نامه غلاطیَه کلیسارا 6:4 - کتاب مقدس به زبان تالشی شمالی

⁴ ولی هَر کسی بَسی اِشتَن کاری آزمایش بِکَرِه. اَ موقع چَیی فَخری دلیل فقط چَیی رایَه نِه چَیی خَمسوعه را.

کتاب مقدس به زبان تالشي - گویش مرکزی

⁴ ولی هَر کَم پی اِشتَن کاری وَرداوَرد بکَرِ. اَ تَرَکِه اشتِن ایفتخاری دلیل، چَی شنِه نِه چَی خَمسوعَه شِن.

نامه غلاطیَه کلیسارا 6:4 Iomraidhean Croise

انجیل لوقا 18:11

اَ فریسی مَندَه و اِشتَن نَه اِنتَه دعا کَردِشه و واتِشه: ”خِدایا، تِه شُکر بَکَردیم که دییَر مردمی شیوار دِزد نیمَه، بی اِنصاف نیمَه و زِناکار نیمَه، یا حتی اِم باجگیری شیوار نیمَه.

اوّلین نامَه قورَنتیانیرا 11:28

هَر کسی پیش از اِم که نونی کا بَرِه و قَدَرَه کا بِنجِه، اِشتَن آزمایش بِکَرِه.

اوّلین نامَه قورَنتیانیرا 3:14

اَگم اَ کاری که اَ پاکاری سَری کا وَج آبَه باقی بومونِه، اَ آدَم اِشتَن مُزدی ویگِرِه.

اوّلین نامَه قورَنتیانیرا 3:8

اَ کسی که بَکاشتی و اَ کسی که آو بَدای، هر دِ نفر ایلَه اینه و هَر کَمیله، اَ زحمتی اَندازه که کَشِن، مُزد ویگِرِن.

دوومین نامه قرنتیانیرا 1:12

چوم چَمَه اِفتخار، چَمَه وجدانَه که گواهی بَدای، که اِم دنیا کا اَمَه رو راستی و صاف و صادقی نَه که خِدا کا یَه رفتار کَردِمونه، نِه آدَمی حِکمَتی نَه، بَلکَم خِدا فیضی نَه رفتار کَردَمونه مخصوصن شِمَه نَه.

دوومین نامه قرنتیانیرا 13:5

اِشتَن مَحَک بِژَنَه، تا بِوینه که ایمان هِستِرونه یا نِه. اِشتَن آزمایش بِکَرَه. یا مَگم اِمی نِفهمَه که عیسایِ مسیح شِمَه دیلَه کا یَه؟ مَگم اِم که اِم آزمایشی کا رُفوزَه آبییَه!

نامه غلاطیَه کلیسارا 6:13

چوم حتی کسونی که خَتنَه بَبین نی شریعتی اَنجام نِدَن. بَلکَم پیستِشونَه شِمَه خَتنَه بِبییَه تا شِمَه جِسمی کا اِفتخار بِکَرِن.

نامَه فیلیپی کلیسا را 1:26

تا وختی هَنی بام شِمَه وَر، شِمَه فَخر مسیحْ عیسی کا چِمِن واسی وِرتَر و وِرتَر بِبو.