یعقوبی نامَه 5:11 - کتاب مقدس به زبان تالشی شمالی

¹¹ اَمّا خَسَه بِبو کسونی که صبر و تحمل بَکَردین. شِمَه، ایوبی صبر و تحملی درباره دَرَسَرونه، و بَزنیرون که آخِرسَر خِداوند اَیینه چِه کَردِشه، چوم خِداوند بی حد و اندازه میهرَوون و بَخشنده اِستَه.

کتاب مقدس به زبان تالشي - گویش مرکزی

¹¹ ولی خشی اَیِنی حالیرا کن صبرِشون کردَ و تاو وردِشون. شِمَه اَیوبی صَبر و تاو وَردِ خونِه دَرَستَرون، و بَموستیرون کن خداوند آخیر بَسَر بَینَه چِش کَردَ، اِمی خونه کن خداوند، بی حَد و حیساب مِربان و بَخشندَیه.

یعقوبی نامَه 5:11 Iomraidhean Croise

مَتّی 10:22

گِردِ مردم چِمِن نومی واسی شِمَه کا بیزار بَبین، امّا کسی که تا آخِر تاو بواَرِه، نجات پِیدا بَکَردی.

انجیل لوقا 1:50

چَیی رحَمت، پِشت دَر پِشت، کَسونی را بَبی که بَیی حُرمت بَکَردین.

انجیل لوقا 11:10

چوم هَر کسی پیستِشَه، اَیی آدوعَه بَبی؛ و هَر کسی بِگَردِه، تِلَفِه؛ و هَر کسی بوکویِه، بَر چَیی دیمی کا آبو.

انجیل لوقا 6:36

بَس رَحیم بِبییَه، هَتَه که شِمَه آسِمونی یَه دَده رَحیمَه.

رومی کلیسارا نامه 2:4

یا اِم که خِدا میهرَوونی، تاو و تحمل و چَیی بَرکَ صَبری روک بَزنیش و نیمَزنیش که خِدا میهرَوونی اِمی واسی یَه که تِه راهنمایی بِکَرِه تا توبَه بِکَری؟

نامَه اَفسوسی کلیسارا 1:6

تا چَیی پُر جلالَ فیض ستایش بِبو، هَ فیضی که اِشتَن عزیزگِرامی دیلَه کا اَمَه بَرکت آدوعَشه.

نامَه اَفسوسی کلیسارا 2:4

امّا خِدایی که چَیی رَحم بَرک وِرَه، اِشتَن بَرکَ محبتی واسی اَمَه نَه خِش بَه،

نامَه، عِبرانیه نَتاجَه مسیحیونرا 10:39

امّا اَمَه کَسونی کا نیمونَه که آگردِن و هَلاک بَبین، بَلکَم کسونی کا ایمونَه که ایمان هِستِشونَه و اِشتَن جانی حفظ بَکَردین.

نامَه، عِبرانیه نَتاجَه مسیحیونرا 3:14

چوم که اَمَه مَسیح دیلَه کا شریک بَییمونَه، اَگم راس راسی اِطمینانی که اوّلی کا داریمون تا آخِر مُحکم غَم بَرَم.

نامَه، عِبرانیه نَتاجَه مسیحیونرا 3:6

امّا مَسیح، ایلَه زوعَه ایی شیوار خِدا کَ را وفادارَه، اَمَه چَیی کَ ایمونَه، اَگم راس راسی چَمَه اِطمینان و اِفتخاری، چَمَه اُمیدی کا مُحکم غَم بَرَم.

یعقوبی نامَه 1:12

خَسَه بِبو اَ کسی که آزمایشون باری جیری کا صبر و تحملی نَه تاو بواَردی، چوم وختی آزمایشی کا سَربِلند بِرون بومَی، اَ زندگی بَخشَه تاجی ویگِرِه، اَ تاجی که خِدا بِه کسونی وعده دوعَشَه که اَیی نَه خِشینَه.

یعقوبی نامَه 1:2

چِمِن بِرا اِن، هَر موقع که جور بَه جورَه آزمایشون دیلَه کا دَلَکیرونه، گِردِ اَوون بَرکَ شادی بِزونه!

پطروسی اوّلین نامَه 1:13

بَس شِمَه فیکرون آمادَه آکَرَه عمل کَردِه را، شِمَه هَواس جمع بِبو، و شِمَه امید تمام کمال اَ فیضی کا بِبو که عیسایِ مسیح ظهوری موقع شِمَه آدوعه بَبی.

پطروسی اوّلین نامَه 3:14

امّا حتی اَگم صالِح بییِه را عذاب بِکَشَه، برَکت بَگَتیرون. «اَ چیی کا که اَوِن تَرسِن، شِمَه مَترسَه و نیگران مَبییَه.»

پطروسی دومین نامه 2:9

بَس خِداوند بَزنی که چِنتَه صالحَ آدَمون آزمایشون کا نِجات بِدَه و آدَمی که صالِح نییَه داوریَ یَه روزی مکافاتی را غَم بَرِه،