یعقوبی نامَه 1:25 - کتاب مقدس به زبان تالشی شمالی

²⁵ ولی اَ کسی که کامِلَه شریعتی، که آزادی شریعت اِستَه ذول ژَندَشه و دَرَسِه و اَیی ویر بَنِرکَرِه بَلکَم اَیی عَمَل بَکَردی، اَ، اِشتَن کاری کا بَرکت بَگتی.

کتاب مقدس به زبان تالشي - گویش مرکزی

²⁵ اَمّا اَ کن کامیلَه شَریعَتی سَردِرِ کن شَریعت آزادیَه چَم دَشتَشَه، و درَرَست و بَی یاد بَنیَکرد بَسکم بَی اَنجوم آرادا، اَ اِشتَن کارونکا بَرکت بگَتی.

یعقوبی نامَه 1:25 Iomraidhean Croise

انجیل لوقا 11:28

امّا عیسی جواو دوشَه: «خَسَه بِبو اَ کَسونی که خِدا کلامی دَرَسِن و اَیی انجام بَداین.»

یوحنا 13:17

حِسَه که اِم چییون بَزنیرون، خَسه شِمَه بِبو اَگم اَوون عَمل بِکَرَه.

یوحنا 8:36

بَس اَگم زوعَه شِمَه آزاد آکَرِه، حقیقتن آزاد بَبیرون.

رَسولون اَعمال 13:43

بعد از اِمکه جماعتْ عِبادتگاه نَه شینَه، وِر کَسِن یَهودیون کا و خِداپَرست مردم که یهودی بَه بینَه، پولس و بَرنابا دومله راه دَلکینَه. پولس و برنابا اِم گروه نَه گَف ژَندِشونَه و اَوون تشویق کَردِشونَه که خِدا فیضی کا اِدامه بِدَن.

رَسولون اَعمال 2:42

اَوِن اِشتَن وقف کَردِشونَه رسولون کا تعلیم گِتِه را. دییَر ایماندارون نَه مشارکت کَردِه را و نون پَله کَردِه و دعا کَردِه را.

رَسولون اَعمال 26:22

تا اوری نَه روز خِدا مِن کمک کَردَشه و حِسَه اییا کا مَندَه ایمَه و گِردی را، روکی کا گِتَه تا یالی را، شهادتی بَدایم. چیی که بَواتیم چیی نییَه اَ چیی غِیراز که پِیغمبرون و موسی واتِشونَه که بَسی اِتِفاق دَلَکِه که:

رومی کلیسارا نامه 11:22

بَس خِدا میهرَوونی و سختگیری ویر بَمَرکَه؛ سختگیری کسونی را که ایمانی کا بَلَکَه اینه، امّا بَه تِنه میهرَوونَه، البته بِه اِم شرط که چَیی میهرَوونی کا ثابت بومونی؛ اَگم نِه، تِه نی دَوِردَه بَبیش.

رومی کلیسارا نامه 2:13

چوم کسونی که شریعتی دَرَسِن خِدا نظری کا صالِح نینَه، بَلکَم کَسونی صالِح حساب بومَین که شریعتی اَنجام بِدَن.

رومی کلیسارا نامه 7:12

بَس، شریعتْ مقدّسَه و شریعتی حُکم نی مقدّس، دُرست و چاک.

رومی کلیسارا نامه 8:15

چیرا که شِمَه بَردَگی روح بِه دَس وَردَه نیرونه تا هَنی بِتَرسه، بَلکَم شِمَه زوعَه اون مقامی کا فرزند خوندَگی روح بِه دَس وَردَرونه، که چَیی واسطه نَه خِلِع بَکَردیمون: «دَده، چِمِن دَده.»

رومی کلیسارا نامه 8:2

چوم شریعتی که روح زِندگی یَه مسیحْ عیسی کا، شِمَه، گناه شریعت و مرگی کا آزاد آکَردِشه؛

اوّلین نامَه قورَنتیانیرا 15:58

بَس، چِمِن عَزیزَه بِرااِن، پابَرجا و بَرقرار بِبییَه، همیشه خِداوندی کاری وِرتَر و وِرتَر اَنجام بِدییَه، چوم که بَزنیرون خِداوندی کا شِمَه زحمت کَشِه اَلَکی نییَه.

دوومین نامه قرنتیانیرا 13:5

اِشتَن مَحَک بِژَنَه، تا بِوینه که ایمان هِستِرونه یا نِه. اِشتَن آزمایش بِکَرَه. یا مَگم اِمی نِفهمَه که عیسایِ مسیح شِمَه دیلَه کا یَه؟ مَگم اِم که اِم آزمایشی کا رُفوزَه آبییَه!

نامه غلاطیَه کلیسارا 2:4

اِم نگرانی اَ دوروعَه بِرااونی واسی بَه که نِینَکی چَمَه دیلَه کا رَخنَه کَردِشونه تا اَ آزادی که مسیحْ عیسی کا هِستِمونه جاسوسی بِکَرِن و اَمَه بِبَرِن بَردِگی را.

نامه غلاطیَه کلیسارا 5:1

آزادی واسی بَه که مسیح اَمَه آزاد آکَردِشَه؛ بَس محکم بومونَه و هَنی اِشتَن نوکری یوغی گیریفتار مَکَرَه.

نامه غلاطیَه کلیسارا 6:2

یَندی بارون بِه دوش بَکَشَه که اِنتَه مَسیح شریعتی بِه جا بواَردیرون.

نامَه کُولُسی کلیسا را 1:23

بِه شرطی که راس راسی شِمَه ایمانی کا قُرص و پابَرجا بومونه و اَ اِنجیلی اُمیدی کا تَکان مَرَه. اِم هَ اِنجیلی یَه که گِردِ خِلقتی را آسِمونی جیری کا اِعلام بَه، و اَز، پولُس، چَیی خادم بَییمَه.

اوّلین نامَه تیموتائوسیرا 2:15

امّا ژِن، خِردَن دنیا وَردِه نَه نجات پیدا بَکَردی، اَگم ایمان و مُحبت و مقدّس بییِه کا، نجابَتی نَه بومونِه.

اوّلین نامَه تیموتائوسیرا 4:16

اِشتِه هَواس چاک، بَه تِه کا و اَ تعلیمی کا که بَدایش بِبو. اِمی کا پابَرجا بِبَش، چوم که اِم کاری نَه هَم اِشتَن و هَم کسونی که اِشتِه گفی دَرَسِن نجات بَدایش.

نامَه، عِبرانیه نَتاجَه مسیحیونرا 12:15

شِمَه هَواس جمع بِبو هیچکسی خِدا فیضی ویگِتِه کا شکست مَرِه، تا هیچ تِلَه بِنَه ایی مَپِرا و دردسری باعیث مَبو و وِر کسون نِجس آمَکَرَه.

یعقوبی نامَه 2:12

بَس کَسونی شیوار گَف بِژَنه و عَمل بِکَرَه که بَزنین طبق آزادی یَه شریعت، بَر اَوون داوری بَبی،

پطروسی اوّلین نامَه 2:16

آزادَه مردمون شیوار زِندگی بِکَرَه، امّا شِمَه آزادی سَرپوشی مَکَرَه شِرارتی را، بَلکَم خِدا نوکرون شیوار زِندگی بِکَرَه.

یوحنا اوّلین نامَه 2:24

بِدارَه اَ چیی که صِفته نَه دَرَسَرونه شِمَه کا بومونِه؛ اَگم اَ چیی که صِفته نَه دَرَسَرونه شِمَه دیلَه کا بومونِه، شِمَه نی زوعَه و دَده دیلَه کا بَمَندیرون.

یوحنا موکاشیفَه 14:13

و ایلَه سَسی آسمونی کا دَرَسِمَه که بَواتی: «اِمی بینیویس: خَسَه بِبو کسونی که چِمی پَش خِداواندی کا بَمَردین.» و خِدا روح بَواتی: «راس راسی خَسِه بِبو اَوون که اِشتَن زحمتون کا آسایش بَگتین، چوم که چَوون اَعمال چَوون دومله بومَی!»

یوحنا موکاشیفَه 22:14

خَسَه بِبو اَ کسونی که اِشتَن اَبا اون شورِن تا اِم حقّی بَدارِن که زندگی بَخشَ داری کا بَرِن و بِشان بان شهری دروازه اون دیلَه.