یوحنا 20:1 - کتاب مقدس به زبان تالشی شمالی

¹ هفته اوّلین روزی کا، صِبی سَر، وختی که هَوا حَلا تاریک بَه، مریم مَجْدَلیّه اومَه مَقبره وَر و ویندِشَه که سِنگ مَقبره بَری پیشی کا پِگِتَه بییَه.

کتاب مقدس به زبان تالشي - گویش مرکزی

¹ هفته اوَّله روج یعنی یکشنبَه سوکَه خونیکا، هَنگومی کن هوا هَنوزنی تاریک بَه، مریم مَجْدَلیّه تِربَرا آمَه و ویندِشَه کن تربَه کازی، تِربَه نَکا پِگَتَشونه.

یوحنا 20:1 Iomraidhean Croise

مَتّی 27:56

چَوون دیلَه کا، مریم مَجدَلیّه و مریم که یعقوب و یوسفی نَنه بَه و زِبدی زوعَه اون نَنه نی مَنده بینَه.

مَتّی 27:60

و اَیی تازه مَقبره ای دیلَه کا نوشَه که اَ مقبره، اِشتَرا صخره دیلَه کا تِراشتَش بَه. دومله ایلَه یالَه سِنگی نَه مَقبره دَهَنه پوشوندِشه و شَه.

مَتّی 27:64

بَس دستور بِدَه که تا سوّمین روز مَقبره کا نِگهبانی بِکَرِن، نَبادا چَیی شاگِردِن بِشون و چَیی جَنازه بِدِزدِن و مردمی نَه بوآجِن که عیسی مَرده پَش زِنده آبییَه. اَگم اِم کاری بِکَرن، چَیی آخِرین حُقَّه، چَیی اوّلین حُقَّه کا نی بدتر بَبی.»

مَتّی 27:66

بَس اَوِن شینَه مَقبره دَهَنه سِنگی، مُهر و موم کَردِشونَه و اوآکا نِگهبانونی نوشونَه تا مَقبره کا محافظت بِکَرِن.

مَتّی 28:1

ایی روز یهودیون مقدّس شنبه پَش، که هفته اوّلین روز بَه، صِبی سَر، مریم مَجدَلیّه و اَ ایلَه مریم شینَه که مَقبره بِوینِن.

مَتّی 28:2

ایی دفعه بَرکَ زلزِلَه ای اومَه، چوم خِداوندی ایلَه ملائیکه آسِمونی کا نازل بَه، شَه مَقبره طرف و اَ سِنگی که مَقبره دَهَنه پوشوندَش بَه ژَندِشَه کَنار و هَ سِنگی سَری کا نِشتَه.

مَرقُس 15:46

یوسف نی ایلَه کتانَه کَفنی خِریشه و جَنازه صلیبی سَری نَه جیر وَردِشَه. یوسف جنازه دَپیچیستِشه اَ کتانه کَفنی کا و نوشه مقبره ای کا که صَخره دیلَه کا تِراشتَش بَه. دومله ایلَه یالَ سِنگی نَه مَقبره دَهَنه پوشوندِشه.

مَرقُس 16:9

وختی عیسی، هفته اوّلین روزی کا، صِبی زو زِنده آبَه، اوّل مریم مَجْدَلیّه را آشکار آبَه که اَیی کا هفت گِله دیو بَرکَردَش بَه.

یوحنا 11:38

دومله عیسی، هَنی هَتَه که بَرک غمگین بَه، اومَه مَقبره سَر. مَقبره، ایلَه غاری بَه که چَیی گَ کا ایلَه سِنگ نوعَه شون بَه.

یوحنا 11:41

بَس سِنگی پِگِتِشونَه. اَ موقع عیسی آسِمونی دَیشتَه و واتِشه: «دَده، تِه شُکر بَواتیم که چِمِن گفی دَرَسِرَه.

یوحنا 19:25

امّا عیسی صلیبی نِزدیکی کا، چَیی نَنه و چَیی مانی، و مریم کْلوپاسی ژِن و مریم مَجْدَلیّه مَندَه بینَه.

یوحنا 20:26

هَشت روزَه پَش، عیسی شاگِردِن هَنی کَ کا بینَه و توما اَوون نَه بَه. هَتَه که بَرِن قِفل بینَه، عیسی اومَه دیلَه و چَوون دیلَه کا مَندَه و واتِشه: «سلام بَر شِمَه!»

رَسولون اَعمال 20:7

هفته اوّلین روزی کا، نونی پَله کَردِه را جَمع آبیمونَه. پولس مردمی نَه گف ژَنی و چوم پیستِشَه صَبایی نَه روز اوآنَه بِشو، چَیی گف ژَندِه تا نِصبِ شَو طول کَشِشه.

اوّلین نامَه قورَنتیانیرا 16:2

هَر هَفته اوّلین روزی کا، هَر کمیله شِمَه کا، بَسی اِشتَن درآمدی کا، روکَته ای بِنَه کنار و اِشتَن را غَم بَرِه، تا موقعی که از بومَیم شِمَه وَر، دِ لازِم مَبو هدیه اون جمع آکَرَه.

یوحنا موکاشیفَه 1:10

خِداوندی روزی کا، خِدا روح کا پُور آبیمَه، و ایلَه بِلَندَه سَسی، شیپوری سَسی شیوار چِمن پشتی کا دَرَسِمَه