یوحنا 17:2 - کتاب مقدس به زبان تالشی شمالی

² چوم تِه گِرد اِنسانون اِختیاری بَیی دَسپاردَره تا گِرد کسونی که اَیی آدوعَرَه، اَبَدی یَه زندگی بِبخشه.

کتاب مقدس به زبان تالشي - گویش مرکزی

² اِمی خاطر کن تِه گِرِدِ اینسانون سِردِرِ اِشتِه زوعَه زاکین دوعَرَ تا گردِ اَیِنی کن تِه بَی آدوعَرَ، زَیرونَه زندَگی بدَرِ.

یوحنا 17:2 Iomraidhean Croise

مَتّی 11:27

چِمِن آسِمونی یَه دَده گِردِ چیون بَه مِن دَسپاردَشَه. هیچکس دَده غِیراز زوعَه آنِزونِه، و هیچکس زوعَه غیراز دَده آنِزونِه، و اَ کسونی که زوعَه پیستِشَه دَده اَوون را آشکار آکَرِه.

مَتّی 25:46

بَس اَوِن بَشین اَبَدی یَه عَذابی دیلَه، ولی صالِحِن بَشین اَبَدی یَه زِندگی دیلَه.»

مَتّی 28:18

اَ موقع عیسی نار اومَه اَوون نَه واتِشه: «گِردِ قدرت، آسِمون و زمینی کا بَه مِن آدوعَه بییَه.

یوحنا 17:24

اِی دَده، پیستِمَه کسونی که بَه مِن آدوعَرَه نی، جِگایی کا که اَز اِستیمَه مِنَه بِبون، تا چِمِن جلالی دَیِسِن، جلالی که تِه مِن آدوعَرَه؛ چوم پیش اَز اِم که دنیا خلق بِبو تِه مِنَه خِش بیش.

یوحنا 17:6

«اَز اِشتِه نومی مردمی را که دنیا کا بَه مِن بَخشِستَره، آشکار آکَردَمه. اَوِن اِشتِه شِن بینَه و تِه اَوون مِن بَخشِستَره، و اِشتِه کلامی اَنجام دوعَشونَه.

یوحنا 17:9

اَز اَوون را دعا بَکَردیم، اَز دنیا را دعا نِکَرِم، بَلکَم کسونی را دعا بَکَردیم که تِه مِن آدوعَرَه، چوم اَوِن اِشتِه شِن اِستینَه.

یوحنا 3:35

دَده، زوعَه نَه خِشه و گِرد چییون چَیی اِختیاری کا نوعَشه.

یوحنا 4:14

امّا هَر کسی اَ آوی کا که اَز اَیی آدَم بِنجه، هَرگز هَنی تِشیرش نییَب، آوی که اَز آدَم چَیی وجودی کا ایلَه خانیی شیوار بَبی که تا اَبَدی یَه زندگی هَتَه بَگِلِستی و لَبریز بَبی.»

یوحنا 6:27

خوراکی واسی که اَز بِین بَشی کار مَکَرَه، بَلکَم خوراکی واسی کار بِکَرَه که تا اَبَدی یَه زندگی بَمَندی، خوراکی که اِنسانی زوعَه شِمَه بَدای. چوم خِدا، هَ آسِمونی یَه دَده اَیی مهر تایید ژَندَشه.»

یوحنا 6:37

گِرد کسونی که دَده بَه مِن بِبَخشه، بومَین چِمن وَر؛ و اَ کسی که بومَی چِمِن وَر، اَیی هَرگز بَنِرکَرِم.

یوحنا 6:39

و چِمِن ویسا آکَردَه پیستَه اِمَه که، اَ کسونی کا که اَ بَه مِن بَخشِستَشه، هیچ گِله اَز دَس مَدم، بَلکَم اَوون داوری یَه روزی کا زِندَه آکَرِم.

رومی کلیسارا نامه 6:23

چوم که گناه مُزد مرگَه، امّا خِدا هدیه، چَمَه خِداوند مسیحِ عیسی کا اَبَدی یَه زِندگی یَه.

اوّلین نامَه قورَنتیانیرا 15:25

چوم اَ بَسی تا وختی که اِشتَن دِشمَنون گِردی اِشتَن پا جیری کا بِنه، سلطنت بِکَرِه.

نامَه اَفسوسی کلیسارا 1:20

که اَیی مسیح کا بِه‌ کار بَردِشه، اَ موقع که اَئی مَردَه اون دیلَه کا زِنده آکَردِشه و آسِمونی یَه جِگا اون کا، اِشتَن راسَ دَسی وَری کا نِشوندِشه،

نامَه فیلیپی کلیسا را 2:10

تا عیسی نومی نَه هَر زِنگی قات آبو، آسِمونی کا، زَمینی سَری کا و زَمینی جیری کا،

اوّلین نامَه تیموتائوسیرا 1:16

ولی اِمی واسی مِن رَحم بَه تا عیسی مسیح اِشتَن صَبری که هرگز تمون آنییَب که گناه کارون دیلَه کا یالتَرین بیمَه نیشون بِدَه، تا کسونی را که اَبَدی یَه زِندگی واسی اَیی ایمان بواَردین سَرمشق بِبوم.

نامَه، عِبرانیه نَتاجَه مسیحیونرا 1:2

امّا اِم آخِرَه روزون کا اَ اِشتَن زوعَه واسطه نَه، اَمَه نَه گَف ژَندِشَه، هَ زوعَه ایی که اَیی ایلَه وارثی شیوار گِردِ چیون کا تَعیین کَردِشه و چَیی واسطه نَه جهانی خَلق کَردِشَه.

پطروسی اوّلین نامَه 3:22

هَ عیسایِ مسیح که شَه آسِمون و حِسَه خِدا راستَ دَسی کایَه و ملائیکَه اِن و قدرتِن و قوّتِن چَیی مطیع بَیینَه.

یوحنا اوّلین نامَه 1:2

زندگی ظاهر آبَه؛ اَمَه اَیی ویندَمونه و چیی را شهادتی بَدایمون، اَبَدی یَه زندگی شِمَه را اِعلام بَکَردیمون، هَ اَبَدی یَه زندگی که دَده نَه بَه و چَمَه را ظاهر آبَه.

یوحنا اوّلین نامَه 2:25

و اِمَه اَ چیی که اَ بَمون وعده دوعشَه، یعنی اَبَدی یَه زندگی.

یوحنا اوّلین نامَه 5:20

هِنته نی بَزنیمون که خدا زوعَه اومَه و بَمون فهم آدوعَشه تا اَیی که حقیقتَه آزونَم، و اَمَه اَیی کا ایمونه که حقیقتَه، یعنی چَیی زوعَه، عیسی مسیح کا. اَ، خِدای حقیقی و اَبَدی یَه زندگی اِستَه.

یهودا نامه 1:21

و اِشتَن خِدا محبتی دیلَه کا غَم بَرَه، هَتَه که چَمَه خِداوند عیسایِ مسیح رحمتی مُنتظریرونه تا شِمَه اَبَدی یَه زِندگی را راهنمایی بِکَرِه.