یوحنا 14:9 - کتاب مقدس به زبان تالشی شمالی

⁹ عیسی اَیی نَه واتِشه: «فیلیپُس، خَیلی وختَه از شِمَه نَه اِستیمَه و حَلا مِن آنِزونی؟ کسی که مِن ویندَشه، آسِمونی یَه دَده ویندَشَه؛ بَس چِنتَه یَه که بَواتیش ”آسِمونی یَه دَده بَمون نیشون بِدَه“؟

کتاب مقدس به زبان تالشي - گویش مرکزی

⁹ عیسی بَی واتِش: «فیلیپُس، خَیلی وَقته کن شمنَه دَرِ ایمهَ و تِه هَنوزَنی بَمن آزنِستَر نیَه؟ هَر کَم کن بَمن ویندشَه، آستامونیهَ دَدَ نی ویندَشه؛ تِه چِنتَرَ بَشاشَه واتِه ”آستامونیَه دَدَ اَمه آمون“؟

یوحنا 14:9 Iomraidhean Croise

مَرقُس 9:19

عیسی جَواو دوشَه: «اِی بی‌ ایمانَ نسل، تا کَینی بَسی شِمَه نَه بِبوم؟ تا کَینی بَسی شِمَه تاو بواَرم؟ اَئی بوعَرَه چِمِن وَر.»

انجیل لوقا 12:56

اِی دِ دیمِن! شِمَه چاک بَزنیرون چِنتَه زَمین و آسِمونی وضعیتی تعبیر بِکَرَه، امّا چیرا نیمَزنَه چِنتَه اِم زمانی تعبیر بِکَرَه؟

یوحنا 1:14

و کَلمه، اِنسان آبَه و چَمَه دیلَه کا ساکن آبَه. اَمَه چَیی شکوه و جلالی ویندِمونَه، شکوه و جلالی که اَ زوعَه یِ یِگانه شَئنی کایَه، که دَده طرفی نَه اومَه، فیض و حقیقتی نَه پُور.

یوحنا 10:30

اَز و دَده یَکی ایمونَه.»

یوحنا 12:45

هر کسی مِن بَویندی، چِمِن ویسا آکَردَه بَویندی.

یوحنا 14:20

اَ روزی کا، بَزنیرون که اَز دَده دیلَه کا ایمَه و شِمَه چِمِن دیلَه کا و اَز شِمَه دیلَه کا.

یوحنا 14:7

اَگم مِن آزونیرون، چِمِن دَده نی آزونیرون؛ امّا چِمی پَش اَیی آزونَه و اَیی ویندَرونَه.»

یوحنا 8:19

بَس اَوِن عیسی نَه واتِشونَه: «اِشتِه دَده کییاره؟» عیسی جَواو دوشَه: «شِمَه نِه مِن آزونَه و نِه چِمِن دَده. اَگم مِن آزونیرون چِمِن دَده نی آزونیرون.»

اوّلین نامَه قورَنتیانیرا 15:12

حِسَه اَگم اِعلام بَبی که مسیح مَردَه اون دیلَه کا زِنده آبییَه، چِنتَه یَه که بعضی شِمَه کا بَواتیرون مَردَه اِن زِنده آنِبون؟

نامَه فیلیپی کلیسا را 2:6

اَ که هَر چَن خِدا نَه هَم شِکل بَه، دِ دَسی دَنِچیکیستَه خِدا نَه برابر بییِه،

نامَه کُولُسی کلیسا را 1:15

اَ، خِدایی دیمَه که نییَب ویندِه، اوّلین خِردَن، گِردِ خلقتی کا پیشتر و کَفاتَر.

نامَه، عِبرانیه نَتاجَه مسیحیونرا 1:3

اَ، خِدا جَلالی نورَه و چَیی ذاتی تمام کمالَ نَخشَه، و اَ گِردِ چیون اِشتَن کلامی قوتی نَه پابَرجا غَم بَردی. اَ، گناه اون پاک آکَردِه بِه دومله، اَ کسی راستَ دَسی کا که با عظمتَه و عَرش بَرینی دیلَه کا، نِشتَه.

یوحنا اوّلین نامَه 5:20

هِنته نی بَزنیمون که خدا زوعَه اومَه و بَمون فهم آدوعَشه تا اَیی که حقیقتَه آزونَم، و اَمَه اَیی کا ایمونه که حقیقتَه، یعنی چَیی زوعَه، عیسی مسیح کا. اَ، خِدای حقیقی و اَبَدی یَه زندگی اِستَه.