یوحنا 13:8 - کتاب مقدس به زبان تالشی شمالی

⁸ پطرس اَیی نَه واتِشه: «چِمِن پایون هَرگز نِشوری!» عیسی جَواو دوشَه: «اَگم تِه مَشورِم چَمَه رابطه قطع آبو.»

کتاب مقدس به زبان تالشي - گویش مرکزی

⁸ پِطروس عیساش واتَه: «اَز هیچ موقه نِمَشت کن تِه چمن لنگون بوشوری!» عیسی جواب داشَه: «اَگَم بَتِه مَشورم هیچ رَسَتی بَمِنَه نِداری!»

یوحنا 13:8 Iomraidhean Croise

مَتّی 16:22

پطرس، عیسی بَردِشه کناری را و اَییرا زِرَه گِتِشه و واتِشه: «بَه تِه کا بِه دور بِبو آقا! هرگز اِنتَه رَه چیی اِشتِه سَر ما.»

مَتّی 21:29

اَ زوعَه جَواو دوشَه: ”اَز نِشوم.“ امّا دومله پشیمون آبَه و شَه.

مَتّی 26:33

پطرس جَواو دوشَه: «حتی اَگم گِرد تِه تَنخا بَرزِن، اَز هَرگز تِه تَنخا نییَرزِم.»

مَتّی 26:35

پطرس واتِشه: «حتی اَگم لازم بِبو تِنَه بِمِرِم، تِه هاشا نِکَرِم.» بقیه شاگِردِن نی هِمی واتِشونَه.

یوحنا 13:6

وختی آرَستَه شَمعون پطرسی، پطرس، عیسی نَه واتِشه: «آقا، تِه چِمِن پا بوشوری؟»

یوحنا 13:9

بَس شَمعون پطرس واتِشه: «آقا، نِه فقط چِمِن پایون، بَلکَم چِمِن دَسون و چِمِن سَری نی بوشور!»

یوحنا 3:5

عیسی جَواو دوشَه: «حقیقتن، تِنَه بَواتیم، تا کسی آو و خِدا روح کا دنیا ما، نیمَشا خِدا پاُتشایی دیلَه دَشو.

رَسولون اَعمال 22:16

حِسَه چِه چیی منتظریش؟ پِرِز و چَیی نومی دَخون و غُسل تعمید بِگه، اِشتِه گناه اون کا پاک آبو!“

اوّلین نامَه قورَنتیانیرا 6:11

بعضی شِمَه کا پیشتری اِنتَه بیرونه. امّا عیسایِ مسیحِ خِداوندی نومی کا و چَمَه خِدا روح واسطه نَه شوشتَه بیرونه، تقدیس بیرونَه و صالح حساب بَییرونَه.

نامَه اَفسوسی کلیسارا 5:26

تا اَیی خِدا کلامی آوی نَه پاک آکَرِه و اِنتَه کلیسا تقدیس بِکَرِه،

نامَه کُولُسی کلیسا را 2:18

مَرزَه کسی شِمَه محروم بِکَرِه اِم اِصراری نَه که بَدنی بَسی چاک غَم هَردِه و ملائیکه اون پرستش کَردِه. اِنتَه رَه آدَمی فقط اِشتَن خَیالاتی تَکیه بَکَردی و بی اِمکه دلیلی بِدارِه اِشتَن پوچَ فیکرون نَه مغرور بَبی.

نامَه کُولُسی کلیسا را 2:23

هَر چَن که اِشتَن وَج آکَردَه دینی کا و بَدنی ریاضت و بَدنی سختگیری کا گف ژَنَه، حکیمونه بِه نظر بومَی، امّا اِمِن اِمی واسی که هَواهَوسی پیشی بِگِرِن، هیچ کاری چَوون دَسی کا بَر نا.

نامَه تیتوسیرا 3:5

اَ اَمَه نجات دوشَه. اِم نجات نِه چَمَه چاکَه کارونی واسی که صالِحی کا کَردَمون بَه، بَلکَم اِشتَن رَحمتی واسی، و اَ شوشتِه ای راه کا بَه که چَیی واسطه نَه روح القدوس اَمَه تولد تازه و تازه زندگی آدوعَشَه،

نامَه، عِبرانیه نَتاجَه مسیحیونرا 10:22

بایَه صِدق دیلی نَه و کاملَه ایمانی نَه بِه خِدا نِزدیک آبییَم، و چَمَه دیلون بَدَه وِجدانی کا پاک آکَرَم و چَمَه بَدنی پاکَ آوی نَه بوشورَم.

یوحنا موکاشیفَه 1:5

و عیسایِ مسیح طرفی کا، اَ وفادارَه شاهِد و اوّلین کسی که مَردَه اون دیلَه کا زِنده آبَه و پاُتشااون حاکِم، زمینی سَری کا. اَ که اَمَه نَه خِشَه و اِشتَن خونی نَه، اَمَه چَمَه گناه اون کا رَهایی دوشَه،

یوحنا موکاشیفَه 7:14

از جَواو دومَه: «اِی آقا، اِمی تِه بَزنیش.» و اَ مِنَه واتِشَه: «اِمِن هَ کسونی اِستینَه که اَ یالَ عذابی کا دوییَردَه اینَه و اِشتَن اَبااون وَرَه خونی دیلَه کا شوشتَشونَه و ایسبی آکَردَشونَه.