یوحنا 9:16 - کتاب مقدس به زبان تالشی شمالی

¹⁶ بَس بَعضی فریسی اِن واتِشونَه: «اَ مِرد خِدا طرفی کا نییَه، چوم یهودییون مقدّس شنبه قانونی عَمل نِکَره.» امّا بعضی واتِشونَه: «چِنتَه ایلَه گناه کار بَشای اِنتَه رَه علامت و معجزه اونی بِکَرِه؟» و چَوون دیلَه کا اختلاف دَلَکَه.

کتاب مقدس به زبان تالشي - گویش مرکزی

¹⁶ بعضی فَریسیون فرقه عالیمونکا واتِشون: «اَ مِرد خدا کا نیَیه اِمی خونه کن موقدسه شنبه روجی قانونی غَم نیَرد.» ولی دییَرَ آدَمِن واتِشون: «چِنتَه گِناخکارَ آدَمی بَشایَه اِنتَرَ نِشونَه اِن و موعجیزَ اِنی اَنجوم بدَرِ.» و چَوون دِلَکا ایختلاف دَگنستَه.

یوحنا 9:16 Iomraidhean Croise

مَتّی 12:10

عِبادتگاه دیلَه کا مِردی مَند بَه كه چَیی ایلَه دَس خِشک آبَه بَه. اوآکا مَند بَه کَسِن اِمی واسی که بِشان عیسی متهم کَردِه را بهونَه ای بِدارِن اَیی کا دَفَرسِشونَه: «مقدّس شنبه روزی کا شفا دوعِه جایِزَه؟»

مَتّی 12:2

وختی فریسی فِرقه عُلما اِمی ویندِشونَه عیسی نَه واتِشونَه: «دَیِس، اِشتِه شاگِردِن مقدّس شنبه روزی کا کاری بَکَردین که جایز نییَه.»

انجیل لوقا 13:14

امّا عبادتگاه رئیس اِمی واسی که عیسی شَنبه روزی کا شَفا دوعَش بَه وِر عصبانی آبَه و مردمی نَه واتِشه: «شیش روز کار کَرده را تَعیین بییَه. اَ روزون کا بایَه و شَفا بِگِرَه، نِه مقدّس شَنبه روزی کا.»

یوحنا 10:19

اِم گَفون واسی، هَنی یَهودیون دیلَه کا اختلاف دَلَکَه.

یوحنا 14:11

چِمِن اِم گَفی باوَر بِکَرَه که اَز دَده دیلَه کاایمَه و دَده چِمِن دیلَه کایَه؛ اَگم نِه اَ کارون واسی اِمی باوَر بِکَرَه.

یوحنا 15:24

اَگم چَوون دیلَه کا کارونی کَردم نِبَه که هیچکس چِمِن غَیراز کَردش نی، گناهی نِدارین؛ امّا حِسَه، با اِم که اَ کارون ویندَشونَه، هَم مِن کا و هَم چِمِن دَده کا بیزاری نَه.

یوحنا 2:11

اِنتَه عیسی اِشتَن اوّلین علامت و معجزه قانای جَلیلی کا اَنجام دوشَه و اِشتَن شکوه و جلالی آشکار آکَردِشه و چَیی شاگِردِن بَیی ایمان وَردِشونَه.

یوحنا 3:2

ایی شَو اَ اومَه عیسی وَر و اَیی نَه واتِشه: «اُستاد، بَزنیمون تِه معلّمی اِستیش که خِدا طرفی نَه اومَیش، چوم هیچکس نیمَشا علامت و معجزه اونی که تِه بَکردیش، بِکَرِه، مَگم اِم کِه خِدا اَیی نَه بِبو.»

یوحنا 5:10

بَس یهودییِن اَ شفا گِتَه مِردی نَه واتِشونَه: «اوری مقدّس شنبه یَه و تِه شَرعَن اِجازه نیرَه که اِشتِه جِگا پِگِری و بِبری.»

یوحنا 5:36

امّا شهادتی که اَز هِستِمَه یحیی شهادتی کا یالتَرَه. چوم کارونی که دَده بَه مِن دَسپاردَشه تا تمون آکَرِم، یعنی هِم کارونی که بَکَردیم، چِمِن درباره شهادتی بَداین که دَده مِن ویسا آکَردَشَه.

یوحنا 6:52

بَس یهودیون دیلَه کا بحث دَلَکَه و بَواتین: «اِم مِرد چِنتَه بَشای اِشتَن بَدنی بَمون آدَه تا بَرَم؟»

یوحنا 7:12

و چَیی درباره مردمی دیلَه کا بَرکَ هَمهمه بَه. بعضی بَواتین: «چاکَ مِردی یَه.» امّا بعضی بَواتین: «نِه! بَلکَم مردمی گمراه بَکَردی.»

یوحنا 7:23

بَس اَگم شنبه روزی کا ایلَه زوعَه نی خَتنه بَبی تا موسی قانون چاکِنده مَبو، چییرا بَه مِن کا عَصبانی ایرونَه که ایلَه اِنسانی شنبه روزی کا سلامتی کامل بَخشِستِمه؟

یوحنا 7:43

بَس عیسی درباره مردمی دیلَه کا اختلاف دَلَکَه.

یوحنا 9:24

بَس هَنی اَ مِردی که پیشتری کور بَه، دَخوندِشونَه، اَیی نَه واتِشونَه: «شکوه و جلالی آدَه بِه خِدا! اَمَه بَزنیمون که اَ مِرد گناه کارَه.»

رَسولون اَعمال 14:4

ولی اَ شهری مردم دِ گروه بینَه؛ ایی گروه یَهودیون طرفدار بینَه و اَ ایلَه گروه رسولون طرفدار.