انجیل لوقا 11:13 - کتاب مقدس به زبان تالشی شمالی

¹³ بَس اَگم شِمَه که بَدَه آدَمونی اِستیرونَه بَزنیرون چِنتَه چاکَ هِدیه اون شِمَه خِردَنون آدییَه، چِندی وِرتَر آسِمونی یَه دَده، روح القدسی آدَه اَ کسونی که اَیی کا پیستِشونَه.»

کتاب مقدس به زبان تالشي - گویش مرکزی

¹³ پس اَگَم شمَه کن آوشَریرون بَموستیرون کن چِنتَه چاکَه خلا اون شَمَه خِردَنون بدَرَ، چَنَه ویشتَر آستامونیَه دَدَ، خدا موقَدَسَه روح اَ کَسِنی دَرِکن اَیکا بَپیشونَه.»

انجیل لوقا 11:13 Iomraidhean Croise

مَتّی 7:11

بَس اَگم شِمَه كه بَدَه آدَمونی اِستیرونَه، بَزنیرون چِنتَه چاکَ هِدیه اون شِمَه خِردَنون آدییَه، چِندی وِرتَر شِمَه آسِمونی یَه دَده، بِه کسونی که اَیی کا پیستِشونَه چاکَ چیوون آدَه.

یوحنا 4:10

عیسی ژِنی نَه واتِشه: «اَگم خِدا هدیه کا خَوَرِر اِستبَه و بَزنیش که کییَه تِنَه بَواتی :”ایی چِله آو بَه مِن آدَه“ تِه اَیی کا بَپیستیش و اَ بَه تِن زِندگی بَخشَ آو آدَی.»

رومی کلیسارا نامه 8:32

اَ که اِشتَن زوعَه دریغ نِکَردِشه، بَلکَم اَیی، چَمَه گِردی راه کا فیدا کَردِشه، چِنتَه، اَ، دَس و دیل بازی نَه گِردِ چییون بَمون آنِدَه؟

رَسولون اَعمال 2:38

پطرس اَوون نَه واتِشه: «توبَه بِکَرَه و شِمَه هَر کمیله، عیسایِ مسیح نومی نَه شِمَه گناه اون بَخشِسته را غسل تعمید بِگِرَه که روح القدسی هدیه ویگِرَه.

مَتّی 6:14

چوم که اَگم شِمَه مردمی خطااون بِبَخشَه، شِمَه آسِمونی یَه دَده نی شِمَه بَبَخشِستی.

مَتّی 6:32

چوم مردمی که بُت پرستی نَه گِرد اِم چییون دومله گَردِن، امّا شِمَه آسِمونی یَه دَده بَزنی شِمَه گِرد اِم چییون اِحتیاج دارَه.

انجیل لوقا 11:2

عیسی اَوون نَه واتِشه: «هَر وخت دعا بَکَردیرون، بوآجَه: «”اِی آسِمونی یَه دَده، اِشتِه نوم مقدّس بِبو، اِشتِه پاُتشایی با،

مَتّی 6:30

بَس اَگم خِدا، صحرا واشی که اوری اِستَه و صبا دَرَفَنِن تَنوری کا، اِنتَه بَزَک بَکَردی، اِی کم ایمانِن، مَگم شِمَه اَوون کا چاکتَر بَزَک نِکَرِه؟

مَتّی 5:45

تا شِمَه آسِمونی یَه دَده خِردَنون بِبییَه. چوم اَ اِشتَن آفتاوی بَدَه آدَمون و چاکَ آدَمون سَری کا دَتاوونِه و اِشتَن وارِشی عادل آدَمون و ظالم آدَمون سَری کا بَوارِستی.

مَتّی 5:16

اِنتَه نی بِدارَه شِمَه نور مردمی چِمی پیشی کا شَفق بِژَنَه تا شِمَه چاکَ كارون بِوینن و شِمَه آسِمونی یَه دَده، سِتایش بِکَرِن.

رومی کلیسارا نامه 7:18

چوم بَزنیم که چِمِن دیلَه کا، یعنی چِمِن جِسمی دیلَه کا، هیچ چاکَ چیی نییَه. چوم پیستِمَه اَ چیی که دُرستَه اَنجام بِدَم، امّا نیمَشام اَیی اَنجام بِدَم.

رومی کلیسارا نامه 5:17

چوم اَگم ایلَه آدَمی گناه واسی، مرگ اَ آدَمی واسطه نَه حکومت کَردِشه، چِندی وِرتَر کسونی که خِدا بی حَد و اندازه فیضی و صالِحی هدیه ویگِتَشونه، اَ ایلَه آدَمی واسطه نه یعنی عیسایِ مسیح، زِندگی کا حکومت بَکَردین.

نامَه تیتوسیرا 3:3

چوم که اَمَه نی ایی زَمانی نادون بیمونه، نافرمون و گمراه بیمونه، همه جورَه هَواهَوسون و خوشیون نوکر بیمونه؛ و کینه و حسودی نَه زِندگی بَکَردیمون. مردم اَمَه کا بیزار بینَه و اَمَه نی یَندی کا.

انجیل لوقا 11:12

یا اَگم آگِله پیستِشَه، ایلَه عَقرب بَیی آدَه؟

انجیل لوقا 18:7

حِسَه مَگم خِدا اِشتَن اِنتخاب کَردَه اون دادی آنِرسِه که شَو اَندَه روز اَیی دَخونِن؟ مَگم چَوون کمک کَردِه را عَری آکَرِه؟