یعقوبی نامَه 1:12 - کتاب مقدس به زبان تالشی شمالی

¹² خَسَه بِبو اَ کسی که آزمایشون باری جیری کا صبر و تحملی نَه تاو بواَردی، چوم وختی آزمایشی کا سَربِلند بِرون بومَی، اَ زندگی بَخشَه تاجی ویگِرِه، اَ تاجی که خِدا بِه کسونی وعده دوعَشَه که اَیی نَه خِشینَه.

کتاب مقدس به زبان تالشي - گویش مرکزی

¹² خَشی اَ آدَمی حالیرا کن وَرداوَردونکا صبر تحمولینه تاو بوعردی، اِمی خونه کن وَقتی وَرداوَردیکا سربلند بِرِن با، اَ تاجی کن زندَگی بَبخشِستی، و خدا اَیِنی کن بَی رَی بداشتین وَعَدَ آدوعَشَه، ویرَگت.

یعقوبی نامَه 1:12 Iomraidhean Croise

مَتّی 10:22

گِردِ مردم چِمِن نومی واسی شِمَه کا بیزار بَبین، امّا کسی که تا آخِر تاو بواَرِه، نجات پِیدا بَکَردی.

مَتّی 25:34

دومله پاُتشا کسونی نَه که چَیی راست طرفی کا مَندینَه بَواتی: ”اِی کسونی که چِمِن دَده، شِمَه بَرکت دوعَشَه، بایَه و اَ پاُتشایی كه دنیا اول بُنیادی کا شِمَه را آمادَه بییَه، بِه اِرث بِبَرَه.

انجیل لوقا 6:22

«خَسَه شِمَه بِبو، وختی که مردم، اِنسانی زوعَه واسی شِمَه کا بیزار بِبون و شِمَه اِشتَن دیلَه کا بِرون بَرکَرِن و شِمَه فَش بِدن و شِمَه بَدنوم بِکَرِن.

رومی کلیسارا نامه 5:4

و صبر، شخصیت بِه بار بواَردی، و شخصیت اُمیدی بِه بار بواَردی؛

رومی کلیسارا نامه 8:28

بَزنیمون کسونی حقی کا که خِدا نَه خِشی نَه و طبق چَیی پیستَه دعوت بَیینه، گِردِ چییِن یَندی نَه چَوون خیریَتی را کار بَکَردین.

اوّلین نامَه قورَنتیانیرا 2:9

هَتَه که اِشعَیای پِیغمبری کیتابی کا نیویشته بییَه که: «اَ چیی که هیچ چِمی وینده نیشَه، هیچ گوشی دَرَسه نیشَه، و هیچ اِنسانی فِکری کا آرَستَه نییَه، خِدا کسونی را حاضر آکَردَشَه که اَوون نَه خِشَه.»

اوّلین نامَه قورَنتیانیرا 8:3

امّا اَ کسی که خِدا نَه خِشَه، خِدا اَیی آزونِه.

اوّلین نامَه قورَنتیانیرا 9:25

هَر کسی که مسابقه را بَشی گِردِ چیون کا اِشتَن پیشی بَگَتی. اَوِن اِم کاری بَکَردین تا اَ تاجی که از بِین بَشی بِه‌ دَس بوعَرِن؛ ولی اَمَه اِم کارون بَکَردیمون تا اَ تاجی بِه‌ دَس بوعَرَم که از بِین نِشو.

دِوُّمین نامَه تیموتائوسیرا 2:15

تَقَّلا بِکَه که خِدا وَری کا مقبول بِبی، ایلَه کاریگری شیوار که خجالت نِکَشِه و حقیقتی کلامی دُرست بِکار بَبَردی.

دِوُّمین نامَه تیموتائوسیرا 4:8

حِسَه نَه بِه بعد، اَ صالِحی تاج، بَه مِرا آمادَه یَه، تاجی که خِداوند، اَ عادلَ داور، اَ روزی کا بَه مِن آدوشَه- نِه فقط بَه مِن، بَلکَم گِردِ کسونی که چَیی ظهوری مشتاق بینَه.

نامَه، عِبرانیه نَتاجَه مسیحیونرا 10:32

ولی اَ قدیمَ روزون ویر بواَرَه، اَ زمانی که تازَه نورانی بَه بیرونَه؛ شِمَه ایلَه چَتینَ مبارزَه کا عذابی نَه تاو وَردِرونَه.

نامَه، عِبرانیه نَتاجَه مسیحیونرا 11:17

ایمانی نَه بَه وختی که اِبراهیم آزمایش بَه، اِسحاقی تقدیم کَردِشه؛ و اَ که وعده‌ اون ویگِتش بَه، قبول کَردِشه که اِشتَن ایلَه زوعَه قِربونی بِکَرِه،

نامَه، عِبرانیه نَتاجَه مسیحیونرا 12:5

مَگم اَ نصیحتی که اَمثال سلیمانی کیتابی دیلَه کا دَرییَه ویر بَرکَردَرونَه، که شِمَه نَه زوعَه اون شیوار گف ژَنِه؟ و بَواتی: «چِمِن زوعَه، خِداوَندی تربیتی خوار مَزون، و چَیی توبیخ کَردِه کا خسته مَبَش.

نامَه، عِبرانیه نَتاجَه مسیحیونرا 6:15

و اِنتَه، اِبراهیم بعد از اِم که صبوری نَه منتظر مَندَه، وعده بِه دَس وَردِشَه.

یعقوبی نامَه 2:5

عزیزَه بِرا اِن، گوش بِدییَه! مَگم خِدا اِم دنیا فَقیرون اِنتخاب کَردَه نیشه تا ایمانی کا دولتمند بِبون و اَ پاُتشایی بِه اِرث بِبَرِن که خِدا، بِه کسونی وعده دوعَشَه که اَیینه خِشینَه؟

یعقوبی نامَه 5:11

اَمّا خَسَه بِبو کسونی که صبر و تحمل بَکَردین. شِمَه، ایوبی صبر و تحملی درباره دَرَسَرونه، و بَزنیرون که آخِرسَر خِداوند اَیینه چِه کَردِشه، چوم خِداوند بی حد و اندازه میهرَوون و بَخشنده اِستَه.

پطروسی اوّلین نامَه 3:14

امّا حتی اَگم صالِح بییِه را عذاب بِکَشَه، برَکت بَگَتیرون. «اَ چیی کا که اَوِن تَرسِن، شِمَه مَترسَه و نیگران مَبییَه.»

پطروسی اوّلین نامَه 4:13

بَلکَم شاد بِبییَه اِمی واسی که مَسیح رنجون کا شَریک بِبییَه، تا اَ موقع که چَیی جلال آشکار آبو، شِمَه نی شادی بِکَرَه و وَشت واز بِکَرَه.

پطروسی اوّلین نامَه 4:14

اَگم مسیح نومی واسی شِمَه فَش بِدَن، خَسَه شِمَه بِبو، چوم روح جلال و خِدا روح شِمَه سَری کا قرار بَگتی.

پطروسی اوّلین نامَه 5:10

و دومله روکَتِه رنج و عذاب کَشِه پَش، خِدای پُور فیض،که شِمَه مسیح کا دَعوت کَردشَه، تا چَیی اَبَدی یَه جلالی کا شریک بِبییَه، شِمَه از نو بینا بِکَردی و پایدار و پُور قدرت و پابَرجا بَکَردی.

پطروسی اوّلین نامَه 5:4

و اَ وختی که شوونَه اون رئیس ظهور بِکَرِه، اَ تاج جلالی که از بِین نِشو، بِه دَس بواَردیرون.

یوحنا اوّلین نامَه 4:19

اَمَه محبت بَکَردیمون چوم اوّل اَ، بَمون محبت کَردِشه.

یوحنا موکاشیفَه 2:10

اَ عذابونی کا که هِم زودیون کَشی، مَتَرس. دَیِس، هِم زودیون اِبلیس شِمَه کا بعضیون زندانی کا دَرَفَنِه تا آزمایش بِبییَه و دَه روز عذاب بِکَشَه. تِه تا مرگ وفادار بومون،که از زِندگی تاجی آدَم بَه تِن.

یوحنا موکاشیفَه 3:19

«از کسونی نَه که خِشیمَه توبیخ و تربیت بَکَردیم. بَس غیرتی بِبَش و توبه بِکَه.

یوحنا موکاشیفَه 3:21

«هَر‌ کسی که پیروز بِبو، اِمی آدَم اَئی که مِنَه تختی سَری کا بِنِشِه، هَتَه که از نی پیروز بیمَه و چِمن دَده نَه تختی سَری کا نِشتیمَه.