یوحنا 3:21 - کتاب مقدس به زبان تالشی شمالی

²¹ امّا کسی که دُرست کارون اَنجام بَدای بومَی نوری وَر تا آشکار آبو که چَیی کارِن خِدا کمکی نَه اَنجام بَیینَه.»

کتاب مقدس به زبان تالشي - گویش مرکزی

²¹ ولی اَکَن دِرِستَه کار بَکَی نوری دِلَرا بومَی تا دیار آبو کن چَی کارِن خدا کاریَرینَه اَنجوم آبَیَه.»

یوحنا 3:21 Iomraidhean Croise

یوحنا 1:47

عیسی ویندِشه نَتَنائیل چَیی طَرفی را بومَی، چَیی درباره واتِشه: «دَیِسه، ایلَه اسرائیلی حقیقی که اَیی کا هیچ مَکر و حیله ای نییَه!»

یوحنا 3:20

چوم هَر کسی که بَده کارون اَنجام بَدای نوری کا بیزارَه و نوری وَر نا، نَبادا چَیی کارِن آشکار آبون.

یوحنا 5:39

شِمَه مقدّس نیویشته اون دِقّتی نَه بَررِسی بَکَردیرون چوم خَیال بَکَردیرون چَیی واسطه نَه اَبَدی یَه زندگی هِستِرونَه، با اِمکه هِم نیویشته اِن چِمِن درباره شهادتی بَداین.

یوحنا 7:17

اَگم کسی پیستِشَه خِدا اِراده اَنجام بِدَه، بَزنی که اِم تعلیم خِدا کایَه یا اَز اِشتَن کا بَواتیم.

اوّلین نامَه قورَنتیانیرا 15:10

اِمی که الان بَویندیرون اِستیمَه خِدا فیضی واسی یَه که اِستیمَه و اَ فیض بَه مِرا بی فایدَه نِبَه. بَرعکس، از چَوون گِردی کا چَتینتَر کار کَردِمَه، امّا نِه اِشتَن، بَلکم خِدا فیضی واسی که مِنه یَه.

دوومین نامه قرنتیانیرا 1:12

چوم چَمَه اِفتخار، چَمَه وجدانَه که گواهی بَدای، که اِم دنیا کا اَمَه رو راستی و صاف و صادقی نَه که خِدا کا یَه رفتار کَردِمونه، نِه آدَمی حِکمَتی نَه، بَلکَم خِدا فیضی نَه رفتار کَردَمونه مخصوصن شِمَه نَه.

نامه غلاطیَه کلیسارا 6:8

چوم هر کسی که اِشتَن جِسمی را بَکاشتی، جِسمی کا فساد دِرو بَکَردی؛ امّا کسی که خِدا روح را بَکاشتی، خِدا روحْ کا اَبَدی یَه زِندگی دِرو بَکَردی.

نامَه اَفسوسی کلیسارا 5:9

چوم نوری ثمرۀ، هَرجورَه چاکی، راستی و درستی کا پیدا بَبی.

نامَه فیلیپی کلیسا را 1:11

صالِحی ثَمرَه کا پور بِبییَه که عیسایِ مسیح واسطه نَه، خِدا جلال و ستایشی را ختم بَبی.

نامَه فیلیپی کلیسا را 2:13

چوم خِدایَه که شِمَه دیلَه کا اِشتَن خشنودی را کار بَکَردی، هَم اِراده کا هَم عَملکردی کا.

نامَه کُولُسی کلیسا را 1:29

اِمی واسی یَه که اَز زَحمت بَکَشتیم و تَمون چِمِن قوّتی نَه چَیی واسطه نَه که چِمِن دیلَه کا قوّتی نَه کار بَکَردی، تَقَّلا بَکَردیم.

نامَه، عِبرانیه نَتاجَه مسیحیونرا 13:21

هَ خِدا شِمَه هَر چاکَه چیی نَه مجهز بِکَرِه تا چَیی اِراده اَنجام بِدییَه. تا اَ چیی نَه که خِدا راضی آکَرِه، عیسایِ مسیح واسطه نَه چَمَه دیلَه کا بِه کار بِگِرِه، هَ عیسایِ مسیح که تا اَبَد و تا اَبَد جلال اَیی نَه بِبو. آمین.

پطروسی اوّلین نامَه 1:22

حِسَه که حقیقتی کا اِطاعت کَردِه نَه، شِمَه جانون پاک آکَردَرونه، تا بی ریایَه بِرااون نَه محبت بِدارَه، یَندی نَه خالِص و پاکَ دیلی نَه خِش بِبییَه.

یوحنا اوّلین نامَه 1:6

اَگم اَمَه بوآجَم اَیینه رَفاقَت اِستِمونه، با اِمکه تاریکی کا زندگی بَکَردیمون، دورع بَواتیمون و حقیقتی عمل نِکَرَم.

یوحنا سوّمین نامَه 1:11

اِی عزیز، بَدی اِشتِه سَرمشق مَکَه، بَلکَم چاکی کا سرمشق بِگِه؛ چوم کسی که چاکه کارون بَکَردی خِدا کا یَه، امّا کسی که بَدَه کارون بَکَردی خِدا ویندَه نیشَه.

یوحنا موکاشیفَه 3:15

اِشتِه کارون کا خَوَرداریمَه؛ که نِه سَردیش و نِه گرم. کَشکی یا سَرد بِبیش یا گرم.