یوحنا 1:14 - کتاب مقدس به زبان تالشی شمالی

¹⁴ و کَلمه، اِنسان آبَه و چَمَه دیلَه کا ساکن آبَه. اَمَه چَیی شکوه و جلالی ویندِمونَه، شکوه و جلالی که اَ زوعَه یِ یِگانه شَئنی کایَه، که دَده طرفی نَه اومَه، فیض و حقیقتی نَه پُور.

کتاب مقدس به زبان تالشي - گویش مرکزی

¹⁴ کلمه اینسان آبَه و چَمَه دلَکا مَندَ. واَمه چَی شکوه و جلالی ویندَمونَه، شکوه و جلالی شایستَه اِ، اَ، تاکَه زوعَه کن دَدَ طَرَفیکا آمَه، اَ فیض و حَییقتینَه پَتلَمه بَه.

یوحنا 1:14 Iomraidhean Croise

مَتّی 1:16

یعقوب، یوسفی دَده بَه و یوسف مریمی شو بَه. هَ مریمی که، عیسایی که اَیی نَه مسیح بَواتین دنیا وَردِشَه.

انجیل لوقا 2:11

چوم اوری داوود پاُتشا شهری کا ایلَه نجات دَهنده ای شِمَه را دنیا اومَه که مسیح و خِداوندَه.

انجیل لوقا 2:7

و مریم اِشتَن اوّلین خِردَنی که زوعَه بَه دنیا وَردِشه. اَیی قِنداقی کا دَپیچیستِشه و آخوری کا خِساووندِشه، چوم مِهمونخونَه کا اَوون را جِگا نِبه.

انجیل لوقا 9:32

پطرس و چَیی هَمراه اِن وِر خاو آلو بینَه، امّا وختی که خاو چَوون سَری کا پَریستَه، عیسی جلالی و اَ دِ گِله مِردی که چَیی وَری کا مَند بینَه، ویندِشونَه.

یوحنا 1:1

صِفته نَه کَلمه بَه و کَلمه خِدا نَه بَه و کَلمه، خِدا بَه؛

یوحنا 11:40

عیسی اَیی نَه واتِشه: «مَگم تِنَه نِواتِمه که اَگم ایمان بِداریش، خِدا شکوه و جلالی بَویندیش؟»

یوحنا 14:6

عیسی اَیی نَه واتِشه: «اَز راه و حقیقت و زندگی اِستیمَه؛ هیچکس نیمَشا بِشو آسِمونی یَه دَده وَر مَگم چِمِن واسطه نَه.

یوحنا 14:9

عیسی اَیی نَه واتِشه: «فیلیپُس، خَیلی وختَه از شِمَه نَه اِستیمَه و حَلا مِن آنِزونی؟ کسی که مِن ویندَشه، آسِمونی یَه دَده ویندَشَه؛ بَس چِنتَه یَه که بَواتیش ”آسِمونی یَه دَده بَمون نیشون بِدَه“؟

یوحنا 17:22

اَز جلالی که تِه مِن آدوعَرَه، اَوون آدوعَمَه تا اَوِن یَکی بِبون، هَتَه که اَمَه یَکی ایمونَه؛

یوحنا 17:24

اِی دَده، پیستِمَه کسونی که بَه مِن آدوعَرَه نی، جِگایی کا که اَز اِستیمَه مِنَه بِبون، تا چِمِن جلالی دَیِسِن، جلالی که تِه مِن آدوعَرَه؛ چوم پیش اَز اِم که دنیا خلق بِبو تِه مِنَه خِش بیش.

یوحنا 18:37

دومله پیلاتُس عیسی نَه واتِشه: «بَس تِه ایلَه پاُتشا ایش؟» عیسی جَواو دوشَه: «تِه بَواتیش که اَز پاُتشاایمه. اَز اِمی واسی متولد بَه ایمَه و اِمی واسی بِه اِم دنیا اومَیمَه تا حقیقتی را شهادت بِدَم. بَس هَر کسی که حقیقتی شِنَه، چِمِن گفی گوش بَدای.»

یوحنا 2:11

اِنتَه عیسی اِشتَن اوّلین علامت و معجزه قانای جَلیلی کا اَنجام دوشَه و اِشتَن شکوه و جلالی آشکار آکَردِشه و چَیی شاگِردِن بَیی ایمان وَردِشونَه.

یوحنا 3:16

«چوم خِدا دنیا مردمی نَه هَدَه خِش بَه که اِشتَن ایلَه زوعَه فیدا کَردِشه تا هَر کسی که اَیی ایمان بواَره هلاک مَبو، بَلکَم اَبَدی یَه زندگی بِداره.

یوحنا 3:18

هَر کسی که اَیی ایمان هِستِشه مَحکوم نییَب، امّا هَر کسی که اَیی ایمان نیشَه، حِسَه مَحکوم بییَه، چوم خِدا یگانه زوعَه نومی ایمان وَردَه نیشَه.

یوحنا 6:51

نونی که زندگی بَبخشِستی اَزیمَه که آسِمونی کا اومَیمَه. هَر کسی اِم نونی کا بَردی، تا اَبَد زِنده بَمندی. نونی که اَز آدَم تا دنیا مردم زندگی بِدارِن، چِمِن بَدنَه.»

یوحنا 8:32

و شِمَه حقیقتی آزونَه، و حقیقت شِمَه آزاد آکَرِه.»

رَسولون اَعمال 13:33

عیسی زِندَه آکَردِه نَه، اَمَه را که چَوون خِردَنیمونَه، وفا کَردِشه. هَتَه که دوّمین مَزموری کا نیویشتَه بییَه که: «”تِه چمِن زوعَه ایش؛ اوری، اَز ته مولود کَردَمه.“

رومی کلیسارا نامه 8:3

چوم که شریعت اَ چیی، اِمی واسی که آدَمی جِسم ضعیفَه، نِشاستِشه اَنجام بِدَه، خِدا اَنجام دوشَه. اَ اِشتَن زوعَه، ایلَه گناه کارَه جِسمی شیوار ویسا آکَردِشه تا ’گناه را قِربونی‘ بِبو، و اِنتَه جِسمی دیلَه کا، گناه محکوم کَردِشه.

رومی کلیسارا نامه 9:5

و جَدِن نی چَوون شِنی اینه، و مسیح نی از لحاظ جِسم چَوون نَسلی کایَه، خِدایی که گِردی کا کفاتَرَه، اَیی تا اَبَد شُکر بِبو. آمین.

اوّلین نامَه قورَنتیانیرا 15:47

اوّلین اِنسان زمینی کا بَه و اِنسانی، خاکی کا، دوّمین اِنسان آسِمونی کا.

دوومین نامه قرنتیانیرا 12:9

امّا خِداوند مِنه واتِشَه: «چِمِن فیض بَه تِرا وَستَه، چوم که چِمِن قدرت، ضَعفون دیلَه کا کامل بَبی.» بَس اِمی واسی از پیشتری کا وِرتَر شادی نَه چِمِن ضَعفون را اِفتخار بَکَردیم تا مسیح قدرت چِمِن سَری کا قرار بِگِرِه.

نامه غلاطیَه کلیسارا 4:4

امّا هِنتَه که اَ مُعیَن بییَه وخت تمام کمال آرَستَه، خِدا اِشتَن زوعَه ویسا آکَردِشه که ایلَه ژِنی کا دنیا اومَه و شریعتی جیری کا دنیا اومَه،

نامَه اَفسوسی کلیسارا 3:8

هَر چَن که از گِردِ مقدّسون دیلَه کا گِردی کا کَمترینیمَه، اِم فیض بَه مِن آدوعَه بَه تا مسیح بَرکَه گنجون خَوَری غیریهودیون را اِعلام بِکَرِم،

نامَه کُولُسی کلیسا را 1:19

چوم خِدا خشنودی گِرد اِمی کا بَه که چَیی دیلَه کا بومونِه،

نامَه کُولُسی کلیسا را 2:3

چَیی دیلَه کایَه که تَمون حکمت و دانایی گنجِن نِینَه.

نامَه کُولُسی کلیسا را 2:9

چوم ذات الهی پُوری گِرد جسمی شیوار مَسیح دیلَه کایَه،

اوّلین نامَه تیموتائوسیرا 3:16

راس راسی که دینداری بَرک یالَه سِرّی یَه: اَ جِسمی دیلَه کا ظاهر آبَه، خِدا روح واسطه نَه تصدیق بَه، ملائیکه اِن اَیی ویندِشونَه، قومون دیلَه کا اِعلام بَه، دنیا دیلَه کا بَیی ایمان وَردِشونه، جلالی نَه، بَردَه بَه کَفا.

نامَه، عِبرانیه نَتاجَه مسیحیونرا 1:3

اَ، خِدا جَلالی نورَه و چَیی ذاتی تمام کمالَ نَخشَه، و اَ گِردِ چیون اِشتَن کلامی قوتی نَه پابَرجا غَم بَردی. اَ، گناه اون پاک آکَردِه بِه دومله، اَ کسی راستَ دَسی کا که با عظمتَه و عَرش بَرینی دیلَه کا، نِشتَه.

نامَه، عِبرانیه نَتاجَه مسیحیونرا 1:5

چوم خِدا کَمیله ملائیکه اون نَه واتَشه: «تِه چِمِن زوعَه ایش؛ اوری، اَز تِه مولود کَردَمه»؟ و یا: «اَز اَیی را دَده بَبیم، و اَ بَه مِرا زوعَه بَبی»؟

نامَه، عِبرانیه نَتاجَه مسیحیونرا 10:5

اِمی واسی، وختی که مَسیح اومَه دنیا دیلَه، واتِشه: «تِه قِربونی و هدیه نِپیستِرَه، بَلکَم ایلَه بَدنی بَه مِرا فراهم کَردِرَه.

نامَه، عِبرانیه نَتاجَه مسیحیونرا 2:11

چوم اَ کسی که تقدیس بَکَردی و کسونی که تقدیس بَبین، گِرد ایلَه سَرچِشمه هِستِشونَه. چوم که عیسی عار نیَشه اَوون بِرا دَخونِه،

نامَه، عِبرانیه نَتاجَه مسیحیونرا 5:5

مَسیح نی اِشتَن، اِشتَن کَفا نِبردِشَه تا کاهن اَعظم بِبو، بَلکَم تعیین بَه اَ کسی واسطه نَه که اَیی نَه واتِشه: «تِه چِمِن زوعَه ایش؛ اوری، اَز تِه مولود کَردَمَه.»

یوحنا اوّلین نامَه 4:14

و اَمَه ویندَمونه و شهادتی بَدایمون که دَده، اِشتَن زوعَه ویسا آکَردَشَه تا دنیا نجات دَهنده بِبو.

یوحنا اوّلین نامَه 4:9

خِدا محبت اِنتَه چَمَه دیلَه کا ظاهر آبَه که خِدا اِشتَن ایلَه زوعَه ویسا آکَردِشه دنیا دیلَه تا چَیی واسطه نَه زندگی بِدارَم.

یوحنا دوّمین نامَه 1:7

چوم دنیا کا وِر حُقه بازِن اِستینه، که اِقرار نِکَرِن که عیسایِ مسیح آدَمی جسمی کا اومَه بِه اِم دنیا. اِنتَه رَه آدَمِن هَ حُقه بازِن و ضِدّ مسیح اِستینه.

یوحنا موکاشیفَه 19:13

ایلَه خونی یَه اَبایی دَکَردَش بَه و اَ نومی نَه که اَیی دَخونِن ’خِدا کلامَ‘.

یوحنا موکاشیفَه 21:3

و تختی کا، ایلَه بِلندَه سَسی دَرَسِمَه که واتِشه: «دَیِس، خِدا مَنزِل آدَمون هَمراه یَه. و اَ، اَوون نَه بَمَندی، و اَوِون چَیی قوم بَبین، و خِدا اِشتَن اَوون نَه بَبی و چَوون خِدا بَبی.