یوحنا 12:5 - کتاب مقدس به زبان تالشی شمالی

⁵ «چیرا اَمَه اِم عطری ایلَه کارگری سیصد روزی مُزدی قَدر نِخرَتِمونَه و چَیی پولی فَقیرون آنِدومونَه؟»

کتاب مقدس به زبان تالشي - گویش مرکزی

⁵ «چیرا اِم عطری سیصَد دیناریرا نِخِرَتونه تا چَی پولی گیدَلیون آدَرَ؟»

یوحنا 12:5 Iomraidhean Croise

مَتّی 18:28

امّا وختی هَ نوکَر، شَه بِرون، ایلَه اِشتَن هَمکاری اوآکا ویندِشه كه صد دینار که ایلَه کاریگری سِه مانگی دَسمزدی قَدَر بَه، اَیی کا طلبِش اِستبَه. بَس اَئی گِتِشه و اِشتَن دَسی نَه چَیی لوکی فِشار دوشَه، واتِشه: ”اِشتِه قَرضی آدَه!“

مَتّی 20:2

باغَ صاحیب، کاریگرون نَه طِی کَردِشه که روزی ایی دینار که ایلَه کاریگری ایی روزی دَسمزد بَه، آدَه هَر کمیله اَوون. دومله اَوون ویسا آکَردِشه اِشتَن اَنگِرَه باغی را.

انجیل لوقا 12:33

اَ چیی که هِستِرونَه بِخرَشه و آدییَه فَقیرون؛ شِمَه را کیسه اونی وَج آکَرَه که پوستَه نییَب، و آسِمونی کا گنجی ذخیره بِکَرَه که تمون آنییَب، جِگایی که نِه دِزد بومَی و نِه پِت ژَنه.

انجیل لوقا 18:22

عیسی وختی اِمی دَرَسِشَه، اَ مِردی نَه واتِشه: «حَلا ایی چی کَم داری؛ هَر چِه هِستِره بِخرَش و چَیی پولی فَقیرون دیلَه کا تقسیم بِکَه، کِه آسِمونی کا گنج داری. دومله بِری و بَه مِن کا پِیرَوی بِکَه.»

انجیل لوقا 6:41

«چیرا پوشه ای که اِشتِه بِرا چِمی دیلَه کا دَری یَه بَویندیش، ولی اَ دارَه کُنده ای که اِشتِه چِمی دیلَه کا دَری یَه نِوینی؟

یوحنا 12:4

امّا یهودا اِسْخَریوط، عیسی ایلَه شاگِردون کا، که دومله بَیی خیانت کَردِشه، واتِشه:

یوحنا 12:6

یهودا اِمی واتِشه نِه اِمی واسی که فَقیرون فیکری کا بَه، بَلکَم اِمی واسی بَواتی که دِزد بَه؛ گروه خرجی پوله کیسه چَیی وَری کا بَه و یهودا اَ پولی کا اِشترا نی پِگِری.

یوحنا 13:29

بعضی خَیال کَردِشونَه که چوم، گروه خرجی پول کیسه یهودا دَسی کا بَه، عیسی اَیی نَه بَواتی چییونی که عیدی را لازم دارَم بِخِرِه، یا اِم که چیی آدَه فَقیرون.

یوحنا 6:7

فیلیپُس جَواو دوشَه: «ایلَه کاریگری شیش مانگی مُزدی قدر نی نون بِخِرَم، چَوون را وَس نییَه، حتی اَگم هَر ایی نفر فقط ایی پَله بَرِن.»