِنده اون و مَردَه اون داوری بِکَرِه، حساب پَس آدَن.

یوحنا موکاشیفَه 20:12

و مَردَه اون ویندِمَه، یالی نَه تا روک، که تختی پیشی کا مَندَه بینَه و دَفترِن آبینَه. دومله ایلَه دییَر دفتری آبَه که دفتر حیات بَه. مَردَه اِن اَ چیونی نَه که دَفترون دیلَه کا نیویشته بییَه بَه، طبق چَوون اَعمال، داوری بینَه.