نامَه، عِبرانیه نَتاجَه مسیحیونرا 3:5 - کتاب مقدس به زبان تالشی شمالی

⁵ حِسَه موسی خِدا کَ گِردی کا ایلَه خادمی شیوار وفادار بَه، تا اَ چیونی را که بَسی دومله واتَه بِبو، شهادتی بِدَه.

کتاب مقدس به زبان تالشي - گویش مرکزی

⁵ ایسَه موسی خدا کَکا ایله پاسَری شیوار وفادار به، تا اَ چییِنی سَر کن پی دومله واته ببو شاهیدی بدرِ.

نامَه، عِبرانیه نَتاجَه مسیحیونرا 3:5 Iomraidhean Croise

مَتّی 24:45

«بس اَ، عَقلمَند و وَفادارَه نوکَر کییَه که، چَیی اَرباب اَیی اِشتَن کَ اَهالی سَرپرست بِکَرِه تا چَوون غذا موقع نَه اَوون آدَه؟

مَتّی 25:21

چَیی اَرباب واتِشه: ”اَحسَنت، اِی چاک و امّانتدارَه نوکَر! حِسَه که اِم روکَه کاری کا امّانتدار بیش، بَس وِرَه کارون نی تِه دَسپَرِم. بِری و اِشتِه اَربابی شادی کا شریک بِبو!“

انجیل لوقا 12:42

عیسایِ خِداوند واتِشه: «بس اَ وَفادار و عقلمندَه مِتِر کییَه که چَیی اَرباب اَیی اِشتَن کَ نوکَرون سَرپرست بِکَرِه تا چَوون غذا سهمی موقع نَه اَوون آدَه؟

انجیل لوقا 24:27

دومله موسی توراتی کا و گِرد پیغمبرون نیویشته اون کا شروع کَردِشه و اَ چَیونی که گِردِ مقدّس نیویشته اون کا چَیی درباره نیویشته بییَه بَه چَوون را توضیح دوشَه.

انجیل لوقا 24:44

دومله اَوون نَه واتِشه: «اِم هَ چیی یَه که وختی حَلا شِمَه نَه بیمَه بَواتیم. شِمَه نَه واتِمَه هَر چیی که موسی توراتی کا، پیغمبرون نیویشته اون کا و داوودی مزموری کا، چِمِن درباره نیویشته بییَه بَسی اِتِفاق دَلَکِه.»

یوحنا 5:39

شِمَه مقدّس نیویشته اون دِقّتی نَه بَررِسی بَکَردیرون چوم خَیال بَکَردیرون چَیی واسطه نَه اَبَدی یَه زندگی هِستِرونَه، با اِمکه هِم نیویشته اِن چِمِن درباره شهادتی بَداین.

رَسولون اَعمال 28:23

بَس ایی روز اِنتخاب کَردِشونَه و وِر کَسِن اومینَه پولُسی کَ تا اَیی بِوینِن. اَ صِبی نَه تا شَو، خِدا پاُتشایی درباره اَوون نَه گف ژَنی و تَقَّلا کَردِشه که موسی تورات و پیغمبرون نیویشته اون نَه، عیسی درباره اَوون قانع بِکَرِه.

رَسولون اَعمال 7:37

«هِم موسی، یعقوبی نسلی نَه واتِشه: ”خِدا شِمَه بِرا اون دیلَه کا، ایلَه پیغمبر، چِمِن شیوار شِمَه را ویسا آکَرِه.“

رومی کلیسارا نامه 3:21

امّا حِسَه شریعتی کا جِدا، اَ صالِحی ای که خِدا کایَه آشکار آبَه، هَتَه که شریعت و پیغمبرِن اَیی را گواهی بَداین.

اوّلین نامَه قورَنتیانیرا 4:2

چِمون غِیراز مباشِری کا اِنتظار دارِن که وفادار بِبو.

اوّلین نامَه تیموتائوسیرا 1:12

چَمَه خِداوند مسیحْ عیسی شُکر بَکَردیم که مِن قوّت دوشَه، چوم مِن وفادار زونِستِشَه و مِن اِشتَن خدمَتی را مُعَین کَردِشه.

نامَه، عِبرانیه نَتاجَه مسیحیونرا 1:1

قدیمون، خِدا چِندی کَرَه جور بَه جوره راه اون نَه، پِیغمبَرون واسطه نَه چَمَه دَده اون نَه گف ژَندِشَه،

نامَه، عِبرانیه نَتاجَه مسیحیونرا 3:2

اَ نسبت بِه کسی که اَیی مُعیین کَردِشَه وفادار بَه، هَتَه که موسی نی خِدا کَ گِردی کا وفادار بَه.

نامَه، عِبرانیه نَتاجَه مسیحیونرا 3:4

چوم هَر کَ ایی، ایی نفری دَسی نَه وَج آبو، ولی اَ کسی که گِردِ چییون وَج آکَرِه خِدایَه.

نامَه، عِبرانیه نَتاجَه مسیحیونرا 8:5

اَوِن آسِمونی یَه چیون نمونه و سا خِدمت بَکَردین. چوم وختی که موسی پیستِش بَه خیمَه بَر پا بِکَرِه، خِدا اَیی حُکم کَردِشه و واتِشه: «اِشتِه هَواس جمع بِبو که گِردِ چیون مطابق نمونه‌ای وَج آکَری که کوه دیلَه کا بَه تِه نیشون دوعَه بَه.»

نامَه، عِبرانیه نَتاجَه مسیحیونرا 9:24

چوم مسیح اَ قُدس الاقداسی دیلَه دَنِشه که اِنسانی دَسی نَه وَج آبَه و فقط نمونه ای یَه اَ حقیقی یَه چیون کا، بَلکَم شَه آسِمونی دیلَه را تا چَمَه طرفی نَه خِدا محضری کا حاضر آبِبو.

یوحنا موکاشیفَه 15:3

و اَوِن خِدا خِدمتکار موسی سرودی، و وَرَه سرودی بَخَندین و بَواتین: «اِشتِه کارِن یال و عجیبی نَه، اِی خِداوندْ خِدای قادر مطلق اِشتِه راه اِن چِندی عدل و حقّی نَه. اِی گِردِ میلّتون پاُتشا.