یعقوبی نامَه 3:7 - کتاب مقدس به زبان تالشی شمالی

⁷ اِنسان هَمه جورَه حَیوون و پرنده و خَزنده و دریای یَه حَیوونون رام بَکَردی و کَردَشه،

کتاب مقدس به زبان تالشي - گویش مرکزی

⁷ اینسان هَمَه مودیل خَیوون و پَرَندَ و خَزَندَ و دَیرا اییَه جانداری اِشتَن فِرمون بَکَیَه و کَردَشَه،

یعقوبی نامَه 3:7 Iomraidhean Croise

مَرقُس 5:4

چوم چِندی کَرَه اَئی قول و زنجیری نَه دَوَستَشون بَه، امّا اَ، زِنجیرون پَلَه کَردَش بَه و اَ قولونی که چَیی پااون کا دَوَستَشون بَه، چاکندَه ش بَه. هیچ‌کسی زور آنِرَستی که اَیی رام آکَری.

رَسولون اَعمال 10:12

اَ سِفرَه همه جورَه حَیوونون و خَزنده اون و پَرَنده اون نَه پور بَه.

یعقوبی نامَه 3:6

و زَوون نی ایلَه آتشی اِستَه؛ ایی دنیا نادرستی کا که چَمَه بَدنی گِردِ اعضا دیلَه کا دَرییَه و اِنسانی گِردِ وجودی کثیف بَکَردی و چَیی زندگی گِردی آتش بَژَی، آتشی که جَهَندَم اَیی روشون آکَردَشَه!

یعقوبی نامَه 3:8

امّا هیچ اِنسانی نیمَشا زَوونی رام آکَرِه. زَوون ایلَه نا آرومَه شَروری اِستَه که کُشنده زَهری کا پُورَه!