یوحنا 15:5 - کتاب مقدس به زبان تالشی شمالی

⁵ «اَز اَنگِرَه رَزیمَه و شِمَه لاخه اِن. کسی که مِنَه بَمَندی و اَز اَیی نَه، اَ هَ کسی اِستَه که وِرَه میوه بواَردی؛ چوم بَه مِن کا جِدا، شِمَه نیمَشایَه هیچ کاری بِکَرَه.

کتاب مقدس به زبان تالشي - گویش مرکزی

⁵ «اَز اَنگِرَ داریمَه و شمَه اِم داری بَشو خالیرون. هر کَمی کن چمن دلَکا بومونِه و اَز چَی دلَکا، بَرکَه میوَ دَرِ؛ اِمی خونِه کن دور از چمن، نینَّشا هیچ کاری کَردِ.

یوحنا 15:5 Iomraidhean Croise

مَتّی 13:21

امّا چوم اِشتَن کا بِنَه نیشَه، فقط روکَتِه دَوام بواَردی. وختی اَ کلامی واسی سختی بَویندی و یا اذیت آزار بَبی، اَلبَحَل ایمانی کا آگَردِه.

یوحنا 12:24

حقیقتن، شِمَه نَه بَواتیم، اَگم گندِمَه دونه خاکی دیلَه کا مَدلَکِه و مَمِرِه، تَنخا بَمَندی؛ امّا اَگم بِمِرِه وِر بار بواَردی.

یوحنا 15:16

شِمَه مِن اِنتخاب کَردَه نیرونَه، بَلکَم اَز شِمَه اِنتخاب کَردَمه و تعیین کَردَمه تا بِشَه و میوه بواَرَه و شِمَه میوه بومونِه، تا هَر چیی دَده کا چِمِن نومی نَه بِپییَه آدَه شِمَه.

یوحنا 5:19

بَس عیسی اَوون نَه واتِشه: «حقیقتن، شِمَه نَه بَواتیم، که زوعَه اِشتَن کا نیمَشا کاری بِکَرِه مَگم کارونی که بَویندی چَیی دَده بَکَردی؛ چوم هَر‌ چِه دَده بَکَردی، زوعَه نی هَتَه بَکَردی.

یوحنا 9:33

اَگم اِم مِرد خِدا طرفی کا مَبی، نیمَشای کاری بِکَری.»

رَسولون اَعمال 4:12

چَیی غِیراز هیچکسی دیلَه کا نِجات نییَه، چوم آسِمونی جیری کا دییَر نومی آدَمون آدوعَه بَه نییَه تا بَیی نَه نِجات پِیدا بِکَرَم.»

رومی کلیسارا نامه 12:5

بَس اَمَه نی که وِریمونَه، مسیح کا ایلَه بَدنیمونَه و گِلَه گِلَه، یَندی اَعضا ایمونَه.

رومی کلیسارا نامه 6:22

امّا حِسَه که شِمَه گناه کا آزاد آبَییرونه و خِدا نوکرون بَییرونه؛ چَیی ثَمر شِمَه را تقدیس بییِه یَه که آخِرسَر اَبَدی یَه زِندگی را خَتم بَبی.

رومی کلیسارا نامه 7:4

اِنتَه نی، اِی چِمِن بِرااِن، شِمَه نی مسیح بَدَنی واسِطه نَه، شریعتی کا مَردیرونه تا ایی نفر دییَری نَه وَصلت بِکَرَه، یعنی اَیینه که مَردَه اون دیلَه کا زِنده آبَه، تا خِدا را ثمر بواَرَم.

اوّلین نامَه قورَنتیانیرا 10:16

مَگم اِم بَرَکتی قَدَرَه که اَیی را شُکر بَکَردیمون، مسیح خونی کا شریک بییِه، نییَه؟ و مَگم اِم نونی که پَلَه بَکَردیمون، مسیح بَدنی کا شَریک بییِه، نییَه؟

اوّلین نامَه قورَنتیانیرا 12:12

چوم هَتَه که بَدَن ایلَه یَه و وِر عضو هِستِشَه؛ و گِردِ بَدنی اَعضا با اِم که وِری نَه، ایلَه بَدنی نَه. مسیح نی هِنتَه یَه.

اوّلین نامَه قورَنتیانیرا 12:27

اِنتَه، شِمَه مسیح بَدَنیرونه و گِلَه بِه گِلَه چَیی اَعضا ایرونه.

دوومین نامه قرنتیانیرا 13:8

چوم که اَمَه نیمَشایَم حقیقتی ضِد هیچ کاری اَنجام بِدییَم، بَلکَم هَر کاری بَکَردیمون حقیقتی رایَه.

دوومین نامه قرنتیانیرا 9:10

اَ کسی که دونه کشاورزی را و نونی هَردِه را آدَه، شِمَه دونه کِشت و کاری را آماده بَکَردی، بَرکت بَدای و شِمَه صالِحی محصولی فَت و فَراوون بِکَردی.

نامه غلاطیَه کلیسارا 5:22

امّا خِدا روح ثَمره، محبت، شادی، صُلح و سلامتی، صَبر، میهرَوونی، چاکی، وفاداری،

نامَه اَفسوسی کلیسارا 5:9

چوم نوری ثمرۀ، هَرجورَه چاکی، راستی و درستی کا پیدا بَبی.

نامَه فیلیپی کلیسا را 1:11

صالِحی ثَمرَه کا پور بِبییَه که عیسایِ مسیح واسطه نَه، خِدا جلال و ستایشی را ختم بَبی.

نامَه فیلیپی کلیسا را 4:13

هَر کاری بَشایم بِکَرِم، چَیی واسطه نَه که مِن قوّت بَدای.

نامَه فیلیپی کلیسا را 4:17

نِه اِم که هدیه ویگِتِه دومله بِبوم، بَلکَم ایلَه ثَمَری دومله ایمَه که شِمَه اِعتباری خِدا وَری کا وِر آکَرِه.

نامَه کُولُسی کلیسا را 1:10

تا شِمَه رفتار، خِداوندی شَئنی کا بِبو و بِشایَه اَیی کاملا خوشحال آکَرَه: هَر چاک کاری کا ثمر بواَرَه و خِدا آزونستِه کا رُشد بِکَرَه

نامَه کُولُسی کلیسا را 1:6

اِنجیلی که شِمَه آرَستَه، هَتَه که دنیا سَرتاسَری کا نی آرَستَه، ثَمره بَدای و وِر آبو، هَتَه که شِمَه دیلَه کا نی، اَ روزی نَه که اَیی دَرَسِرونه و خِدا فیضی حقیقتی کا فَهمِستَرونه، کار کَردَشَه.

یعقوبی نامَه 1:17

هَر چاکَ هدیه ای و هَر کامل هدیه ای آسِمونی کا اِستَه، نورون دَده طرفی کا که چَیی دیلَه کا هیچ تغییری نییَه، و نِه هیچ سایی که تغییری کا به وجود اومَه بِبو.

پطروسی اوّلین نامَه 2:4

بَیی نِزدیک آبییِه نَه، یعنی اَ زِنده سِنگ که مردم اَیی رَد آکَردَشونه، امّا خِدا وَری کا اِنتخاب بَه و با اِرزِشَه،

پطروسی دومین نامه 3:18

بَلکَم چَمَه خِداوند و چَمَه نجات دهنده عیسایِ مسیح آزونِستِه و فیضی کا رُشد بِکَرَه، که حِسَه نَه تا اَبَد اَیی را جلال بِبو! آمین.