یوحنا 6:5 - کتاب مقدس به زبان تالشی شمالی

⁵ وختی عیسی دَیشتَه و ویندِشه که وِرَه جماعتی چَیی طَرفی را بومَین، فیلیپُسی نَه واتِشه: «کییاکا نون بِخِرَم تا اِم مردم بَرِن؟»

کتاب مقدس به زبان تالشي - گویش مرکزی

⁵ وقتی عیسی اِشتَن کَلَّه راست آکردِشه، ویندشَه کن برکَه جَماعَتی چَی طَرَف کان آمِه. اَ فیلیپُسیش واتَه: «کِرَم جگا کا نون بِخِرم تا اِم آدَمِن بَرِن؟»

یوحنا 6:5 Iomraidhean Croise

مَتّی 15:33

شاگِردِن جَواو دوشونَه: «اِم دور افتاده جِگا کا، کییاکا بَشایمون اِم وِرَه جماعتی سیر آکَردِه را نون فراهم بِکَرَم؟»

مَرقُس 6:32

بَس اَوِن تنخا، لوتکا نَه خَلوتَ جِگایی را رایی بینَه.

انجیل لوقا 9:10

وختی حَواریون آگَردِستینَه، هَر کاری که کَردَشون بَه، عیسی را واتِشونَه. عیسی اَوون اِشتَن نَه بَردِشه ایلَه شهری را که چَیی نوم بِیت‌صِیدا بَه تا اوآکا تنخا بِبون.

یوحنا 1:43

صَبایی نَه روز، عیسی تصمیم گِتِشه بِشو جَلیلی ولایتی را. اَ فیلیپُسی تِلَفتِشه و اَیی نَه واتِشه: «چِمِن دومله بِری!»

یوحنا 1:44

فیلیپُس، بِیت‌ صِیْدا اَهالی کا بَه که آندریاس و پطرسی شهر بَه.

یوحنا 1:45

فیلیپُس، نَتَنائیلی تِلَفتِشه و اَیی نَه واتِشه: «اَمَه اَ کسی که موسی، توراتی کا بَیی اِشاره کَردَشه، و پیغمبرِن نی چَیی درباره نیویشتَشونَه، تِلَفتَمونَه! اَ عیسی، یوسفی زوعَه، ناصره شهری کایَه!»

یوحنا 1:46

نَتَنائیل اَیی نَه واتِشه: «مَگم بَبی ناصره کا نی چاک چیی بِرون بَرا؟» فیلیپُس جَواو دوشَه: «بِری و بِوین.»

یوحنا 1:48

نَتَنائیل اَیی نَه واتِشه: «چِنتَه مِن آزونیش؟» عیسی جَواو دوشَه: «پیش اَز اِم که فیلیپُس تِه دَخونِه، وختی که حَلا اَ اَنجیل داری جیری کا مَندبیش، تِه ویندِمَه.»

یوحنا 4:35

اِم گفی دَرَسَرون نییَه که ”حَلا چار مانگ وِرتَر مَنده نییَه تا درو موقع“؟ دَیِسه، اَز شِمَه نَه بَواتیم، شِمَه چِمون آکَرَه و بِوینَه که حِسَه بِجارِن دِرو را آمادَه اینَه.