یوحنا 10:16 - کتاب مقدس به زبان تالشی شمالی

¹⁶ اَز دییَر گوسَندونی هِستِمَه که اِم طَوله شِن نینَه. اَوون نی بَسی بواَرِم و اَوِن نی چِمِن سَسی گوش بَداین. اَ موقع ایلَه رَمَه بَبین ایلَه شوونَه نَه.

کتاب مقدس به زبان تالشي - گویش مرکزی

¹⁶ دییَرَ پَسِنی دارم کن اِم گاچیکا نینَّه. اَوون نی پی بوعَرم و اَیِن چمن سَسی گوش آنَّدا. اَموقه اَیِن ایلَه رَمه آنَّب، ایلَه شونه نَه.

یوحنا 10:16 Iomraidhean Croise

مَتّی 17:5

پِطرسی گَف حَلا تمون آبَه نِبَه كه ایلَه خِری چَوون سَری کا سا دَرَفَندِشه که شَفَق ژَنی و خِری کا سَسی اومَه که بَواتی: «اِم چِمِن عزیزَه زوعَه یَه كه از اَیی کا وِر راضی ایمه؛ چَیی گفون گوش بِدییَه.»

انجیل لوقا 15:8

«و یا اَگم ایلَه ژِنی دَه گِله نقره سِکه بِدارِه و ایلَه اَ سِکه اون کا ژون آکَرِه، بَگم ایلَه چِرایی روشون آنِکَرِه و کَ گِزِه نِژَنِه و تا وختی که اَیی مَتلَفه دِقّتی نَه چَیی دومله نِگَردِه؟

یوحنا 10:11

«اَز چاکَه شوونَه ایمَه. چاکَه شوونَه اِشتَن جانی گوسَندون راه کا بَنای.

یوحنا 10:2

امّا اَ کسی که بَری با دیلَه، گوسَندون شوونَه یَه.

یوحنا 10:27

چِمِن گوسَندِن چمِن سَسی دَرَسِن؛ اَز اَوون آزونِم و اَوِن چِمِن دومله بومَین.

یوحنا 10:3

بَره پا، بَری اَیی را آکَرِه و گوسَندِن چَیی سَسی دَرَسِن؛ اَ اِشتَن گوسَندون نومی نَه دَخونه، و اَوون بِرون بَبَردی.

یوحنا 10:4

وختی اِشتَن گوسَندون گِردی بِرون بِبَرِه، چَوون نارناره بَشی و گوسَندِن چَیی دومله بَشین، چوم چَیی سَسی آزونِن.

یوحنا 10:5

گوسندِن غریبه دومله نِشون، بَلکَم اَیی کا دَوَزِن، چوم غریبه اون سَسی آنِزونِن.»

یوحنا 11:52

و نِه فقط میلّتی را، بَلَکم خِدا خِردَنون نی که دنیا کا پخش و پَلایی نَه جَمع آکَرِه.

یوحنا 17:20

«چِمِن پیستَه فقط اِمون را نییَه، بَلکَم هِنتَه، کَسونی را اِستَه که چَوون پیغومی واسطه نَه بَه مِن ایمان بواَردین،

یوحنا 6:37

گِرد کسونی که دَده بَه مِن بِبَخشه، بومَین چِمن وَر؛ و اَ کسی که بومَی چِمِن وَر، اَیی هَرگز بَنِرکَرِم.

رَسولون اَعمال 15:14

شَمعونِ پطرس واتِشه که چِنتَه خِدا اوّلین کَرَه غِیریهودیون لطف کَردَشه، و چَوون دیلَه کا اِشتَن نومی را ایلَه قومی اِنتخاب کَردَشه.

رَسولون اَعمال 18:10

چوم اَز بَه تِنه ایمَه و هیچکس نیمَشا بَه تِن هُجوم بواَرَه تا اِشتِه سَر بَلایی بواَرِه، چوم که از اِم شهری کا وِرَه آدَمونی هِستِمَه.»

رَسولون اَعمال 22:14

«حنانیا واتِشه: ”چَمَه اَجدادی خِدا تِه اِنتخاب کَردِشه تا چَیی اِراده بِزونی و اَ صالحی بِوینی و چَیی گَ کا گَفونی دَرَسی.

رومی کلیسارا نامه 11:25

اِی بِرااِن، نِپیستِمه اِم سِرّی کا بیخَوَر بِبییَه- نَبادا اِشتَن دانا بِزونَه- که دیل سختی بعضی اِسرائیلی یون سَری کا حُکمفرما بییَه، تا کسونی تعداد که قَرارَه غیریهودیون دیلَه کا بِه مسیح ایمان بواَرِن کامِل آبو.

دوّمین نامَه تَسالونیکی کلیسا را 2:13

امّا اِی بِرااِنی که خِدا را عزیز گِرامی ایرونه، اَمَه بَسی همیشه خِدا شِمَه واسی شُکر بِکَرَم، چوم خِدا شِمَه نوبری شیوار اِنتخاب کَردِشه که نجات پیدا بِکَرَه، اَ تقدیسی واسطه نَه که خِدا روح نَه اَنجام بَبی و حقیقتی ایمان داشتِه نَه.

نامَه، عِبرانیه نَتاجَه مسیحیونرا 13:20

حِسَه که خِدای صُلح و سلامتی اَ اَبَدی یَه خونی عهدی واسطه نَه، چَمَه خِداوند عیسی مَردَه اون دیلَه کا زِنده آکَردِشه، یعنی گوسَندون یالَ شوونَه،

پطروسی اوّلین نامَه 2:10

چِمی پیش مردمی نِبیرونَه، امّا حِسَه خِدا مردمی رونَه؛ زمانی خدا رحمتی کا محروم بیرونَه، امّا حِسَه خِدا رحمتی ویگتَرونَه.

پطروسی اوّلین نامَه 2:25

چوم که شِمَه گوسَندونی شیوار بیرونَه که اِشتَن راه ژون آکَردَشون بَه، امّا حِسَه آگَردِستَه ایرونَه شِمَه شوونَه و جانون ناظری طرفی را.

پطروسی اوّلین نامَه 5:4

و اَ وختی که شوونَه اون رئیس ظهور بِکَرِه، اَ تاج جلالی که از بِین نِشو، بِه دَس بواَردیرون.

یوحنا موکاشیفَه 3:20

دَیِس، از بَری پِشتی کا مَندیمَه و کارا بَر ژَنِم. اَگم کسی چِمِن سَسی دَرَسِه و بَری چِمن دیمی کا آکَرِه، بومَیم دیلَه و اَیی نَه سور بَردیم و اَ نی مِنَه.