یوحنا 16:7 - کتاب مقدس به زبان تالشی شمالی

⁷ با اِم حال، اَز شِمَه نَه حقیقتی بَواتیم که چِمِن شییِه بِه نفع شِمَه یَه. چوم اَگم مَشوم، اَ یاور نا شِمَه وَر؛ امّا اَگم بِشوم اَیی ویسا آکَرِم شِمَه وَر.

کتاب مقدس به زبان تالشي - گویش مرکزی

⁷ با اِم حال، اَز حَییقتی بَه شمَه باتیم، کن چمن شِه بَه‌ سودِ شِمَه یَه. اِمی خونه کن اَگَم نِشوم، اَ دیفا اَکَر شمه وَرنیام؛ ولی اَگَم بشوم اَی شمَه وَر رَونَه آمَکرد.

یوحنا 16:7 Iomraidhean Croise

انجیل لوقا 24:49

اَز اَ چیی که چِمِن آسِمونی یَه دَده وَعده دوعَشَه شِمَه را ویسا آکَرِم؛ امّا تا وختی که خِدا قدرت آسِمونی کا شِمَه پور آکَرِه، اِم شهری کا بومونَه.»

انجیل لوقا 4:25

یقین بِزونَه که ایلیای پیغمبری دورانی کا، وختی که آسِمونِن سِه سال و نیم دَوَسته بینَه و بَرکَ قَحطیی اَ سرزَمینی سرتاسری گِتِشه، وِرَه ویوه ژِنکونی اِسرائیلی کا بینَه.

انجیل لوقا 9:27

ولی حقیقتن شِمَه نَه بَواتیم، بعضی اِن اییا کا مَندینَه که تا خِدا پاُتشایی مَوینِن، نِمِرِن.»

یوحنا 14:26

امّا اَ یاور، یعنی روح القدس، که دَده اَیی چِمِن نومی نَه ویسا آکَرِه، اَ گِرد چییون شِمَه یاد بَدای و هَر چِه اَز شِمَه نَه واتِمَه، شِمَه یاد بواَردی.

یوحنا 14:28

دَرَسِرونَه که شِمَه نَه واتِمَه، ”اَز بَشیم، و هَنی بومَیم شِمَه وَر.“ اَگم مِنَه خِش بیرون، شاد بَبیرون که بَشیم دَده وَر، چوم که دَده مِن کا یالتَرَه.

یوحنا 14:3

و اَ موقع که شیمَه و جِگایی شِمَه را حاضیر آکَردِمَه، هَنی بومَیم و شِمَه بَبَردیم چِمِن وَر، تا اوآ کا که اَز مَندیمَه شِمَه نی بِبییَه.

یوحنا 15:26

«امّا وختی اَ یاور که دَده وَری کا شِمَه را ویسا آکَرِم بومَی، یعنی هَ روح حقیقت که دَده وَری کا بومَی، اَ چِمِن درباره شهادتی بَدای.

یوحنا 16:8

وختی اَ یاور بومَی، دنیا مردمی گناه واسی و عِدالتی واسی و داوری واسی، محکوم بَکَردی.

یوحنا 7:39

اِم گفی روح القدسی درباره واتِشه، کسونی که بَیی ایمان بواَرِن، اَیی دریافت بَکَردین؛ چوم روح القدس حَلا عطا بَه نِبَه، اِمی واسی که عیسی حَلا جلال گِتَش نِبَه.

رَسولون اَعمال 10:34

دومله پطرس دَمَندَه اِنتَه گَف ژَندِشَه: «حِسَه فهمِستِمَه که راس راسی خِدا مردمی دیلَه کا هیچ فرقی نِنَه؛

رَسولون اَعمال 2:33

عیسی بَردَه بَه کَفا خِدا راستَ دَسی را و آسِمونی یَه دَده کا، روح‌ القدسِ موعودی ویگِتِشه و ویکَردِشه چَمَه سَری کا، اِمی که حِسَه بَویندیرون و دَرَسَه.

رومی کلیسارا نامه 8:28

بَزنیمون کسونی حقی کا که خِدا نَه خِشی نَه و طبق چَیی پیستَه دعوت بَیینه، گِردِ چییِن یَندی نَه چَوون خیریَتی را کار بَکَردین.

دوومین نامه قرنتیانیرا 4:17

چوم که چَمَه اِم روک و زو دَوییَرِن رَنجِن، اَمَه را اَبَدی یَه جلال بواَردی که اَ رَنجون نَه بَرابری نِکَرِه.