یوحنا 17:9 - کتاب مقدس به زبان تالشی شمالی

⁹ اَز اَوون را دعا بَکَردیم، اَز دنیا را دعا نِکَرِم، بَلکَم کسونی را دعا بَکَردیم که تِه مِن آدوعَرَه، چوم اَوِن اِشتِه شِن اِستینَه.

کتاب مقدس به زبان تالشي - گویش مرکزی

⁹ اَز اَوونرا دوا بَکَم، اَز دِنیارا دوا نِمَکرد، بَسکَم اَیِنی را کن ته بَمن دوعَرَ دوا بَکَم، اِمی خونه کن اَیِن اِشتِه شنینَه.

یوحنا 17:9 Iomraidhean Croise

انجیل لوقا 22:32

امّا اَز بَه تِرا دعا کَردِمه تا اِشتِه ایمان اَز بین مَشو. وختی هَنی آگَردِستیش اِشتِه بِرا اون قوّت بِدَه.»

انجیل لوقا 23:34

عیسی واتِشه: «اِی دَده، اِمون بِبَخش، چوم نیمَزنِن چِه بَکَردین.» اَوِن عیسی خَلااون را قُرعه دَرَفَندِشونَه که اِشتَن میانه کا تَقسیم بِکَرِن.

انجیل لوقا 8:34

وختی خوعَه وونِن ویندِشونَه چِه اِتِفاقی دَلَکه، دَوشتینَه و شهر و دِه کا اِم ماجرا واتِشونَه.

یوحنا 14:16

و اَز دَده کا بَپیستیم و اَ ایلَه دییَر یاوری شِمَه آدَه تا همیشه شِمَه نَه بِبو،

یوحنا 17:2

چوم تِه گِرد اِنسانون اِختیاری بَیی دَسپاردَره تا گِرد کسونی که اَیی آدوعَرَه، اَبَدی یَه زندگی بِبخشه.

یوحنا 17:20

«چِمِن پیستَه فقط اِمون را نییَه، بَلکَم هِنتَه، کَسونی را اِستَه که چَوون پیغومی واسطه نَه بَه مِن ایمان بواَردین،

یوحنا 17:6

«اَز اِشتِه نومی مردمی را که دنیا کا بَه مِن بَخشِستَره، آشکار آکَردَمه. اَوِن اِشتِه شِن بینَه و تِه اَوون مِن بَخشِستَره، و اِشتِه کلامی اَنجام دوعَشونَه.

یوحنا 6:37

گِرد کسونی که دَده بَه مِن بِبَخشه، بومَین چِمن وَر؛ و اَ کسی که بومَی چِمِن وَر، اَیی هَرگز بَنِرکَرِم.

یوحنا 6:39

و چِمِن ویسا آکَردَه پیستَه اِمَه که، اَ کسونی کا که اَ بَه مِن بَخشِستَشه، هیچ گِله اَز دَس مَدم، بَلکَم اَوون داوری یَه روزی کا زِندَه آکَرِم.

نامَه، عِبرانیه نَتاجَه مسیحیونرا 7:25

بَس عیسی بَشای کسونی که چَیی واسطه نَه بِه خدا نِزدیک آبون، کاملاً نجات بِدَه، چوم که اَ هَمیشه زِنده یَه تا چَوون را شفاعت بِکَرِه.

نامَه، عِبرانیه نَتاجَه مسیحیونرا 9:24

چوم مسیح اَ قُدس الاقداسی دیلَه دَنِشه که اِنسانی دَسی نَه وَج آبَه و فقط نمونه ای یَه اَ حقیقی یَه چیون کا، بَلکَم شَه آسِمونی دیلَه را تا چَمَه طرفی نَه خِدا محضری کا حاضر آبِبو.

یوحنا اوّلین نامَه 5:19

اَمَه بَزنیمون که خِدا کا ایمونه و گِردِه دنیا اَ شَریری قدرتی جیری کایَه.

یوحنا موکاشیفَه 12:9

و یالَ اِژدها فِرآدوعَه بَه جیری را، یعنی هَ قدیمی یَه نَلتی که اِبلیس یا شیطان دَخوندَه بَبی و گِردِ دِنیا گمراه بَکَردی. اَ فِرآدوعَه بَه زمینی سَر و چَیی ملائیکه اِن نی اَیی نَه فِرآدوعَه بینَه جیر.

یوحنا موکاشیفَه 13:8

و گِردِ کسونی که زمینی سَری کا اینَه و اَ وَحشی یَه حَیوونی پرستش بَکَردین- یعنی هَر کسی که چَیی نوم، وَرَه دفتر حیاتی دیلَه کا نیویشته بَه نییَه، هَ وَرَه ایی که دنیا صِفتَه نَه قربونی بییَه بَه.

یوحنا موکاشیفَه 20:15

و هَر کسی که چَیی نوم دفتر حیاتی دیلَه کا نیویشته بَه نِبَه، دَرَفَنده بَه آتشی دریاچه دیلَه کا.