انجیل لوقا 1:32 - کتاب مقدس به زبان تالشی شمالی

³² اَ یالَه مِردی بَبی و بَیی نَه خِدای متعالی زوعَه بَواتین. خِداوندخِدا چَیی جَدّ، داوودی پاُتشایی یَه تَختی بَیی آدَه.

کتاب مقدس به زبان تالشي - گویش مرکزی

³² اَ یالَه شَخصی بَبیه و بَی خدایِه موتعالی زوعَه خِلِه بَکَنَه. خِداوندْ خدا، چَی بابا، داوودِ پادیشا تختِ پادیشاهی بَی عَطا بَکَیه.

انجیل لوقا 1:32 Iomraidhean Croise

مَتّی 1:1

عیسایِ مسیح شجره نومچَه که داوود پاُتشا و اِبراهیم پیغمبری نَسلی کا بَه، اِمَه.

مَتّی 12:42

داوَری یَه روزی کا سَبا مَملیکتی ملکه اِم نَسلی مردمی نَه زِنده آبو و اَوون محکوم بَکَردی، چوم اَ دنیا اَ سَری کا اومَه تا سلیمان پاُتشا حِکمتی دَرَسِه، و حِسَه دَیِسه، کَسی که اییا کا مَندَه سلیمانی کا یالتَرَه.

مَتّی 28:18

اَ موقع عیسی نار اومَه اَوون نَه واتِشه: «گِردِ قدرت، آسِمون و زمینی کا بَه مِن آدوعَه بییَه.

مَتّی 3:11

«اَز توبَه را، شِمَه آوی نَه غسل تعمید بَدایم؛ ولی کَسی که چِمِن پَش بومَی مِن کا قُدرتمندتَره و اَز لایق نیمَه كه حتّی چَیی کَفشون پِگِرِم. اَ شِمَه روح القدس و آتشی نَه تعمید بَدای.

مَرقُس 14:61

امّا عیسی ساکیت مَندَه و جَواوی نِدوشَه. کاهِن اَعظم هَنی اَیی کا دَفَرسِشه: «تِه مسیح موعود، خِدای مُتَبارکی زوعَه ایش؟»

مَرقُس 5:7

و بِلنده سَسی نَه خِلِع کَردِشَه: «اِی عیسی، خِدای متعالی زوعَه، تِه مِنه چِه کارِر اِستَه؟ تِه قَسَّم بَدایم بِه خِدا که مِن عذاب مَدَی!»

انجیل لوقا 1:15

چوم اَ، خِداوندی نظَری کا یال بَبی. یحیی نَبی هَرگز شَراو یا عرقی لِو بِژَنه. حتی اَ موقع نَه که اِشتَن نَنه اِشکمی کایَه، روح القدسی کا پور بَبی،

انجیل لوقا 1:35

مَلائیکه جَواو دوشَه: «روح القدس بَه تِن نازِل بَبی و خِدای متعالی قدرت بَه تِن سا دَرَفنِه. اِمی واسِی اَ خِردَنی نَه، مقدّس و خِدا زوعَه بَواتین.

انجیل لوقا 1:76

و تِنَه، اِی خِردَن، خِدای متعالی پیغمبر بَواتین؛ چوم خِداوندی نارنارِه بَشیش تا چَیی راه حاضیر آکَری،

انجیل لوقا 3:16

یحیی گِردی جواوی کا واتِشه: «اَز شِمَه آوی نَه تعمید بَدایم، ولی کَسی که بَه مِن کا قُدرتمندتَره کارا بومَی. هَ کسی که اَز لایق نیمَه چَیی کَفشون بَندون آکَرِم. اَ شِمَه روح القدس و آتشی نَه غسل تعمید بَدای.

انجیل لوقا 6:35

امّا شِمَه، شِمَه دِشمَنون محبت بِکَرَه و اَوون را چاکی بِکَرَه و بیدون اِمکه پَس ویگِته فکری بِکَرَه، اَوون قَرض آدییَه، که شِمَه پاداش یال بَبی و خِدای متعالی خِردَنون بَبیرون، چوم خِدا، ناشُکرون و بَدکارون نَه میهرَوونَه.

یوحنا 12:34

جماعت واتِشونَه: «اَمَه توراتی کا دَرَسَمونَه، مسیح تا اَبَد باقی بَمندی، بَس چِنتَه یَه که بَواتیش اِنسانی زوعَه بَسی مصلوب بِبو؟ اِم اِنسانی زوعَه کییَه؟»

یوحنا 6:69

و اَمَه ایمان وَردَمونَه و بَزنیمون که تِه اَ قدّوس خِداییش.

رَسولون اَعمال 16:17

اَ، پولسی دومله و چَمَه دومله راه دَلَکی و خِلع خِلع بَکَردی بَواتی: «اِم مِردَکِن، خِدای متعالی خِدمتگزاری نَه و نجاتی راه شِمه را اِعلام بَکَردین.»

رَسولون اَعمال 2:30

داوود ایلَه پیغمبر بَه و بَزنی که خِدا اَییرا قَسَّم هَردَشه که چَیی نَسلی کا ایی نفری چَیی سلطنتی تختی سَری کا نیشونِه.

رَسولون اَعمال 2:36

«بَس گِردِ یهودی قوم یَقینی نَه بِزونِن که، اِم عیسایی که شِمَه اَیی، صلیبی سَری کا کِشتِرونَه، خِدا اَیی هَم خِداوند و هَم مسیح موعود کَردَشه.»

رَسولون اَعمال 7:48

«هَر چَن که خِدای متعال اَ کَ اونی کا که آدَمی دَسی نَه وَج آبَه اینه ساکن نییَب، هَتَه که اِشعَیای پیغمبر واتَشه که:

رومی کلیسارا نامه 1:4

و از لحاظ روح قدوسیت، اِشتَن زِنده آبییِه نَه مَردَه اون دیلَه کا، قوتی نَه اِعلام بَه که خِدا زوعَه یَه، یعنی چَمَه خِداوند عیسایِ مسیح.

یوحنا موکاشیفَه 3:7

«فیلادِلفیَه کلیسا ملائیکه را بینیویس: «اَ که قدّوسَه، اَ که حَقَّ، اَ که داوودی اَچَری هِستِشَه، اَ که آکَرِه و هیچکس نیمَشا دَوِندِه، و اَ که دَوِندِه و هیچکس نیمَشا آکَرِه، اِنتَه بَواتی: