یوحنا 1:3 - کتاب مقدس به زبان تالشی شمالی

³ گِرد چییِن چَیی واسطه نَه بِه وجود اومینَه، و هَر چِه که بِه وجود اومَه، هیچ چی نییَه بیدون چَیی بِه وجود اومَه بِبو.

کتاب مقدس به زبان تالشي - گویش مرکزی

³ گردِ چیِن کَلَمه واسیطَنَه بوجود آمَه، و هر چیی ایی کن بوجود آمَه، هیچ‌چی ایی نییه کن بی چَی بوجود آمَه ببو.

یوحنا 1:3 Iomraidhean Croise

یوحنا 1:10

اَ دنیا کا بَه، و دنیا چَیی واسطه نَه بِه وجود اومَه؛ ولی دنیا اَیی آنِزونیشَه.

یوحنا 1:2

هَ صِفته کا خِدا نَه بَه.

اوّلین نامَه قورَنتیانیرا 8:6

با اِم حال اَمَه فقط ایلَه خِدا هِستِمونه، یعنی آسمونیَه دَده، که گِردِ چیی اِن اَیی کا اینه و اَمَه چَیی شِنیمونه؛ و فقط ایلَه خِداوند اِستَه، یعنی عیسایِ مسیح، که گِردِ چیی اِن چَیی واسطه نَه یَه و اَمَه چَیی واسطه نَه ایمونه.

نامَه اَفسوسی کلیسارا 3:9

و گِردی را نیشون بِدَم که خِدا نَخشه چِنتَه انجام بَبی. خِدایی که گِردِ چییِون خلق کَردَشه، اِشتَن اِم سِرّی قدیمی کا، نِین غَم هَردِشَه.

نامَه، عِبرانیه نَتاجَه مسیحیونرا 11:3

اَمَه ایمانی نَه بَفهمستیمون که جهان، خِدا کلامی نَه خَلق بَه، اِنتَه که اَ چیونی که ویندَه بَبی، اَ چییونی کا وَج آبینَه که نییَب ویندِه.

یوحنا اوّلین نامَه 5:1

هَر کسی که ایمان هِستِشه عیسی هَ مسیحِ موعود اِستَه، خدا کا دنیا اومَه؛ هَر کسی که دَده نَه خِشَه، کسی نَه که اَیی کا دنیا اومَه نَه نی خِشَه.

یوحنا موکاشیفَه 3:14

«لائودیکیه کلیسا ملائیکه را بینیویس: «اَ که آمین اِستَه، اَ که وفادارَه و حقیقی یَه شاهِدَه، اَ که خِدا خِلقتی سَرچِشمَه یَه، اِنتَه بَواتی:

یوحنا موکاشیفَه 4:11

«اِی چَمَه خِداوندْ و اِی چَمَه خِدا، تِه قابِلیش که جلال و حُرمت و قدرت بَه تِن تقدیم بِبو، چوم که گِردِ چیون تِه خَلق کَردَرَه، و گِردِ چییِن اِشتِه پیستَه نَه بِه وجود اومَه و خَلق بَه.»