یوحنا 5:2 - کتاب مقدس به زبان تالشی شمالی

² اورشلیمی کا، «گوسَندی دروازَه» کناری کا ایلَه حوضی بَه که عِبرانی زوونی کا اَیی نَه «بِیت‌حِسْدا» بَواتین و پینج گِله اَیوونِش اِستبَه که هَر پینج گِله سایه وونِشون اِستبَه.

کتاب مقدس به زبان تالشي - گویش مرکزی

² شهر اورشلیمیکا، دَروازَ اِ گوسَندی وَر، حووضی بَه کن عبرانیون زبانینَه اَی «بِیت‌حِسْدا» اَواجین و پنج گِله اِسبو داری.

یوحنا 5:2 Iomraidhean Croise

یوحنا 19:13

وختی پیلاتُس اِم گَفون دَرَسِشَه، عیسی وَردِشه بِرون و اِشتَن داوری یَه تختی سَری کا نِشتَه، جِگایی که بِه «سِنگفرش» مَعروف بَه و عِبرانی زوونی کا اَیی نَه «جابّاتا» واتَه بَبی.

یوحنا 19:17

و عیسی هَتَه که اِشتَن صلیبی بَبَردی شَه بِرون، جِگایی طرفی را که چَیی نوم جُمجُه بَه و عبرانی زوونی کا اَیی نَه جُلجُتا بَواتین.

یوحنا 19:20

وِر کَسِن یهودیون کا اَ نیویشته خَندِشونَه، چوم جِگایی که عیسی مصلوب بَه شهری نِزدیکی بَه و اَ نیویشته، عِبرانی و لاتین و یونانی زوونون نَه نیویشته بییَه بَه.

یوحنا 20:16

عیسی مریمی نَه واتِشه: «مریم!» مریم اِشتَن چَیی طرفی را آگردَه و عِبرانی زوونی نَه واتِشه: «رَبّونی!» (یعنی اُستاد).

یوحنا 5:3

اِم اَیوونون کا وِرَه گروهی عَلیلون کا خِسین یعنی کورِن، شَلِن و اِفلیجِن، [و منتظر بینَه که آو تَکان بَرِه.]

یوحنا 7:21

عیسی اَوون جَواو دوشَه: «اَز ایلَه معجزه کَردِمَه و شِمَه گِرد اَیی کا تعجب کَردِرونَه.

رَسولون اَعمال 21:40

وختی فرمانده اِجازه دوشَه، پولس پاپیله اون سَری کا مَندَه و اِشتَن دَسی مردمی طرف دِراز آکَردِشه. وختی گِردِ جِگا کاملاً ساکیت آبَه، عِبرانیون زَوونی نَه اَوون نَه اِنتَه واتِشه:

یوحنا موکاشیفَه 16:16

و اَ سِه گِلَه پلیدَه روح، زمینی پاُتشااون ایی جِگا کا جَمع آکَردِشونَه، که عِبرانی زَوونی کا اَیی نَه بَواتین ’حارمَگِدّون‘.

یوحنا موکاشیفَه 9:11

هاویَه چاه ملائیکه چَوون پاُتشا یَه، که عِبرانی زَوونی کا چَیی نوم ’اَبَدون‘، و یونانی زَوونی کا ’آپولیونَ‘ یعنی خَراوَه کَر.