یعقوبی نامَه 3:13 - کتاب مقدس به زبان تالشی شمالی

¹³ شِمَه دیلَه کا حکیم و عَقلمَند کییَه؟ بِدارَه اَیی اِشتَن چاکه زندگی نَه نیشون بِدَه، اَ، اَعمالی که فروتنی نَه اِستَه و حکمتی کا سَرچشمه بَگتی.

کتاب مقدس به زبان تالشي - گویش مرکزی

¹³ شِمَه دِلَکا کیَه کن اَلمَند و حکیم ببو؟ بَرزَ اَ اِشتَن چاکَه زندَگی کردِنَه اَمه آمونِه، اَ، اَ اعمالینه کن فروتنی نَه دَرِ و حیکمَتیکا سَرچشمه بَگَتی.

یعقوبی نامَه 3:13 Iomraidhean Croise

مَتّی 11:29

چِمِن یوغی شِمَه دوشی کا بِگِرَه و بَه مِن کا تعلیم بِگِرَه، چوم از ملایمی مَه و دیلی نَه فروتنی مَه، و شِمَه جانون کا راحتی بَگتیرون.

مَتّی 21:5

«اورشلیمی نَه، صَحیونی کو کِلَه نَه بوآجَه، ”دَیِس اِشتِه پاُتشا بومَی اِشتِه وَر، فروتن و اُلاغی دَنِشته بومَی، اُلاغَ کُره سَری کا دَنِشته بومَی.“»

مَتّی 5:5

خَسه بِبو کسونی که فروتنی نَه، چوم اَوِن زمینی بِه اِرث بَبَردین.

مَتّی 7:24

«بَس هَر کسی‌ چِمِن اِم گَفون دَرَسِه و اَوون اَنجام بِدَه، عاقیلَه مِردی شیوارَه كه اِشتَن کَ پاکاری سِنگی سَری کا بینا کَردَشه.

اوّلین نامَه قورَنتیانیرا 6:5

اِمی بَواتیم تا شِمَه شَرمنده بِکَرِم. یعنی شِمَه دیلَه کا ایی نفر حکیم نِبَه که بِشا اِم جریانون بِرااون دیلَه کا حَل فصل بِکَرِه؟

دوومین نامه قرنتیانیرا 10:1

از، پولُس، اِشتَن مسیح نرمی و میهروونی نَه شِمَه مَنَت بَکَردیم، اَزی که، وِر کَسِن شِمَه کا بَواتین وختی که شِمَه وَری کاایمَه سَر بِه جیریمَه و اَ موقعی که شِمَه وَری کا نیمَه جَسوریمَه!

دوومین نامه قرنتیانیرا 8:24

بَس شِمَه، اَ محبت و اِفتخاری که اَمَه شِمَه را بَکَردیمون، کلیسااون پیشی کا اَ آدَمون را ثابت بِکَرَه.

نامه غلاطیَه کلیسارا 5:23

ملایمت و نَفسی پیشی گِتِه یَه. هیچ شریعتی چِمون ضِد نییَه.

نامه غلاطیَه کلیسارا 6:1

اِی بِرااِن، اَگم کسی ایلَه خطایی بِکَرِه، شِمَه که خِدا روح هِستِرونه بَسی ملایم روح نَه اَیی راستَه راه را آگاردِنه. اِشتِه هَواس جمع بِبو که اِشتَن نی وسوسه مَبی.

نامه غلاطیَه کلیسارا 6:4

ولی هَر کسی بَسی اِشتَن کاری آزمایش بِکَرِه. اَ موقع چَیی فَخری دلیل فقط چَیی رایَه نِه چَیی خَمسوعه را.

نامَه اَفسوسی کلیسارا 4:2

فروتنی و ملایمت کاملی نَه؛ و صبر و محبتی نَه یَندی تحمل بِکَرَه.

نامَه فیلیپی کلیسا را 1:27

فَقَط بِدارَه شِمَه زِندگی رَوِش، مسیح اِنجیلی شَئنی کا بِبو، اَتَه که چِه بام شِمَه بِوینِم و چِه مام، شِمَه کا دَرَسِم که ایلَه روح کا پابَرجا ایرونه و یَک فیکر، یَندی نَه دوش بِه دوش، اِنجیل ایمانی واسی تَقّلا بَکَردیرون،

نامَه کُولُسی کلیسا را 3:12

بَس خِدا اِنتخاب بییَه آدَمون شیوار که مقدّس و عَزیزگِرامی اینه، دیلَسوجی، میهروونی، فروتنی، ملایِم بییِه و صَبری خَلا دَکَرَه.

اوّلین نامَه تیموتائوسیرا 4:12

مَرزِن هیچکس اِشتِه جَوونی روک بِزونِه، بَلکَم گف ژندِه کا، کِرداری کا، محبتی کا، ایمانی کا و پاکی کا، گِردِ ایماندارون را سَرمشق بِبَش.

اوّلین نامَه تیموتائوسیرا 6:11

امّا تِه که مِردِ خِدا ایش، اِم چییون کا دَوَز، و صالحی، دینداری، ایمان، مُحبت، پابَرجایی و ملایمتی دومله بِبَش.

دِوُّمین نامَه تیموتائوسیرا 2:25

بَسی کسونی که مخالفی نَه، نرمی نَه اِصلاح بِکَرِه، شاید خِدا اَوون توبه عطا بِکَرِه، تا حقیقتی آزونِن،

نامَه تیتوسیرا 3:2

هیچکسی بَدی مَواجِن، دعوا مَکَرِن، آروم بِبون و گِردِ مردمی نه اَدبی نَه رفتار بِکَرِن.

نامَه، عِبرانیه نَتاجَه مسیحیونرا 13:5

شِمَه زِندگی پولدوستی کا دور غَم بَرَه و اَ چیی کا که اِستِرونَه قانع بِبییَه، چوم خِدا واتَشه: «هَرگز تِه وِل آنِکَرِم، و تِه تَنخا نییَرزِم.»

یعقوبی نامَه 1:21

بَس هَر جورَه فِساد و هَر جورَه شِرارتی اِشتَن کا دور آکَرَه و فروتنی نَه، کلامی که خِدا شِمَه دیلی دیلَه کا نِشا کَردَشه قبول بِکَرَه. اَ کلامی که بَشای شِمَه جانون نِجات بِدَه.

یعقوبی نامَه 2:18

ولی مُمکنه ایی نفر بوآجِه: «تِه ایمان هِستِرِه و اَز نی اَعمال هِستِمه!» تِه اِشتِه ایمانی بیدون اَعمال بَه مِن نیشون بِدَه و اَز چِمِن ایمانی اَعمالی نَه بَه تِن نیشون بَدایم.

یعقوبی نامَه 3:1

چمِن بِرا اِن، نَبی که شِمَه کا وِر کَسِن خِدا کلامی معلّم بییِه دومله بِبون، چوم بَزنیرون که اَمَه مُعلّمون را، داوری چَتین تَر بَبی.

یعقوبی نامَه 3:17

امّا اَ حکمتی که آسِمونی کا اِستَه، اوّل پاک اِستَه، دومله صلح‌ جو و آروم اِستَه، نصیحتی گوش آکَرِه، و رحمت و چاکَه ثَمرَه کا لِبآ لِب اِستَه و فرق نوعه و دِ دیمی کا دور اِستَه!

پطروسی اوّلین نامَه 1:15

ولی هَتَه، اَیی که شمه دعوت کَردَشه، قدّوسَه، شمَه نی گِردِ رفتار کرداری کا مقدّس بِبییَه،

پطروسی اوّلین نامَه 2:12

بی ایمانون دیلَه کا شِمَه کِرِدِکار محترم بِبو تا کسونی که شِمَه ضِد گف ژَنِن که شِمَه اَعمال بَدَه، شِمَه چاکَه اَعمالی ویندِه نَه، روزی کا که خِدا بَویندیمون، اَیی پرستش بِکَرِن.

پطروسی اوّلین نامَه 2:9

امّا شِمَه اِنتخاب بییَه نسل و کاهنونی اِستیرونَه که شاهانَه کاهنی بَکَردین. شِمَه مقدّسَ ملّت و مردمی اِستیرونَه که خِدا مِلکی نَه، تا چَیی چاکَه صِفَتون اِعلام بِکَرَه که تاریکی کا شِمَه دعوت کَردِشَه اِشتَن عجیبَ نوری دیلَه.

پطروسی اوّلین نامَه 3:4

بَلکَم بِدارَه شِمَه خوشگیلی شِمَه اَ درونی یَه آدَمی بِبو که شِمَه قلبی دیلَه کایَه و چِمی نَه ویندَه نییَب، و ایلَه آروم و ملایمَ روح نَه خوشیگل آبییَه که اِنتَه رَه خوشگیلی ایی خِدا نظری کا وِر با اِرزِشَه.