یعقوبی نامَه 4:4 - کتاب مقدس به زبان تالشی شمالی

⁴ اِی زناکارِن، بَگم نیمَزنه دنیا نَه رَفاقَت کَردِه، خِدا نَه دِشمنی کَردِه اِستَه؟ بَس هَر کسی که دنیا نَه رَفاقت کَردِه دومله اِستَه، اِشتَن، خِدا دِشمِن بَکَردی.

کتاب مقدس به زبان تالشي - گویش مرکزی

⁴ اَی زیناکارِن، نینَّزنی دِنیا نَه رَفِق گیری، خدا نَه عَدابَت کَردِ یَه؟ پس هَر کَم دِنیا نه رفق گیری دوملَیه، بَشتَن خدا غَنیم بَکَی.

یعقوبی نامَه 4:4 Iomraidhean Croise

مَتّی 12:39

ولی عیسی جَواو دوشَه: «اِم شَرور و زِناکارَه نسل، نیشونَه ای پیستِشونَه. امّا نیشونَه ای اَوون آدوعَه نییَب، یونس پیغمبری نیشونَه غِیراز.

مَتّی 16:4

اِم زِناکار و شَریرَه نسل، ایلَه نیشونَه ای پیستِشونَه. امّا نیشونَه ای اَوون آدوعَه نییَب، یونس پیغمبری نیشونَه غِیراز.» بَس عیسی اَوون ترک کَردِشه و اِشتَن راه شَه.

مَتّی 6:24

«هیچکس نیمَشا دِ گِله اَربابی خدمت بِکَرِه، چوم یا ایلَه کا متنفر بَبی و اَ ایلَه محبت بَکَردی یا ایلَه دیل دَوِندِه و اَ ایلَه خار و خفیف بَکَردی. شِمَه نیمَشایَه هم خِدا خدمت بِکَرَه و هم پولی خدمت بِکَرَه.

انجیل لوقا 19:27

حِسَه چِمِن اَ دِشمَنِن که نِپیستِشونَه اَز اَوون سلطنت بِکَرِم، بواَرَه اییا و چِمِن پیشی کا سَر آبِرَه.“‌»

یوحنا 15:19

اَگم دنیا شِن بَبیرون، دنیا شِمَه نَه اِشتَن کسون شیوار خِش بَبی. امّا چوم دنیا شِن نیرونَه بَلکَم اَز شِمَه دنیا کا اِنتخاب کَردَمه، دنیا شِمَه کا بیزارَه.

یوحنا 17:14

اَز اِشتِه کلامی اَوون آدوعَمَه، امّا اِم دنیا اَوون کا بیزار بَه، چوم اِم دنیا شِن نینَه، اِنتَه که اَز اِم دنیا شِن نیمَه.

یوحنا 7:7

دنیا مردم نیمَشان شِمَه کا بیزار بِبون امّا بَه مِن کا بیزاری نَه، چوم اَز شهادتی بَدایم که چَوون کارِن بَدی نَه.

رومی کلیسارا نامه 5:10

چوم اَگم اَ موقعی که خِدا نَه دِشمَن بیمونَه، و چَیی زوعَه مرگی واسطه نه خِدا نَه آشتی دوعَه بیمونَه، چِندی وِرتَر حِسَه که اَیی نَه آشتی کا ایمونه، چَیی زِندگی واسطه نَه اَمَه نجات پیدا بَکَردیمون.

رومی کلیسارا نامه 8:7

چوم که اَ آدَمی که اِشتَن فیکری جِسمی را بَنای خِدا نَه دِشمَنی بَکَردی، چیرا که خِدا شریعتی کا اِطاعت نِکَرِه و نیمَشا نی بِکَرِه،

اوّلین نامَه قورَنتیانیرا 1:20

حکیمَ آدَم کییارَه؟ توراتی معلم کییارَه؟ کسونی که اِم دورَه زمانه کا نظر بَداین کییاری نه؟ مَگم خِدا، دنیا حِکمتی نادونی کَردَه نیشَه؟

اوّلین نامَه قورَنتیانیرا 1:21

چوم اوآنه که بینا بَر خِدا حکمت، دنیا نِشاستِشَه حکمتی راه نَه خِدا آزونِه، خِدا اِنتَه صلاح ویندِشه که هِم نادونی راه نَه، که اَمَه موعظه بَکَردیمون، کسونی که ایمان بواَردین، نجات بِدَه.

نامه غلاطیَه کلیسارا 1:10

یعنی حِسَه از مردمی تائیدی دومله کاایمَه یا خِدا تائید؟ یا تَقَّلا بَکَردیم که مردمی راضی آکَرِم؟ اَگم هِنتَه مردمی راضی آکَردِه دومله کا بیمَه، مَسیح خادم نِبیم.

یعقوبی نامَه 1:27

پاک و خالصَه دینداری خِدای دَده نَظری کا اِمَه که، یَتیمون و ویوَه ژِنَکون مصیبتی کا چَوون دَسی بِگِرَم و اِم فاسِدَه دنیا کا اِشتَن دور غَم بَرَم.