یوحنا 3:34 - کتاب مقدس به زبان تالشی شمالی

³⁴ کسی که خِدا طرفی نَه ویسا آبَه، خِدا کلامی بَواتی، چوم خِدا اِشتَن روح، بی اَندازه عَطا بَکَردی.

کتاب مقدس به زبان تالشي - گویش مرکزی

³⁴ چون اَکَن خدا بَی عَندَشَه، خدا کلامی باتی، اِمی خونه کن خدا، بی اَندازَ اِشتَن روح بَی آرَدا.

یوحنا 3:34 Iomraidhean Croise

مَتّی 12:18

«اِم چِمِن خادِمَه كه از اَئی اِنتخاب کَردَمَه؛ چِمِن عزیز که چِمِن جان اَئی کا راضی یَه. اَز چِمِن روح اَیی کا بَنایم و اَ عدالتی، دییَر قومون را اِعلام بَکَردی.

انجیل لوقا 4:18

«خِداوندی روح چِمِن سَری کایَه، چوم که اَ، مِن اِنتخاب کَردَشه تا فقیرون را خوشَ خَوَری اِعلام بِکَرِم، و مِن ویسا آکَردَشَه که اَسیرون را، آزادی اِعلام بِکَرِم، و کورون را، بینایی اِعلام بِکَرِم، و ستمدیده اون، آزاد آکَرِم،

یوحنا 1:16

چَیی پُوری کا اَمَه گِرد پُوری نَه ویگِتَمونَه، فیض فیضی سَر.

یوحنا 15:26

«امّا وختی اَ یاور که دَده وَری کا شِمَه را ویسا آکَرِم بومَی، یعنی هَ روح حقیقت که دَده وَری کا بومَی، اَ چِمِن درباره شهادتی بَدای.

یوحنا 16:7

با اِم حال، اَز شِمَه نَه حقیقتی بَواتیم که چِمِن شییِه بِه نفع شِمَه یَه. چوم اَگم مَشوم، اَ یاور نا شِمَه وَر؛ امّا اَگم بِشوم اَیی ویسا آکَرِم شِمَه وَر.

یوحنا 3:17

چوم خِدا، اِشتَن زوعَه ویسا آنِکَردِشه دنیا دیلَه تا دنیا مَحکوم بِکَرِه، بَلکَم ویسا آکَردِشه تا دنیا چَیی واسطه نَه نجات پیدا بِکَرِه.

یوحنا 5:26

چوم هَتَه که دَده اِشتَن کا زندگی هِستِشه، زوعَه نی عطا کَردَشه که اِشتَن کا زندگی بِدارِه،

یوحنا 7:16

بَس عیسی چَوون جَواوی کا واتِشه: «چِمِن تعلیمِن اِشتَن کا نینَه، بَلکَم اَیی کایَه که مِن ویسا آکَردَشَه.

یوحنا 8:40

امّا شِمَه پیستِرونَه مِن بِکِشَه؛ و اَز اَ کسی اِستیمَه که حقیقتی که خِدا کا دَرَسَمه شِمَه نَه واتِمه. اِبراهیم پیغمبر اِنتَه رَه کاری نِکَردِشه.

یوحنا 8:47

کسی که خِدا کایَه، خِدا کلامی گوش بَدای. امّا شِمَه گوش نیمَدایَه، اِمی واسی که خِدا کا نیرونَه.»

رَسولون اَعمال 1:2

تا اَ روزی که روح القدسی واسطه نَه، اِشتَن اِنتخاب کَردَه رسولون، دستورونی دوشَه و دومله آسِمونی را کَفا بَردَه بَه.

رَسولون اَعمال 10:38

و خِدا، چِنتَه روح القدس و قدرتی نَه عیسایِ ناصری مَسح کَردِشه، جوری که گِردِ جِگا کا گَردی و چاکَ کارون بَکَردی و گِردِ کسونی که اِبلیسی ظلم و ستمی جیری کا بینَه، شفا بَدای، اِمی واسی که خِدا اَیی نَه بَه.

رومی کلیسارا نامه 8:2

چوم شریعتی که روح زِندگی یَه مسیحْ عیسی کا، شِمَه، گناه شریعت و مرگی کا آزاد آکَردِشه؛

نامَه اَفسوسی کلیسارا 3:8

هَر چَن که از گِردِ مقدّسون دیلَه کا گِردی کا کَمترینیمَه، اِم فیض بَه مِن آدوعَه بَه تا مسیح بَرکَه گنجون خَوَری غیریهودیون را اِعلام بِکَرِم،

نامَه کُولُسی کلیسا را 1:19

چوم خِدا خشنودی گِرد اِمی کا بَه که چَیی دیلَه کا بومونِه،

نامَه کُولُسی کلیسا را 2:9

چوم ذات الهی پُوری گِرد جسمی شیوار مَسیح دیلَه کایَه،

یوحنا موکاشیفَه 21:6

و اَ مِنَه واتِشه: «انجام بَه! از ’الف‘ و ’ی‘ و اوّل و آخِریمَه. هَر کسی که تِشیش بِبو، از زندگی خانی آوی کا مِفتَه آدَم بَیی.

یوحنا موکاشیفَه 22:1

دومله، اَ ملائیکه زندگی بخشَ رِواری آوی بَه مِن نیشون دوشَه که بُلوری شیوار زُلال بَه و خِدا تخت و وَرَه کا ویبی.