یوحنا 13:5 - کتاب مقدس به زبان تالشی شمالی

⁵ دومله لَگنی کا آو دَکَردِشه و دَمَنده شاگِردون پایون شوشتِه و اَ حوله‌ای نَه که اِشتَن کمری کا دَوستَش بَه چَوون پایون خِشک آکَردِشَه.

کتاب مقدس به زبان تالشي - گویش مرکزی

⁵ اَموقه لَگَنییکا آو دَکَردِشَه و دَمندَ شاگردون لنگون شوشتِه واَ حولَه اینه کن مینیکا دَبَستَش بَه اَوون خِشک آکَردِش.

یوحنا 13:5 Iomraidhean Croise

انجیل لوقا 7:38

و عیسی پِشتی کا، چَیی پا اون وَری کا مَنده و داد بَکَردی. اَ موقع اِسرگَ چِلَه اون نَه دَمَندَه عیسی پا اون شوشته و اِشتَن گیسه اون نَه اَوون خِشک آکَردِشه. دومله عیسی پا اون ماچ کَردِشه و عطر ژَندِشه.

انجیل لوقا 7:44

و دومله آگَردِستَه اَ ژِنی طرفی را و شمعونی نَه واتِشه: «اِم ژِنی بَویندیش؟ اَز اومیمَه اِشتِه کَ، تِه چِمِن پایون شوشتِه را آو نِوَردِره، امّا اِم ژِن چِمِن پااون اِشتَن چِمی اِسِرگی نَه شوشتِشه و اِشتَن گیسه اون نَه خِشک آكَردِشه!

یوحنا 13:10

عیسی اَیی نَه واتِشه: «اَ کسی که حَموم کَردَشه چَیی پا اون غِیِراز جِگایی شوشتِه اِحتیاج نیشَه، چوم که سَرتاپا پاکَه. شِمَه نی پاکیرونَه امّا نِه گِردِ شِمَه.»

یوحنا 13:6

وختی آرَستَه شَمعون پطرسی، پطرس، عیسی نَه واتِشه: «آقا، تِه چِمِن پا بوشوری؟»

یوحنا 13:8

پطرس اَیی نَه واتِشه: «چِمِن پایون هَرگز نِشوری!» عیسی جَواو دوشَه: «اَگم تِه مَشورِم چَمَه رابطه قطع آبو.»

یوحنا 19:34

امّا ایلَه اَ سَربازون کا ایلَه نیزَه‌ای چَیی تَکی کا ویخاستِشه که اَلبَحَل خون و آو چَیی تَکی کا بِرون اومَه.

رَسولون اَعمال 22:16

حِسَه چِه چیی منتظریش؟ پِرِز و چَیی نومی دَخون و غُسل تعمید بِگه، اِشتِه گناه اون کا پاک آبو!“

اوّلین نامَه قورَنتیانیرا 6:11

بعضی شِمَه کا پیشتری اِنتَه بیرونه. امّا عیسایِ مسیحِ خِداوندی نومی کا و چَمَه خِدا روح واسطه نَه شوشتَه بیرونه، تقدیس بیرونَه و صالح حساب بَییرونَه.

نامَه اَفسوسی کلیسارا 5:26

تا اَیی خِدا کلامی آوی نَه پاک آکَرِه و اِنتَه کلیسا تقدیس بِکَرِه،

اوّلین نامَه تیموتائوسیرا 5:10

و چاکَه کارون اَنجام دوعِه را معروف بِبو، یعنی: اِشتَن خِردَنون یال آکَردَش بِبو، غریبنواز بِبو، مقدّسون پایون شوشتَش بِبو، و دَردمَندون ویرا بِبو، و اِشتَن وقف هَر جورَه چاکه کار کَردشون بِبو.

نامَه، عِبرانیه نَتاجَه مسیحیونرا 10:22

بایَه صِدق دیلی نَه و کاملَه ایمانی نَه بِه خِدا نِزدیک آبییَم، و چَمَه دیلون بَدَه وِجدانی کا پاک آکَرَم و چَمَه بَدنی پاکَ آوی نَه بوشورَم.

یوحنا اوّلین نامَه 1:7

امّا اَگم نوری کا زندگی بِکَرَم، هَتَه که خِدا نوری دیلَه کا یَه، یَندی نَه رَفاقَت اِستِمونه و چَیی زوعَه، عیسی خون، اَمَه گِردِ گناه اون کا پاک آکَرِه.

یوحنا اوّلین نامَه 5:6

اَ هَ کسی یَه که آو و خونی نَه اومَه، یعنی عیسایِ مسیح. نِه فقط آوی نَه، بَلکَم آو و خونی نَه؛ و خِدا روح اِستَه که شهادتی بَدای، چوم خِدا روح، حَقیقتَه.

یوحنا موکاشیفَه 1:5

و عیسایِ مسیح طرفی کا، اَ وفادارَه شاهِد و اوّلین کسی که مَردَه اون دیلَه کا زِنده آبَه و پاُتشااون حاکِم، زمینی سَری کا. اَ که اَمَه نَه خِشَه و اِشتَن خونی نَه، اَمَه چَمَه گناه اون کا رَهایی دوشَه،

یوحنا موکاشیفَه 7:14

از جَواو دومَه: «اِی آقا، اِمی تِه بَزنیش.» و اَ مِنَه واتِشَه: «اِمِن هَ کسونی اِستینَه که اَ یالَ عذابی کا دوییَردَه اینَه و اِشتَن اَبااون وَرَه خونی دیلَه کا شوشتَشونَه و ایسبی آکَردَشونَه.