یعقوبی نامَه 1:21 - کتاب مقدس به زبان تالشی شمالی

²¹ بَس هَر جورَه فِساد و هَر جورَه شِرارتی اِشتَن کا دور آکَرَه و فروتنی نَه، کلامی که خِدا شِمَه دیلی دیلَه کا نِشا کَردَشه قبول بِکَرَه. اَ کلامی که بَشای شِمَه جانون نِجات بِدَه.

کتاب مقدس به زبان تالشي - گویش مرکزی

²¹ پس هَر مودیل فیساد و هر مودیل آوشَر گیری کن مندیَیه، اِشتَنکا رَت آکَرَ و فروتَنینه، کَلامی کن خدا شِمَه دلی دلَکا کَشتَه شه قبول بکَرَ. اَ کلامی کن بَشایَه شِمَه جانون نیجات بدَرِ.

یعقوبی نامَه 1:21 Iomraidhean Croise

مَتّی 5:5

خَسه بِبو کسونی که فروتنی نَه، چوم اَوِن زمینی بِه اِرث بَبَردین.

یوحنا 6:63

خِدا روحَه که زِنده بَکَردی؛ جِسمی را هیچ فایده ایی نییَه. گَفونی که اَز شِمَه نَه بَواتیم، روح و زندگی اِستینَه.

یوحنا 6:68

شَمعون پطرس جَواو دوشَه: «آقا، اَمَه چیکی وَر بِشَم؟ اَبَدی یَه زندگی گفِن اِشتِه وَری کااینَه.

رَسولون اَعمال 10:33

بَس اَلبَحَل اِشتِه دومله وَیسا آکَردِمَه و تِه نی لطف کَردِرِه و اومیشه. حِسَه گِردِ اَمَه خِدا پیشی کا حاضِریمونَه تا هَر چِه خِداوند بَه تِن دستور دوعَشَه، دَرَسَم.»

رَسولون اَعمال 13:26

«اِی بِرا اِن، اِی اِبراهیم پیغمبری خِردَنون نَسل، و اِی خِدا تَرسِنی که شِمَه دیلَه کا اینَه! اِم نجات بخشَه پَیغوم اَمَه را ویسا آبَه.

رومی کلیسارا نامه 1:16

چوم از اِنجیلی کا عار نِدارِم، چیرا که اِنجیل خِدا قوّتَه، هَر کسی نجاتی را که ایمان بواَرِه، اوّل یَهود و دومله غِیریَهود.

رومی کلیسارا نامه 11:17

ولی اَگم بعضی لاخَه اِن دَوِردَه بَیینه و تِه که وَحشی یَه زیتونی لاخَه بیش، دییَر لاخه اون نه زیتونَ داری پیوند بیشَه و حِسَه زیتونَ داری بِنه شیره کا که مُقوی یَه بَردیش،

رومی کلیسارا نامه 6:17

امّا خِدا را شُکر، شِمَه که پیشتری گناه نوکرون بیرونه، حِسَه صِدق دیلی نَه اَ تعلیمی کا اِطاعت بَکَردیرون که خِدا شِمَه آدوعَشه.

اوّلین نامَه قورَنتیانیرا 15:2

و چَیی واسطه نَه نجات پیدا بَکَردیرون، البته اَگم اَ کلامی که شِمَه را موعظه کَردِمَه، مُحکم غَم بَرَه. اَگم نِه که، بیخودی ایمان وَردَرونه.

دوومین نامه قرنتیانیرا 7:1

بَس اِی عَزیزِن، حِسَه که اَمَه اِم وعده‌ اون هِستِمونه، بایَه اِشتَن هَرجورَه ناپاکیِ جسم و روح کا پاک آکَرَم و خِدا ترسی نَه، مقدّس بییِه کامل آکَرَم.

نامَه اَفسوسی کلیسارا 1:13

شِمَه نی اَیی کا، وختی که حقیقتی کلامی، که شِمَه هَ نجاتی اِنجیلَ دَرَسِرونَه و اَیی ایمان وَردِورنَه، روح‌ القدسِ موعودی نَه مُهر بیرونَه،

نامَه اَفسوسی کلیسارا 4:22

تا شِمَه قدیمَه زِندگی رَوِشی یعنی اَ قدیمَه آدَمی که دوروعَه پیستَه اون واسطه نَه فاسِد بَه، شِمَه بَدَنی کا بَرورَه.

نامَه اَفسوسی کلیسارا 4:25

بَس، دوروع واتِه بِنییَه کَنار، هَر کمیله شِمَه خَمسوعه نَه، راستی نَه گف بِژَنَه، چوم که اَمَه گِرد، یَندی نَه ایلَه اَعضا ایمونَه.

نامَه اَفسوسی کلیسارا 5:4

زِشتَه گَفِن و مِفتَه گَفِن و رَکیکَه گَفِن نی شِمَه دیلَه کا مَبو که شِمَه شئنی کا نییَه؛ چَوون عوض بَسی شُکر بِکَرَه.

اوّلین نامَه تَسالونیکی کلیسا را 1:5

چوم که چَمَه اِنجیل فقط گفی نَه آنِرَسته بِه شِمَه، بَلکَم قوّتی نَه و روح القدسی نَه و کاملَ اِطمینانی نَه آرَستَه بِه شِمَه؛ هَتَه که بَزنیرون شِمَه واسی چِنتَه شِمَه دیلَه کا رفتار کَردِمونه.

اوّلین نامَه تَسالونیکی کلیسا را 2:13

اَمَه همیشه اِمی واسی خِدا شُکور بَکَردیمون که اَ موقعی که شِمَه خِدا کلامی قبول کَردِرونه، اِم کلام که اَمَه کا دَرَسِرونه، اَیی نِه اِنسانی کلامی شیوار، بَلکَم خِدا کلامی شیوار قبول کَردِرونه، جوری که حقیقت نی اِستَه، که شِمَه ایماندارون دیلَه کا کار بَکَردی.

نامَه تیتوسیرا 2:11

چوم خِدا فیض آشکار آبییَه، اَ فیضی که گِردِ مردمی نجات بَدای،

نامَه، عِبرانیه نَتاجَه مسیحیونرا 12:1

بَس چوم اِنتَه رَه شاهِدونی ایلَه یالَ خِری شیوار اَمَه دور آکَردَشونَه، بایَه اَمَه نی هَر بار و هَر گناهی که بَرک چَمَه دَس و پا کا دَپیچِستَه، اِشتَن کا دور آکَرَم و مقاومتی نَه اِم مسابقه‌ای کا که چَمَه ناری کا نوعَه، بیرویجَم.

نامَه، عِبرانیه نَتاجَه مسیحیونرا 2:3

بَس اَگم اَمَه اِنتَه رَه یالَه نجاتی کا غافل بِبییَم، چِنتَه چَیی مجازاتی کا دَوَزَم؟ اِم نِجات اوّل خِداوندی واسطه نَه اِعلام بَه و دومله کسونی واسطه نَه که اَیی دَرَسِشونَه اَمَه را ثابت بَه،

نامَه، عِبرانیه نَتاجَه مسیحیونرا 4:2

چوم بَمون را نی چَوون شیوار خوشَ خَوَر آرَستَه. امّا پِیغومی که اَوِن دَرَسِشونَه، چَوون را منفعتیشی نِبَه، چوم وختی که اَیی دَرَسِشونَه ایمانی نَه گوش نِدوشونَه.

یعقوبی نامَه 4:8

بِه خِدا نِزدیک آبییَه، که اَ نی شِمَه نِزدیک بَبی. اِی گناه کارِن، شِمَه دَسون پاک آکَرَه، و اِی دِ دیلِن، شِمَه دیلون پاک آکَرَه.

یعقوبی نامَه 5:20

اَ آدَم، بِزونِه که هَر کس ایلَه گناه کاری گمراهی کا آگاردِنه، چَیی جانی مرگی کا نِجات دوعَشَه و وِرَه گناه اون پوشوندَشه.

پطروسی اوّلین نامَه 1:22

حِسَه که حقیقتی کا اِطاعت کَردِه نَه، شِمَه جانون پاک آکَردَرونه، تا بی ریایَه بِرااون نَه محبت بِدارَه، یَندی نَه خالِص و پاکَ دیلی نَه خِش بِبییَه.

پطروسی اوّلین نامَه 1:9

شِمَه ایمانی نتیجه بَویندیرون که شِمَه جانون نجاتَه.

پطروسی اوّلین نامَه 2:1

بَس هَر جورَه بَدی، و هَر جورَه حیلّه و دِ دیمی و حسودی، و هَر اِفتِرایی اِشتَن کا دور آکَرَه.

پطروسی اوّلین نامَه 2:11

اِی عزیزِن، شِمَه کا که اِم دنیا کا مسافر و غریبیرونَه خواهیشت بَکَردیم که جِسمی هَواهَوسی کا، که شِمَه روح ضِد بَجَنگستین، پَرهیز بِکَرَه.