یوحنا 7:1 - کتاب مقدس به زبان تالشی شمالی

¹ چَیی پَش، عیسی ایی مدت جلیلی ولایتی کا گَردی، چوم نِپیستِشه یهودیه ولایتی کا بِبو، چیرا که یهودییِن پیستِشون بَه اَیی بِکِشِن.

کتاب مقدس به زبان تالشي - گویش مرکزی

¹ چیمی بَه دوملَه، عیسی ایی مودَّتی وِلَته جلیلیکا اَگَردیَه. اَ نَپیش بَه یهودیَه کا ببو، اِمی خاطِر کن یهودیِن اَپیشون به اَی بکشِن.

یوحنا 7:1 Iomraidhean Croise

مَتّی 10:23

وختی ایلَه شهری کا شِمَه اَذیت آزار بَکَردین، ایلَه دییَر شهری را دَوَزَه. حقیقتن شِمَه نَه بَواتیم، پیش اَز اِمکه اِسرائیلی گِردِ شهرون را بِشَه، اِنسانی زوعَه بومَی.

مَتّی 21:38

امّا وختی باغَوونِن چَیی زوعَه ویندِشونَه، یَندی نَه واتِشونَه: ”وارِث اِمَه. بایَه اَیی بِكِشَم تا چَیی اِم اِرث اَمَه آرَستِه.“

مَرقُس 11:18

سَران کاهنِن و توراتی معلِمِن اِمی دَرَسِشونَه و ایلَه رایی دومله گَردین که عیسی از بِین بِبَرِن، چوم اَیی کا تَرسین، چوم که گِردِ جماعت چَیی تعلیمون کا مات بینَه.

یوحنا 1:19

اِمَه یحیی شهادتی، اَ موقع که یهودییِن، کاهِنون و معبدی خادِمون، اورشلیمی شهری نَه ویسا آکَردِشونَه چَیی وَر تا اَیی کا دَفَرسِن که: «تِه کییش؟»

یوحنا 4:3

یهودیه ولایتی تَرک کَردِشه و هَنی جَلیلی ولایتی را راهی بَه.

یوحنا 4:54

اِم دوّمین علامت و معجزه ای بَه که عیسی اَنجام دوشَه وختی که یهودیه ولایتی نَه اومَه جَلیلی ولایتی را.

یوحنا 6:1

چِندی پَش، عیسی شَه جلیلی دریاچَه اَ طرفی را که هَ تیبِریه دریاچَه یَه.

یوحنا 7:11

بَس یهودییِن، عیدی را چَیی دومله گردین، دَفَرسین: «اَ مِرد کییاره؟»

یوحنا 7:13

امّا چوم یهودیون کا تَرسین، هیچکس چَیی درباره آشکارا گَف نِژنی.

یوحنا 7:19

مَگم موسی، شریعتی شِمَه آدوعَه نیشه؟ امّا حَلا نی هیچ گِله شِمَه کا اَیی عَمل نِکَرَه. چییرا پیسترونَه مِن بِکِشه؟»

یوحنا 7:25

بَس، بعضی اورشلیمی اَهالی واتِشونَه: «مَگم اِم هَ کسی نییَه که پیستِشونَه اَیی بِکِشن؟

یوحنا 7:35

بَس یهودییِن یَندی نَه بَواتین: «اِم مِرد پیستِشَه کییا بِشو که اَمَه اَیی نِتلَفَم؟ مَگم پیستِشَه بِشو یهودیونی وَر که یونانیون دیلَه کا وِلااینَه و یونانیون تعلیم بِدَه؟

یوحنا 8:37

« بَزنیم که اِبراهیم پیغمبری خِردَنیرونَه، امّا پیستِرونَه مِن بِکِشه، چوم چِمِن کلام شِمَه کا جِگایی نیشَه.

یوحنا 8:40

امّا شِمَه پیستِرونَه مِن بِکِشَه؛ و اَز اَ کسی اِستیمَه که حقیقتی که خِدا کا دَرَسَمه شِمَه نَه واتِمه. اِبراهیم پیغمبر اِنتَه رَه کاری نِکَردِشه.

رَسولون اَعمال 10:38

و خِدا، چِنتَه روح القدس و قدرتی نَه عیسایِ ناصری مَسح کَردِشه، جوری که گِردِ جِگا کا گَردی و چاکَ کارون بَکَردی و گِردِ کسونی که اِبلیسی ظلم و ستمی جیری کا بینَه، شفا بَدای، اِمی واسی که خِدا اَیی نَه بَه.