یوحنا 10:1 - کتاب مقدس به زبان تالشی شمالی

¹ «حقیقتن، شِمَه نَه بَواتیم، اَ کسی که بَری نَه ما گوسَندون طوله دیلَه، بَلکَم حَصاری نَه پِشو کَفا که ایلَه دییَر رایی نَه با دیلَه، دِزد و راهزنَه.

کتاب مقدس به زبان تالشي - گویش مرکزی

¹ «حییقتا بَه شمَه باتیم، اَ کن بَرَنگانَه پَسون گاچی دِلَه دَنیَش بَلکَم دییَرراکا کَفا بشی، پتارچی و راه زَنَه.

یوحنا 10:1 Iomraidhean Croise

مَتّی 7:15

«دروعَه پیغمبرون کا دوری بِکَرَه. اَوِن گوسَندون خَلا کا بومَین شِمَه وَر، ولی باطنی کا وَرگونی اِستینَه که پِزارنِن.

یوحنا 10:7

بَس عیسی هَنی اَوون نَه واتِشه: «حقیقتن، شِمَه نَه بَواتیم، اَز گوسَندون را، ”بَر“ اِستیمَه؛

یوحنا 3:3

عیسی جَواو دوشَه: «حقیقتن، تِه نَه بَواتیم، تا کَسی اَز نو دنیا ما، نیمَشا خِدا پاُتشایی بِوینِه.»

رومی کلیسارا نامه 10:15

و چِنتَه موعظه بِکَرِن، اَگم ویسا آمَبون؟ هَتَه که اِشعَیای پِیغمبری کیتابی کا نیویشتَه بییَه: «کسونی پا اِن که اِنجیلی خوشَه خَوَری موعظه بَکَردین، چِه خاصی نَه.»

رومی کلیسارا نامه 16:18

چوم که اِنتَه رَه آدَمِن چَمَه خِداوند مسیح خِدمت نِکَرِن، بَلکَم اِشتَن اِشکمی فیکری کا اینه و قَشنگَ گفون و چاپلوسی نَه، سادَه آدَمون گول ژَنِن.

نامَه تیتوسیرا 1:11

چَوون گَ بَسی دَوَسی، چوم که اَوِن گِردِ خانواده اون پاشونِن، و ناحَقَ سودی واسی اَ چییونی تعلیم بَداین که نَبی تعلیم بِدَن.

نامَه، عِبرانیه نَتاجَه مسیحیونرا 5:4

و هیچکس اِشتَن، نیمَشا اَ کاهنی اِفتخاری آدَه بِه اِشتَن، بَلکَم اِم اِفتخار فقط وختی که خِدا اَیی دَعوت بَکَردی بَیی آرَستِه، هَتَه که هارونی آرَستَه.

پطروسی اوّلین نامَه 1:10

هِم نِجاتی درباره، پِیغمبرِن دِقّتی نَه جستجو کَردِشونَه. اَ پِیغمبرونی که اَ فیضی درباره که قَرار بَه شِمَه شِن بِبو شِمَه را نبوت بَکَردین.

پطروسی دومین نامه 2:1

امّا قوم اِسرائیلی دیلَه کا، دروعَه پِیغَمبرِن نی بینَه، هَتَه که شِمَه دیلَه کا نی دوروعَه مُعلمِن نی بومَین، که نِینکی غَلطَه تعلیمون بواَردین که بَشای بِکِشِه و هَ اَربابی که اَوون خِرییَشه، حاشا بَکَردین و اِنتَه، نا خَوَرِه بَلایی اِشتَن سَر بواَردین.

پطروسی دومین نامه 2:3

و اِشتَن طمع راه دیلَه کا، دروعَه گفون نَه شِمَه غارت بَکَردین. چَوون محکوم بییِه که پیشتَرون تعیین بییَه بَه، بیکار نِشتَه نییَه و چَوون نابودی خِتَه نییَه!

یوحنا اوّلین نامَه 4:1

اِی عَزیزِن، هَر روحی باوَر مَکَرَه، بَلکَم روحون آزمایش بِکَرَه که خِدا کا اینه یا نِه. چوم وِر دروعَه پیغمبرونی دنیا کا اِستینه.