یوحنا 13:1 - کتاب مقدس به زبان تالشی شمالی

¹ پِسَخ عیدی پیش، عیسی که بَزنی چَیی وخت آرَستَه تا اِم دنیا کا بِشو دَده وَر، اِشتَن شاگِردون که اِم دنیا کا اَوون نَه خِش بَه، بَرک محبت کَردِشه.

کتاب مقدس به زبان تالشي - گویش مرکزی

¹ پِسَخَه عیدی بَه نَ، وقتی عیسی سَر آگِنَه کن چَی وَقت آرَستَیَه تا اِم دِنیا کا دَدَ ور بشو، اَیِنی کن اِم دنیاکا رَی داری، برکَه موحبَت کَردشَه.

یوحنا 13:1 Iomraidhean Croise

مَتّی 26:45

دومله، آگَردَه شاگِردون وَر و اَوون نَه واتِشه: «حَلا خِتیرونَه و اِستراحت بَکَردیرون؟ دَیِسه اَ ساعت مقَرر نِزدیک آبَه و اِنسانی زوعَه، آدَن گناه کارون دَس.

مَتّی 28:20

و اَوون تعلیم بِدییَه که هَر چیی که شِمَه فرمان دوعَمَه، اَنجام بِدَن. دَیِسَه، اَز تا آخِر زمان، هَمش شِمَه هَمراه ایمَه!»

انجیل لوقا 22:53

اَ موقع که اَز هَر روز معبدی کا شِمَه نَه بیمَه، شِمَه مِن دَس نِژَندِرونَه. امّا حِسَه شِمَه وختَه، تاریکی قدرتی وخت.»

انجیل لوقا 9:51

وختی اَ موقعی نِزدیک آبَه که عیسی بَردَه بِبو آسِمونی را، عیسی راه دَلَکه اورشَلیمی طَرفی را.

یوحنا 11:55

وختی یهودیون پِسَخ عید نِزدیک آبَه، وِرَه گروهی جور بَه جوره جِگااون کا پیش اَز عید شینَه اورشلیمی شهری را تا پیش اَز اِم که پِسَخ عید شروع بِبو پاکی رَسم و رسوماتی اَنجام بِدَن.

یوحنا 12:23

عیسی اَوون نَه واتِشه: «اِنسانی زوعَه، مَردِه و زِندَه آبییِه وخت آرَستَه.

یوحنا 13:29

بعضی خَیال کَردِشونَه که چوم، گروه خرجی پول کیسه یهودا دَسی کا بَه، عیسی اَیی نَه بَواتی چییونی که عیدی را لازم دارَم بِخِرِه، یا اِم که چیی آدَه فَقیرون.

یوحنا 13:3

عیسی که بَزنی دَده گِردِ چییون بَیی دَسپردَشه و اِم که خِدا وَری نَه اومَه و آگَردِه چَیی وَر،

یوحنا 13:34

ایلَه تازه حُکمی آدَم شِمَه، و اَ اِمَه که یَندی نَه خِش بِبییَه. هَتَه که اَز شِمَه نَه خِش بیمَه، شِمَه نی بَسی یَندی نَه خِش بِبییَه.

یوحنا 14:28

دَرَسِرونَه که شِمَه نَه واتِمَه، ”اَز بَشیم، و هَنی بومَیم شِمَه وَر.“ اَگم مِنَه خِش بیرون، شاد بَبیرون که بَشیم دَده وَر، چوم که دَده مِن کا یالتَرَه.

یوحنا 14:31

امّا اَز اَ کاری بَکَردیم که دَده مِن فرمان دوعَشَه، تا دنیا بِزونِه که اَز دَده نَه خِشیمَه. پِرِزَه، اییا نَه بِشَم.

یوحنا 16:28

اَز دَده وَری نَه اومَیمَه و اومَیمَه اِم دنیا دیلَه؛ و حِسَه اِم دنیا تَرک بَکَردیم و بَشیم دَده وَر.»

یوحنا 17:1

اِم گَفون پَش، عیسی آسِمونی دَیشتَه و واتِشه: «دَده، اَ وخت آرَستَه. اِشتِه زوعَه جلال بِدَه تا اِشتِه زوعَه نی تِه جلال بِدَه.

یوحنا 17:16

اَوِن اِم دنیا شِن نینَه، هَتَه که اَز نی اِم دنیا شِن نیمَه.

یوحنا 17:26

اَز اِشتِه نومی اَوون آزونِستَمَه و هَنی آزونِم، تا اَ محبتی که تِه بَه مِن کَردَرَه، اَوون کا نی بِبو و اَز نی اَوون کا بِبوم.»

یوحنا 17:5

بَس حِسَه تِه اِی دَده، مِن اِشتِه حضوری کا جلال بِدَه، بِه جلالی که پیش اَز اِم که دنیا بِه وجود با بَه تِنَه داریم.

یوحنا 18:4

عیسی، با اِم که گِرد چییونی که چَیی سَر بومَی بَزنی، شَه پیش و اَوون نَه واتِشه: «چیکی دومله گَردَه؟»

یوحنا 19:28

چَیی پَش عیسی که بَزنی گِرد چییِن تمون آبَیینَه، اِمی واسی که مقدّس نیویشته اون پیشگویی اِتِفاق دَلَکه، واتِشه: «تِشیرمَه.»

یوحنا 2:13

یهودیون پِسخَ عید نِزدیک بَه و عیسی شَه اورشلیمی شهری را.

یوحنا 6:4

یهودییون پِسخَ عید نِزدیک بَه.

یوحنا 7:30

بَس اَوِن پیستِشونَه عیسی دستگیر بِکَرِن، امّا هیچکس اَییرا دَس دِراز آنِکَردِشه، چوم چَیی وخت حَلا آرَستَه نِبَه.

یوحنا 7:6

پس عیسی اَوون نَه واتِشه: «چِمِن وخت حَلا آرَستَه نی، امّا شِمَه را هَر موقع مناسِبه.

یوحنا 8:20

عیسی اِم گفون اَ موقع که معبدی خزانَه کا تعلیم بَدای، بَواتی. امّا هیچکس اَیی دستگیر نِکَردِشه، چوم چَیی وخت حَلا آرَستَه نِبَه.

رومی کلیسارا نامه 8:37

نِه، گِردِ اِم کارون کا اَمَه کسونی کا که پیروزی نَه سَرتریمونه، چَیی واسطه نَه که اَمَه محبت کَردِشه.

اوّلین نامَه قورَنتیانیرا 1:8

اَ، تا آخِر شِمَه پابَرجا غَم بَردی، تا چَمَه خِداوند عیسایِ مسیح روزی کا بی تقصیر بِبییَه.

نامَه، عِبرانیه نَتاجَه مسیحیونرا 3:14

چوم که اَمَه مَسیح دیلَه کا شریک بَییمونَه، اَگم راس راسی اِطمینانی که اوّلی کا داریمون تا آخِر مُحکم غَم بَرَم.

نامَه، عِبرانیه نَتاجَه مسیحیونرا 3:6

امّا مَسیح، ایلَه زوعَه ایی شیوار خِدا کَ را وفادارَه، اَمَه چَیی کَ ایمونَه، اَگم راس راسی چَمَه اِطمینان و اِفتخاری، چَمَه اُمیدی کا مُحکم غَم بَرَم.

نامَه، عِبرانیه نَتاجَه مسیحیونرا 6:11

چَمَه آرزو اِمَه که هَر‌ کمیله شِمَه کا تا آخِر هَ غیرتی نیشون بِدییَه تا شِمَه اُمید تمام کمال آشکار آبو.

پطروسی اوّلین نامَه 1:13

بَس شِمَه فیکرون آمادَه آکَرَه عمل کَردِه را، شِمَه هَواس جمع بِبو، و شِمَه امید تمام کمال اَ فیضی کا بِبو که عیسایِ مسیح ظهوری موقع شِمَه آدوعه بَبی.

یوحنا اوّلین نامَه 4:19

اَمَه محبت بَکَردیمون چوم اوّل اَ، بَمون محبت کَردِشه.

یوحنا موکاشیفَه 1:5

و عیسایِ مسیح طرفی کا، اَ وفادارَه شاهِد و اوّلین کسی که مَردَه اون دیلَه کا زِنده آبَه و پاُتشااون حاکِم، زمینی سَری کا. اَ که اَمَه نَه خِشَه و اِشتَن خونی نَه، اَمَه چَمَه گناه اون کا رَهایی دوشَه،