یوحنا 7:13 - کتاب مقدس به زبان تالشی شمالی

¹³ امّا چوم یهودیون کا تَرسین، هیچکس چَیی درباره آشکارا گَف نِژنی.

کتاب مقدس به زبان تالشي - گویش مرکزی

¹³ ولی اِمی خونِه کن یهودیونکا اَترسینَه، هیچ‌کَم آشکارا عیسی خونِه گَف نَژَنیَه.

یوحنا 7:13 Iomraidhean Croise

یوحنا 19:38

اِم چییون پَش یوسف که رامَه شهری اَهالی کا بَه، پیلاتُسی کا اِجازَه پیستِشَه که عیسی جنازه پِگِرِه. یوسف، عیسی ایلَه شاگِردون کا بَه، امّا خَلوتَکی، چوم یهودیون کا تَرسی. پیلاتُس بَیی اِجازه دوشَه. بَس اَ اومَه، عیسی جنازه پِگِتشه.

یوحنا 20:19

هَ روزی مَغریبی را، که هفته اوّلین روز بَه، شاگِردِن یهودیون تَرسی کا بَرون قِفل کَردَشون بَه و کَ دیلَه کا جمع آبَه بینَه که عیسی اومَه و چَوون دیلَه کا مَندَه و واتِشه: «سلام بَر شِمَه!»

یوحنا 3:2

ایی شَو اَ اومَه عیسی وَر و اَیی نَه واتِشه: «اُستاد، بَزنیمون تِه معلّمی اِستیش که خِدا طرفی نَه اومَیش، چوم هیچکس نیمَشا علامت و معجزه اونی که تِه بَکردیش، بِکَرِه، مَگم اِم کِه خِدا اَیی نَه بِبو.»

یوحنا 7:1

چَیی پَش، عیسی ایی مدت جلیلی ولایتی کا گَردی، چوم نِپیستِشه یهودیه ولایتی کا بِبو، چیرا که یهودییِن پیستِشون بَه اَیی بِکِشِن.

یوحنا 7:11

بَس یهودییِن، عیدی را چَیی دومله گردین، دَفَرسین: «اَ مِرد کییاره؟»

یوحنا 7:15

یهودییِن تعجب کَردِشونَه، دَفَرسین: «اِم مِرد که تعلیم گِتَه نیشَه، چِنتَه بَشای اِنتَه رَه دانِشی بِداره؟»

یوحنا 9:22

اَ مِردی دَده نَنه اِمی واسی اِم چییون واتِشونَه که یهودیون کا تَرسین. چوم یهودییِن پیشتری واتَشون بَه هَر کسی اِقرار بِکَرِه عیسی هَ مسیح موعودَه، اَیی عِبادتگاه کا بَرکَرِن.

یوحنا 9:34

اَوِن اَ مِردی جَواوی کا واتِشونَه: «تِه سَر تا پا گناه کا دنیا اومَییشه. حِسَه، بَمون دَرس بَدایش؟» بَس اَیی اوآکا بَرکَردِشونَه.

یوحنا موکاشیفَه 2:13

بَزنیم کییا کا ایش، اوآ که شیطانی پاُتشایی تختَه. با اِم حال مُحکم دَچیکیستَه ایش چِمِن نومی، و حتّی اَ روزونی کا که آنتیپاس، چِمِن اَ وفادارَه شاهِد که شِمَه دیلَه کا، اوآ که شیطان مَندَه، اَیی کِشتِشونَه، ایمانی که بَه مِن داری حاشا نِکَردِرَه.