یعقوبی نامَه 2:5 - کتاب مقدس به زبان تالشی شمالی

⁵ عزیزَه بِرا اِن، گوش بِدییَه! مَگم خِدا اِم دنیا فَقیرون اِنتخاب کَردَه نیشه تا ایمانی کا دولتمند بِبون و اَ پاُتشایی بِه اِرث بِبَرِن که خِدا، بِه کسونی وعده دوعَشَه که اَیینه خِشینَه؟

کتاب مقدس به زبان تالشي - گویش مرکزی

⁵ خاجَتیَه برا اِن، گوش آکَرَ! مَگَم خدا اِم دِنیا گیدَلیون اینتخاب کَردَش نیَه تا ایمانیکا قودور بِبون و اَ پادیشاهیی میراث بِبَن کن خدا، اَیِن کن بَی رَی بَداشتین وَعدَ آدوعَشَه؟

یعقوبی نامَه 2:5 Iomraidhean Croise

مَتّی 11:5

چِنتَه کورِن بَویندین، شَلِن مِجِن، جُذامی اِن شفا بَگتین، کَرِن دَرَسِن و مَرده اِن زِنده آبون و فَقیرون خوشَ خَوَر آدوعَه بَبی.

مَتّی 25:34

دومله پاُتشا کسونی نَه که چَیی راست طرفی کا مَندینَه بَواتی: ”اِی کسونی که چِمِن دَده، شِمَه بَرکت دوعَشَه، بایَه و اَ پاُتشایی كه دنیا اول بُنیادی کا شِمَه را آمادَه بییَه، بِه اِرث بِبَرَه.

مَتّی 5:3

«خَسَه بِبو کسونی که بَزنین که روح کا فَقیری نَه، چوم آسِمونی پاُتشایی چَوون شِنَه.

مَرقُس 7:14

عیسی هَنی مردمی دَخوندِشه اِشتَن وَر و اَوون نَه واتِشه: «شِمَه گِرد، چِمِن گفی گوش بِدییَه و اِمی بِفهمه:

انجیل لوقا 12:21

اِم، اَ کسی آخِرعاقِبتَه که اِشتَه را ثروت جَمع آکَرِه، ولی خِدا وَری کا تِییَه دَسَه.»

انجیل لوقا 12:32

«اِی روکَ رَمَه، مَتَرسَه، چوم شِمَه آسِمونی یَه دَده شادی اِمَه که اَ پاُتشایی آدَه شِمَه.

انجیل لوقا 16:22

اَ فقیر، مَردَه و مَلائیکه اِن اَیی بَردِشونَه اِبراهیم پیغمبری وَر. اَ پولدارَه مِرد نی مَردَه و اَیی دَفن کَردِشونَه.

انجیل لوقا 16:25

امّا اِبراهیم پیغمبر بَیی نَه واتِشه: ”بَلَه، ویر بوعَه که تِه وختی زِنده بیش، چاکَ چییِن اِشتِه نصیب بینَه و بَدَه چییِن ایلعازَری نصیب بینَه. امّا حِسَه اَ اییا کا آسایِشی کایَه و تِه عَذابی کا ایش.

انجیل لوقا 22:29

بَس هَتَه که چِمِن دَده، سَلطنتی مِن آدوعَشه، اَز نی اَیی آدَم شِمَه،

انجیل لوقا 6:20

دومله عیسی اِشتَن شاگِردون دَیشتَه و واتِشه: «خَسَه شِمَه بِبو که فَقیریرونَه، چوم خِدا پاُتشایی شِمَه شِنَه.

یوحنا 7:48

مَگم هیچ گِله قومی پیله ترون کا یا فریسییون کا کسی اِستَه که اَیی ایمان وَردَش بِبو؟

رَسولون اَعمال 7:2

اِستیفان واتِشه: «اِی بِرا اِن و اِی دَده اِن، چِمِن گفون گوش بِدییَه! پُر جلالَ خِدا، وختی که چَمَه جَّد اِبراهیم پیغمبر، بِین‌النهرینی منطقه کا بَه و حَلا کوچ کَردَش نِبَه حَرانی را، اَیی را ظاهر آبَه

رومی کلیسارا نامه 8:17

اَگم خِدا خِردَنویمونه، بَس وارثون نی اِستیمونه، یعنی خِدا وارثِن و مَسیح نَه اِرثی کا شریکیمونه. بِه شرطی که اَمَنی اَیی نه عذاب بِکَشَم، تا اَمَه نی اَیی نَه جلال بِگِرَم.

اوّلین نامَه قورَنتیانیرا 2:9

هَتَه که اِشعَیای پِیغمبری کیتابی کا نیویشته بییَه که: «اَ چیی که هیچ چِمی وینده نیشَه، هیچ گوشی دَرَسه نیشَه، و هیچ اِنسانی فِکری کا آرَستَه نییَه، خِدا کسونی را حاضر آکَردَشَه که اَوون نَه خِشَه.»

دوومین نامه قرنتیانیرا 4:15

اِمِن گِرد شِمَه واسی اِستینَه، تا هَر چَدَه که خِدا فیض مردمی سَری کا وِرتَر و وِرتَر آبو، شُکرکَردِه نی خِدا جلالی را وِرتَر آبو.

دوومین نامه قرنتیانیرا 6:10

اَمَه نَه غمگینون شیوار رفتار بَبی، با اِم حال هَمَش شادیمونه؛ اَمَه نَه نَدارون شیوار رفتار بَبی، با اِم حال وِرکَسون پولدار بَکَردیمون؛ اَمَه نَه جوری رفتار بَبی که اِنگاری هیچی نِدارَم، با اِم حال همه چیی صاحابیمونَه.

دوومین نامه قرنتیانیرا 8:9

چوم چَمَه خِداوند عیسایِ مسیح فیضی کا خَوَر دارَه که هَر چَن دولتمند بَه، شِمَه واسی نَدار آبَه تا شِمَه چَیی نَداری کا دولتمند بِبییَه.

نامَه اَفسوسی کلیسارا 1:18

تا شِمَه دیلی چِمِن روشون آبون، تا اَ اُمیدی که خِدا شِمَه چَیی واسی دَخوندِشه آزونَه، و خِدا اَ بی حَدو اندازه و پُر جلال میراثی، مقدّسون دیلَه کا بِفهمَه،

نامَه اَفسوسی کلیسارا 3:8

هَر چَن که از گِردِ مقدّسون دیلَه کا گِردی کا کَمترینیمَه، اِم فیض بَه مِن آدوعَه بَه تا مسیح بَرکَه گنجون خَوَری غیریهودیون را اِعلام بِکَرِم،

اوّلین نامَه تَسالونیکی کلیسا را 2:12

اَمَه هَر کمیله شِمَه، ایلَه ایلَه تشویق کَردِمونه و تَسلی دومونه و سفارش کَردِمونه تا اَتَه که خِدا شئنی کایَه زِندگی بِکَرَه، که شِمَه دعوت بَکَردی اِشتنِش پاُتشایی و جلالی را.

دوّمین نامَه تَسالونیکی کلیسا را 1:5

اِم خِدا عادلانۀ داوری نیشونه یَه، تا شِمَه خِدا پاُتشایی شَئنی کا بِبییَه که چَیی راه کا، کارا عذاب نی کَشَه.

اوّلین نامَه تیموتائوسیرا 6:18

اَوون دستور بِدَه که چاکی بِکَرِن و چاکَه کارون دیلَه کا دولتمند بِبون، دَس و دیل باز و بَخشندَه بِبون.

دِوُّمین نامَه تیموتائوسیرا 4:18

خِداوند مِن هَر بَدَه کاری کا رَهایی بَدای و مِن سلامتی نَه بواَردی اِشتَن آسِمونی پاُتشایی دیلَه. جلال تا اَبَد و تا اَبَد اَیی را با. آمین!

دِوُّمین نامَه تیموتائوسیرا 4:8

حِسَه نَه بِه بعد، اَ صالِحی تاج، بَه مِرا آمادَه یَه، تاجی که خِداوند، اَ عادلَ داور، اَ روزی کا بَه مِن آدوشَه- نِه فقط بَه مِن، بَلکَم گِردِ کسونی که چَیی ظهوری مشتاق بینَه.

نامَه، عِبرانیه نَتاجَه مسیحیونرا 11:26

و اَ سرکوفتی که مَسیح واسی بَه، ایلَه گنجی مصری گَنجون کا با اِرزشتَر زونِستِشونَه، چوم که اَ، اَ پاداشی دومله بَه.

یعقوبی نامَه 1:12

خَسَه بِبو اَ کسی که آزمایشون باری جیری کا صبر و تحملی نَه تاو بواَردی، چوم وختی آزمایشی کا سَربِلند بِرون بومَی، اَ زندگی بَخشَه تاجی ویگِرِه، اَ تاجی که خِدا بِه کسونی وعده دوعَشَه که اَیی نَه خِشینَه.

یعقوبی نامَه 1:16

چِمِن عزیزَه بِرا اِن، گول مَرَه!

یعقوبی نامَه 1:19

چِمِن عزیزَه بِرا اِن، اِمی بِزونه که: هَر کسی بَسی گفی دَرَسِه کا تِند بِبو، گف ژَندِه کا کُند بِبو و عصبانیتی کا نی آروم بِبو!

یعقوبی نامَه 1:9

فقیرَه بِرا اِشتَن سَربِلَندی کا که هِستِشه فَخر بِکَرِه،

پطروسی اوّلین نامَه 1:4

و اِرثی که از بِین نِشو و فاسید نییَب و چیلیکیستَه نییَب که شِمه را آسِمونی کا غَم هَردَه بییَه؛

پطروسی دومین نامه 1:11

و اِنتَه، شِمَه کاملا اِجازه دوعَه بَبی که، خِداوند و چَمَه نجات‌دهندۀ عیسایِ مَسیح اَبَدی یَه پاتشایی دیلَه بایَه.

یوحنا موکاشیفَه 2:9

اِشتِه عذاب و نَداری کا خَوَرداریمَه، ولی تِه دولتمَندیش! و اَ آدَمون اِفترا کا خَوَر دارِم. که بَواتین یهودی نَه ولی نینَه، بَلکَم شیطونی عِبادتگاه اینَه.

یوحنا موکاشیفَه 21:7

هَر کسی که پیروز بِبو اِمی بِه ارث بَبَردی، و از چَیی خِدا بَبیم و اَ چِمِن زوعَه بَبی.

یوحنا موکاشیفَه 3:18

تِه نصیحت بَکَردیم خالِصَه طِلایی که آتشی کا دَوییَردَه بَه مِن کا بِخِری تا دولتمند بِبی؛ و ایسبی خَلا اون، تا دَکَری و اِشتِه لُخت و سُختی شرم‌ ویندَه مَبو و مَرهم، که اِشتِه چمون کا دَسونی تا بِوینی.