یوحنا 4:10 - کتاب مقدس به زبان تالشی شمالی

¹⁰ عیسی ژِنی نَه واتِشه: «اَگم خِدا هدیه کا خَوَرِر اِستبَه و بَزنیش که کییَه تِنَه بَواتی :”ایی چِله آو بَه مِن آدَه“ تِه اَیی کا بَپیستیش و اَ بَه تِن زِندگی بَخشَ آو آدَی.»

کتاب مقدس به زبان تالشي - گویش مرکزی

¹⁰ عیسی اَ ژنی جواب داشَه: «اَگَم خدا خَلا اَزنیشَه و اَزنیشَه کیَه کن بَتِه باتیَه تیکَلیی آو بَمن بِدَ تا بِنجِم، تِه اِشتَن اَیکا بَپیر بَه، اَ آویی کن زندَگی بَبَخشِستی بَتِه اَدَریَه.»

یوحنا 4:10 Iomraidhean Croise

انجیل لوقا 11:13

بَس اَگم شِمَه که بَدَه آدَمونی اِستیرونَه بَزنیرون چِنتَه چاکَ هِدیه اون شِمَه خِردَنون آدییَه، چِندی وِرتَر آسِمونی یَه دَده، روح القدسی آدَه اَ کسونی که اَیی کا پیستِشونَه.»

یوحنا 16:3

اِم کارون بَکَردین، چوم نِه دَده آزونِن، نِه مِن.

یوحنا 17:3

و اَبَدی یَه زندگی اِمَه که، اَوِن فقط تِه که خِدای یگانه حقیقییش، و عیسایِ مسیحی که تِه اَیی ویسا آکَردَرَه، آزونِن.

یوحنا 3:16

«چوم خِدا دنیا مردمی نَه هَدَه خِش بَه که اِشتَن ایلَه زوعَه فیدا کَردِشه تا هَر کسی که اَیی ایمان بواَره هلاک مَبو، بَلکَم اَبَدی یَه زندگی بِداره.

یوحنا 4:14

امّا هَر کسی اَ آوی کا که اَز اَیی آدَم بِنجه، هَرگز هَنی تِشیرش نییَب، آوی که اَز آدَم چَیی وجودی کا ایلَه خانیی شیوار بَبی که تا اَبَدی یَه زندگی هَتَه بَگِلِستی و لَبریز بَبی.»

یوحنا 6:35

عیسی اَوون نَه واتِشه: «نونی که زندگی بَبَخشِستی اَزیمَه. هر کسی بومَی چِمِن وَر، هرگز وِیشیرِش نییَب، و هر کسی بَه مِن ایمان بواَرِه هَرگز تِشیرِش نییَب.

یوحنا 6:51

نونی که زندگی بَبخشِستی اَزیمَه که آسِمونی کا اومَیمَه. هَر کسی اِم نونی کا بَردی، تا اَبَد زِنده بَمندی. نونی که اَز آدَم تا دنیا مردم زندگی بِدارِن، چِمِن بَدنَه.»

رَسولون اَعمال 9:11

خِداوند، حَنانیا نَه واتِشه: «پِرِز و بِش ایلَه کوچه‌ای را که چَیی نوم ’راستَه‘، بِش و یهودا کَ کا سولُسِ تارسوسی سُراغی بِگِه. شائول کارا دعا بَکَردی

رومی کلیسارا نامه 8:32

اَ که اِشتَن زوعَه دریغ نِکَردِشه، بَلکَم اَیی، چَمَه گِردی راه کا فیدا کَردِشه، چِنتَه، اَ، دَس و دیل بازی نَه گِردِ چییون بَمون آنِدَه؟

اوّلین نامَه قورَنتیانیرا 1:30

چَیی واسی یَه که شِمَه مسیحْ عیسی کا ایرونه. اَ مسیحْ عیسی که خِدا طرفی کا اَمَه را حِکمت بییَه، یعنی صالحی، قدّوسیت و آزادی.

اوّلین نامَه قورَنتیانیرا 10:4

و هَ روحانی یَه هِنتِه ای، هِنتِشونه. چوم اَ روحانی یَه صَخره کا هِنجِین که چَوون دومله کارا بومَی، و اَ صخره مسیح بَه.

دوومین نامه قرنتیانیرا 9:15

خِداوندی شُکر بَکَردیم اَ هدیه ای واسی که زَوونی نَه نییَب واتِه!

نامَه اَفسوسی کلیسارا 2:8

چوم فیضی نَه و ایمانی واسطه نَه نجات پیدا کَردَرونه. و اِم شِمَه کا نییَه؛ بَلکَم خِدا هدیه یَه،

نامَه، عِبرانیه نَتاجَه مسیحیونرا 6:4

چوم کسونی که ایی کَرَه نورانی بینَه، اَ کسونی که آسِمونی یَه هدیه مَزَه چَشَشونَه و روح القدسی دیلَه کا شَریک بَیینَه،

یوحنا اوّلین نامَه 5:20

هِنته نی بَزنیمون که خدا زوعَه اومَه و بَمون فهم آدوعَشه تا اَیی که حقیقتَه آزونَم، و اَمَه اَیی کا ایمونه که حقیقتَه، یعنی چَیی زوعَه، عیسی مسیح کا. اَ، خِدای حقیقی و اَبَدی یَه زندگی اِستَه.

یوحنا موکاشیفَه 21:6

و اَ مِنَه واتِشه: «انجام بَه! از ’الف‘ و ’ی‘ و اوّل و آخِریمَه. هَر کسی که تِشیش بِبو، از زندگی خانی آوی کا مِفتَه آدَم بَیی.

یوحنا موکاشیفَه 22:17

خِدا روح و وَیو بَواتین: «بِری!» هَر کسی که اِمی دَرَسِه بوآجِه: «بِری!» هَر کسی که تِشی یَه با؛ و هَر کسی که پیستِشَه زندگی بَخشَ آوی کا مِفتَه ویگِرِه.

یوحنا موکاشیفَه 7:17

چوم اَ وَرَه ایی که تختْی وَسطی کایَه چَوون شوونَه بَبی، و اَوون زِندگی بَخشَ آوی خانیون طرفی را راهنمایی بَکَردی. و خِدا هَر اِسِرگی چَوون چِمون کا پاک آکَرِه.»