نامه غلاطیَه کلیسارا 6:3 - کتاب مقدس به زبان تالشی شمالی

³ چوم اَگم ایی نفر اِشتَن چیی بِه حساب بواَرِه که نییَه، اِشتَن گول ژَنِه.

کتاب مقدس به زبان تالشي - گویش مرکزی

³ اِمی خونه کن اَگَم کَسی بَشتن یالَه شَخصی بِزنِه، ایسَه اِم کن واقیعَا کَسی مَبو، بَشتَن گول بَژَی.

نامه غلاطیَه کلیسارا 6:3 Iomraidhean Croise

انجیل لوقا 18:11

اَ فریسی مَندَه و اِشتَن نَه اِنتَه دعا کَردِشه و واتِشه: ”خِدایا، تِه شُکر بَکَردیم که دییَر مردمی شیوار دِزد نیمَه، بی اِنصاف نیمَه و زِناکار نیمَه، یا حتی اِم باجگیری شیوار نیمَه.

رَسولون اَعمال 5:36

چوم چِندی وخت پیش، ایلَه مِردی که چَیی نوم تِئوداس بَه پِرِشتَه که اِدِعا بَکَردی اِشتَرا کسی یَه، و تقریبا چهارصد نفر نی اِشتَن دور و وَری کا جمع آکَردِشه. ولی اَیی کِشتِشونَه و چَیی دار و دَسته نی گِرد تار‌و‌مار بینَه.

رومی کلیسارا نامه 12:16

یَندی نَه مُدارا بِکَرَه! مغرور مَبییَه، بَلکَم کسونی نَه که سادَه و ضعیفی نَه رفت و آمد بِکَرَه. هرگِز شِمَه دانا مَزونه.

رومی کلیسارا نامه 12:3

چوم فیضی واسطه نَه که بَه مِن آدوعَه بییَه، شِمَه هَر کمیله نَه بَواتیم که اِشتَن اَ چیی کا که اِستیرونه، وِرتَر مَزونه، بَلکَم هَر کمیله اَ ایمانی اَندازه که خِدا، شِمَه بَخشِستَشه، دُرست قِضاوت بِکَرَه.

اوّلین نامَه قورَنتیانیرا 13:2

و اَگم نبوّت کَردِه قدرتی بِدارِم و بِشام دنیا گِردِ سِرّون و دانایی درک بِکَرِم، و اَگم اِنتَه کامِلَه ایمانی بِدارِم که بِشام کوه اون جا‌بجا بِکَرِم، امّا محبت مَدارِم، هیچی نیمَه.

اوّلین نامَه قورَنتیانیرا 3:18

هیچکس اِشتَن گول مَژَنِه. اَگم شِمَه دیلَه کا اینفر خَیال بِکَرِه اِم دورَه زمانه کا حَکیمَ آدَمَه، بِدا که نادون بِبو تا شاید حکیم بِبو.

اوّلین نامَه قورَنتیانیرا 8:2

اَگم ایی نفر خَیال بَکَردی ایی چیی بَزنی، حَلا اَ چی که بَسی بِزونه، نیمَزنِه.

دوومین نامه قرنتیانیرا 12:11

از ایلَه نادون بیمَه! شِمَه مِن مَجبور کَردِرونه، چوم که بَسی بَه مِن کا تعریف بِکَریرون. چوم هَر چَن که هیچی نیمَه، امّا اَ ’یالَ رسولون‘ کا هچیی کم نیمَه.

دوومین نامه قرنتیانیرا 3:5

نِه اِم که اِشتَن لیاقت بِدارَم که اِدعا بِکَرَم که چَمَه دَسی کا نی چیی بِرون بومَی، بَلکَم چَمَه لیاقت خِدا کایَه.

نامه غلاطیَه کلیسارا 2:6

امّا کسونی که بِه نظر با نفوذ بومَین- هَر کسی که بینَه فرقی نِکَرِه، چوم خِدا بیخودی کسی کا طرفداری نِکَرِه، اَوِن چیی بَه مِرا اِضافی نِکَردِشونه،

نامه غلاطیَه کلیسارا 2:9

بَس یعقوب و پطرس و یوحنا که به نظر بومَی کلیسا سُتون بینَه، اَ فیضی که چِمِن نَصیب بییَه بَه، ویندِشونَه، و مِن و بَرنابا نَه دَس رفاقت آدوشونه تا اَمَه بِشَم غیریهودیون وَر و اَوِن بِشون یَهودیون وَر.

دِوُّمین نامَه تیموتائوسیرا 3:13

امّا شرورَه آدَمِن و حُقَه بازِن بَدی کَردِه کا بدتَر بَبین؛ گول ژَنِن و گول بَردین.

یعقوبی نامَه 1:22

ولی خِدا کلامی عَمَل بِکَرَه، نِه اِم که فَقَط اَیی دَرَسَه؛ اِشتَن گول مَژَنه!

یعقوبی نامَه 1:26

اَگم کسی گمون بَکَردی دیندار اِستَه، امّا اِشتَن زَوونی پیشی نیمَشا بِگِرِه، بَلکَم اِشتَن دیلی گول بِژَنه، چَیی دینداری هیچ اِرزشی نیشه.

یوحنا اوّلین نامَه 1:8

اَگم بوآجَم که گناه کَردَه نیمونه، اِشتَن گول ژَندَمونه و چَمَه دیلَه کا حقیقتی نییَه.