یعقوبی نامَه 1:14 - کتاب مقدس به زبان تالشی شمالی

¹⁴ ولی وختی که ایی نفر وسوسه بَبی، چَیی اِشتَن هوا هَوَس اِستَه که اَیی گول بَژَی و تَله کا دَرَفَنه.

کتاب مقدس به زبان تالشي - گویش مرکزی

¹⁴ ولی هَنگومی کن کَسی وس وسه بَبیَه، چَی هَوا هَوسَه، کن بَی گول بَژَی و بَی دوم دَرَفَند.

یعقوبی نامَه 1:14 Iomraidhean Croise

مَتّی 15:18

امّا اَ چیی که گَ کا بِرون بومَی دیلی کا بِرون بومَی. و اِمَه، اَ چیی که آدَمی نِجِس بَکَردی.

مَتّی 15:20

امِ چییِنی نَه که آدَمی نِجِس بَکَردین. اَنشوره دَسون نَه غَذا هَردِه هیچکسی نِجِس آنِکَرِه.»

مَتّی 4:1

اَ موقع خِدا روح، عیسی هدایت کَردِشَه ویاوونی را، تا اِبلیس اَئی اِمتحان بِکَرِه.

مَتّی 5:28

امّا از شِمَه نَه بَواتیم، هَر کسی شهوتی نَه ایلَه ژِنی دَیِسه، هَ لحظه اِشتَن دیلی کا اَیی نَه زِنا کَردَشه.

رومی کلیسارا نامه 7:11

چوم گناه، شریعتی حُکمی واسطه نَه فرصت تِلَفتِشه، مِن گول ژَندِشَه و چَیی واسطه نَه مِن کِشتِشه.

رومی کلیسارا نامه 7:13

بَس مَگم اَ چیی که چاک بَه، بَه مِرا مرگی باعث بَه؟ هَرگز! بَلکَم گناه اَ چیی واسطه نَه که چاک بَه، مَرگی چِمِن دیلَه کا بِه وجود وَردِشه تا اِنتَه معلوم بِبو که گناه، گناه یَه، و شریعتی حُکمی واسطه نَه معلوم بِبو که گناه پلیدی چَدَه بی حد و اندازَه یَه.

نامَه اَفسوسی کلیسارا 4:22

تا شِمَه قدیمَه زِندگی رَوِشی یعنی اَ قدیمَه آدَمی که دوروعَه پیستَه اون واسطه نَه فاسِد بَه، شِمَه بَدَنی کا بَرورَه.

نامَه، عِبرانیه نَتاجَه مسیحیونرا 3:13

بَلکم هَر روز، تا اَ موقع که اَیی نَه بَواتین ’اوری‘، یَندی نصیحت بِکَرَه، تا کسی شِمَه کا گناه دورع واسی، سِنگ دیل مَبو.

یعقوبی نامَه 1:13

هیچکس وختی وسوسه بَبی، مَواجِه: «خِدایَه که مِن وسوسه بَکَردی،» چوم خِدا هیچ بَدی نَه وسوسه نییَب، و هیچکسی نی وسوسه نِکَرِه.

یعقوبی نامَه 1:15

دومله وختی هوا هَوَس حامیله بَبی، گناه بَزَندی و گناه نی وختی کامِلاً یال بَبی، مرگ بِه بار بواَردی.