یوحنا 15:4 - کتاب مقدس به زبان تالشی شمالی

⁴ بَه مِن کا بومونَه، و اَز نی شِمَه نَه بَمَندیم. هَتَه که لاخه نیمَشا اِشتَن کا میوه بواَرِه اَگم اَنگِرَه رَزی کا مَمونِه، شِمَه نی نیمَشایَه میوه بواَرَه اَگم مِنَه مَمونَه.

کتاب مقدس به زبان تالشي - گویش مرکزی

⁴ چمن دِلَکا بومونَه، و اَز نی شمَه دلَکا بَمَندیم. هَته کن خالَه اَگَم اَنگِرَ داریکا مَمونِه نِیَشا اِشتَنکا میو بوعَرِ، شمَه نی نینّشا میوَ وَردِ اَگَم چمن دلَکا مَمونَه.

یوحنا 15:4 Iomraidhean Croise

مَتّی 12:33

«اَگم چاکه میوه پیستِرونَه، شِمَه دار بَسی سالِم بِبو، آفَتی نَه دار بَدَه میوه بواَردی؛ چوم داری چَیی میوه کا آزونِن.

انجیل لوقا 8:15

امّا دونه اِنی که چاکَ خاکی کا ویبینَه کَسونی اِستینَه که خِدا کلامی دَرَسِن و صاف وصادقَه دیلی نَه محکم اَیی دَچیکِن و صَبری نَه ثمر بواَردین.

یوحنا 14:20

اَ روزی کا، بَزنیرون که اَز دَده دیلَه کا ایمَه و شِمَه چِمِن دیلَه کا و اَز شِمَه دیلَه کا.

یوحنا 17:23

اَز اَوون کا و تِه بَه مِن کا. تا اَوِن نی کاملاً یَکی بِبون تا دنیا بِزونِه که تِه مِن ویسا آکَردَرَه، و اَوون نَه هَتَه خِشیش که مِنَه خِشیش.

یوحنا 6:56

کسی که چِمِن بَدنی بَردی و چِمِن خونی بِنتی، بَه مِن کا ساکن بَبی و از اَیی کا.

یوحنا 8:31

دومله عیسی یهودیونی نَه که اَیی ایمان وَردَشون بَه، واتِشه: «اَگَم چِمِن کلامی کا بومونَه، واقعا چِمِن شاگردی رونَه.

رَسولون اَعمال 11:23

وختی بَرنابا آرَستَه اوآ و خِدا فیضی ویندِشه، شاد آبَه و گِردی تشویق کَردِشه تا تَمونِ جان و دیلی نَه خِداوندی وفادار بِبون،

رَسولون اَعمال 14:22

اَ شَهرون کا شاگِردون جانی قوّت دوشونَه، و اَوون تَشویق کَردِشونَه که اِشتَن ایمانی کا بومونِن و اَوون نصیحت کَردِشونَه که: «بَسی بَرکَ سختیون تاو بواَرَم تا خِدا پاُتشایی دیلَه دَشییَم.»

دوومین نامه قرنتیانیرا 13:5

اِشتَن مَحَک بِژَنَه، تا بِوینه که ایمان هِستِرونه یا نِه. اِشتَن آزمایش بِکَرَه. یا مَگم اِمی نِفهمَه که عیسایِ مسیح شِمَه دیلَه کا یَه؟ مَگم اِم که اِم آزمایشی کا رُفوزَه آبییَه!

نامه غلاطیَه کلیسارا 2:20

از مسیح نَه صلیبی سَری کا مصلوب بیمَه، و اِم دِ از نیمَه که زِندگی بَکَردیم، بَلکَم مسیح اِستَه که چِمِن دیلَه کا زندگی بَکَردی؛ و اِم زِندگی که حِسَه جِسمی کا بَکَردیم، خِدا زوعَه ایمانی نه یَه که مِنَه خِش بَه و اِشتَن جانی چِمن واسی فیدا کَردِشه.

نامَه اَفسوسی کلیسارا 3:17

تا ایمانی واسطه نَه، مسیح شِمَه دیلون دیلَه کا بومونِه و محبتی کا بِنَه بِژَنَه، پابَرجا بِبییَه،

نامَه فیلیپی کلیسا را 1:11

صالِحی ثَمرَه کا پور بِبییَه که عیسایِ مسیح واسطه نَه، خِدا جلال و ستایشی را ختم بَبی.

نامَه کُولُسی کلیسا را 1:23

بِه شرطی که راس راسی شِمَه ایمانی کا قُرص و پابَرجا بومونه و اَ اِنجیلی اُمیدی کا تَکان مَرَه. اِم هَ اِنجیلی یَه که گِردِ خِلقتی را آسِمونی جیری کا اِعلام بَه، و اَز، پولُس، چَیی خادم بَییمَه.

نامَه کُولُسی کلیسا را 1:27

خِدا اِنتَه پیستِشَه که اَوِن آزونِن که اِم سِرّ غیریهودیون دیلَه کا، چِه بَرکَ جلالی هِستِشه. اَ سِرّ اِمَه که مَسیح شِمَه دیلَه کا جلالی اُمیدَه.

نامَه کُولُسی کلیسا را 2:6

بَس هَتَه که مسیحْ عیسایِ خِداوَندی قبول کَردَرونه، اَیی کا زِندگی بِکَرَه؛

اوّلین نامَه تَسالونیکی کلیسا را 3:5

اِمی واسی، چوم دِ نِشاستِمَه تاو بواَرَم، تیموتائوسی ویسا آکَردِمه تا شِمَه ایمانی کا خَوَر دار بِبوم، چوم تَرسیم که اَ وسوسه‌گَر یعنی اِبلیس، ایجوری شِمَه وسوسه بِکَرِه، و چَمَه زَحمتِن هَدَر شَه بِبو.

نامَه، عِبرانیه نَتاجَه مسیحیونرا 10:39

امّا اَمَه کَسونی کا نیمونَه که آگردِن و هَلاک بَبین، بَلکَم کسونی کا ایمونَه که ایمان هِستِشونَه و اِشتَن جانی حفظ بَکَردین.

یوحنا اوّلین نامَه 2:6

اَ کسی که بَواتی اَیی کا بَمَندی، بَسی هَتَه زندگی بِکَرِه که عیسی زندگی بَکَردی.

یوحنا دوّمین نامَه 1:9

هَر کسی که مسیح تعلیمی کا پیشتَر بِشو و چَیی دیلَه کا ثابت مَمونه، خِدا نیشه، هَر کسی که اَ تعلیمی کا ثابت بَمَندی، هَم دَده هِستِشه و هَم زوعَه.