یوحنا 8:6 - کتاب مقدس به زبان تالشی شمالی

⁶ اِمی واتِشونَه تا اَیی اِمتحان بِکَرِن و چیی، چَیی محکوم کَردِه را بِتلفِن. امّا عیسی اِشتَن سَری جیر وَردِشه، اِشتَن اَنگِشتی نَه زَمینی سَری کا نیویسی.

کتاب مقدس به زبان تالشي - گویش مرکزی

⁶ اَیِن اِمی واتِشون تا عیسی وَرداوَرد بکَن و رِقی چَی موتَّهم کردِرا بوینِن. ولی عیسی اِشتَن کَلَّه بن بَرَفندِش و اِشتَن اَنگِشتینَه زَمینی سَردِرِ نوِشتِش.

یوحنا 8:6 Iomraidhean Croise

مَتّی 10:16

«اَز شِمَه گوسَندون شیوار ویسا آکَرِم وَرگون دیلَه. بَس نَلتی شیوار هوشیار و کَفتَری شیوار معصوم بِبییَه.

مَتّی 15:23

امّا عیسی ایی کلمه نی چَیی جَواوی نِدوشَه. عیسی شاگِردِن اومینَه عیسی وَر و اَیی کا خواهیشت کَردِشونَه و واتِشونَه: «اَ ژِنَکی ویسا آکَه بِدا بِشو، چوم خِلِع خِلِع نَه چَمَه دومله بومَی.»

مَتّی 16:1

فریسیی فِرقه عُلما و صدوقی فِرقه عُلما، اومینَه عیسی وَر تا اَیی اِمتحان بِکَرِن. اِمی واسی عیسی کا پیستِشونَه كه آسِمونی یَه نیشونَه ای اَوون نیشون بِدَه.

مَتّی 19:3

فریسی فِرقه عُلما نی اومینَه عیسی وَر تا اَیی اِمتحان بِکَرِن. اَوِن دَفَرسِشونَه: «جایِزَه مِرد اِشتَن ژِنی هَر چی واسی طلاق بِدَه؟»

مَتّی 22:18

عیسی که چَوون بَدَه نیَّتی بَزنی، واتِشه: «اِی دِ دیمِن، چیرا مِن اِمتحان بِکَردیرون؟

مَتّی 22:35

ایی نفر اَوون کا كه شریعتی قاضییون کا بَه، اِمی واسی که عیسی اِمتحان بِکَرِه، اَیی کا دَفَرسِشه:

مَتّی 26:63

امّا عیسی ساكت مَندَه. کاهِن اَعظم عیسی نَه واتِشه: «تِه قَسَّم بَدایم اَ خِدایی سَر که زِندَه یَه، اَگم تِه مسیح موعود، خِدا زوعَه ایش، بَمون نَه بوآج.»

مَرقُس 10:2

فریسی فِرقه عُلما اومینَه عیسی وَر و چَیی اِمتحان کَردِه را اَیی کا دَفَرسِشونَه: «جایِزَه که مِرد اِشتَن ژِنی طلاق بِدَه؟»

مَرقُس 12:15

امّا عیسی که چَوون دِ دیمی بَزنی اَوون نَه واتِشه: «چیرا مِن اِمتحان بَکَردیرون؟ ایی دینار بَه مِرا بواَره تا دَیِسِم.»

مَرقُس 3:2

فریسی فِرقه عُلما، عیسی زیر نظر دارین تا بِوینِن که عیسی یهودیون مقدّس شنبه روزی کا اَ مِردی شفا بَدای یا نِه، تا اِنتَه ایلَه بهونه ای بِتلَفِن که عیسی بُختون بِژَنِن.

مَرقُس 8:11

فریسی فِرقه عُلما اومینَه عیسی وَر و دَمَندینَه اَیی نَه بحث کَردِشونَه. اَوِن عیسی اِمتحان کَردِه را، اَیی کا ایلَه آسِمونی یَه نیشونه ای پیستِشونَه.

انجیل لوقا 10:25

ایی روز شریعتی قاضییون کا ایی نفَر پِرِشتَه تا عیسی اِمتحان بِکَرِه، اَ واتِشه: «اُستاد، چِه بِکَرِم که اَبَدی یَه زِندگی وارث بِبوم؟»

انجیل لوقا 11:16

بعضی دییَر نی چَیی اِمتحان کَردِه را، هِنته هِی اَیی کا ایلَه آسِمونی یَه نیشونه ای پیستِشونَه.

یوحنا 8:2

صِبی سَر، عیسی هَنی اومَه معبدی سِرا دیلَه. مردم گِرد اومینَه عیسی وَر؛ و اَ نِشته، و اَوون تعلیم دوشَه.

اوّلین نامَه قورَنتیانیرا 10:9

و اَمَه نَبی مسیح آزمایش بِکَرَم، هَتَه که بعضی اَوون کا کَردِشونه و نَلتیون نَه کِشتَه بیینه.