یوحنا 20:9 - کتاب مقدس به زبان تالشی شمالی

⁹ چوم حَلا شاگِردِن مقدّس نیویشته اون دَرک کَردَشون نِبَه که اَ مَرده پَش بَسی زِندَه آبو.

کتاب مقدس به زبان تالشي - گویش مرکزی

⁹ اِمی خونه کن شاگردِن هَنوزَنی موقدسَه نوشتَه اون درک کَردَشون نِبَه کن اَ پی مَردَاون دِنیا کا زندَ آبو.

یوحنا 20:9 Iomraidhean Croise

مَتّی 22:29

عیسی جَواو دوشَه: «شِمَه اِشتباه فیکر بَکَردیرون، چوم نِه خِدا کلامی کا چیی بَزنیرون و نِه خِدا قدرتی کا!

انجیل لوقا 24:26

بَگم نَبی مسیح اِم درد و رنجون بِکَشِه و دومله اِشتَن جلالی آرَستِه؟»

انجیل لوقا 9:45

امّا اَوِن عیسی منظوری نِزونیشونَه؛ بَلکَم اَوون کا نِین مَندَه تا دَرک مَکَرِن؛ و تَرسین اِم گفی درباره، عیسی کا سوالی دَفَرسِن.

یوحنا 2:22

بَس وختی که مَردَه پَش زِنده آبَه، چَیی شاگِردِن چَیی اِم گَفی ویر وَردِشونَه، و مقدّس نیوشته اون و چَیی گفون ایمان وَردِشونَه.

رَسولون اَعمال 17:3

و توضیح بَدای، دلیل بواَردی که لازمَه مَسیح رنج بِکَشه و مَردَه اون دیلَه کا زِندَه آبو. پولس بَواتی: «اِم عیسی که اَیی شِمَه را اِعلام بَکَردیم، هَ مَسیح موعودَه.»

رَسولون اَعمال 2:24

خِدا اَیی مرگی عذابون کا نِجات دوشَه، اَیی زِندَه آکَردِشه، چوم مَحال بَه که مرگ بِشای اَیی اِشتَن چَنگی کا غَم بَری.

اوّلین نامَه قورَنتیانیرا 15:4

و اِمکه دَفن بَه، و اِمکه سوّمین روز مردَه اون دیلَه کا زِنده آبَه هَتَه که مقدّس نیویشته اون دیلَه کا اومَه،